Muhammad Daud Khan

محترم وزیرِ دفاع @KhawajaMAsif، آپ کا شکریہ کہ آپ نے اس مسئلے کی نشاندہی کی۔ تاہم اگر بجلی کے نظام سے متعلق عوامی مشکلات کی بات کی جائے تو خیبر پختونخوا، خصوصاً جنوبی اضلاع کے عوام بھی شدید مسائل کا سامنا کر رہے ہیں۔ متعدد علاقوں میں لوگ اپنی جیب سے ٹرانسفارمرز کی مرمت کروانے پر مجبور ہیں۔ اکثر عوام چندہ جمع کرتی ہے یا اپنے سیاسی نمائندوں کے ذریعے یہ کام کرواتی ہے تاکہ بجلی بحال ہو سکے۔ اسی طرح واپڈا اور بجلی کے شعبے میں ہزاروں آسامیاں خالی پڑی ہیں جبکہ ملک میں بے روزگاری بڑھ رہی ہے۔ ضرورت اس امر کی ہے کہ وزارتِ توانائی ان مسائل پر بھی توجہ دے، خالی آسامیوں کو پُر کیا جائے تاکہ نوجوانوں کو روزگار کے مواقع میسر آئیں اور موجودہ ملازمین پر کام کا بوجھ بھی کم ہو۔ اس سے اداروں کی کارکردگی بہتر ہوگی اور عوام کو بھی بہتر خدمات فراہم کی جا سکیں گی @akleghari