𓃠 أوته طعمية ✗♡✗♡

أخدتي الموضوع بشكل شخصي جدًا، لدرجة إن النقاش اتحوّل من معلومة طبية لهجوم واتهامات وتعميم على الرجالة، وكأن أي حد بيختلف معاكي علميًا يبقى بيدافع عنهم على حساب صحة الستات !! أنا مش بدافع عن الرجالة ولا عن شركات الأدوية ولا عن حبوب منع الحمل. أنا ببساطة بعرض حقائق علمية، سواء عجبتنا أو لأ وبالنسبة لمثالك عن التدخين، فهو سبب مثبت لسرطان الرئة، وفي نفس الوقت مرتبط بانخفاض احتمالية الإصابة بالتهاب القولون التقرّحي. هل ده معناه إن التدخين مفيد أو إننا ننصح بيه؟ طبعًا لأ ونفس الفكرة مع حبوب منع الحمل: فيه زيادة في خطر سرطان الثدي، وفيه انخفاض في خطر سرطان المبيض وبطانة الرحم ، هل دا معناه اوصفه او امنعه بالمطلق؟ برضه لا من حقك تنتقدي أي دراسة، لكن هل قرأتي الأبحاث الأصلية؟ هل عندك اعتراض علمي على منهجيتها أو نتائجها؟ ولا مجرد إن النتيجة مش متفقة مع قناعتك يبقى الباحثين غلط؟ أنا متفق معاكي إن مسؤولية منع الحمل لازم تكون مشتركة، لكن مش مطلوب مني أحرّف الحقائق العلمية عشان أثبت إني في صف اي فئة ! و الاقتباسات المتكررة والسخرية والاتهامات مش أدلة علمية بتقوي حجتك ، و اي هجوم شخصي مش بديل عن الحجة او بيقوي اي موقف أنا بناقش معلومة، مش بهاجم جنس ولا بدافع عن جنس. ولو عندك اعتراض علمي محدد، أهلًا بيه. غير كده، مش هحوّل نقاش طبي لخناقة شخصية