تعسجدتي على مرأى من الحسّاد و الخلان
تسيرين بخطاوي ثابته و أحيان مختاله
ربطتي الأرض و أطراف السماء باللول و المرجان
على نحرك و صار أجمل نحر يزهاه سلساله
- ناصر مناحي
دام أنا عرّاب للكلمة وشخص مخوّل
أنتي لكل القصايد والغزل عرّابة
لا تحَسبيني أجي بعد البطا متسوّل
ولا تحسبيني مثل من يستطيب غيابه
والله إنّي ما حسدت إلا الضيا المتجوّل
فوق طرْفٍ أستلذ السلهمة بأهدابه
وودّي إن بعد المسافة بيننا لا طوّل
من أساور معصمك لـْ خاتم السبّابة
يالاوله فـ البشر زين وتبجاحه
المعجزه معجزه يا فاتنة عصرك
من يحصر المعضلات بـ خيط مسباحه
اليا بغى يوصفك يعجز على حصرك
فيك الحلا مودعٍ قفله ومفتاحه
لله در القوام اللي كتب نصرك
سوارتك ترهم وتركب على الراحه
ان جات في معصمك وان جات في خصرك
- ناصر بن شايع