دوسّـر

لقيت الجمايل ردّها مثل رد الثار لا صارت من اللي كل فتره يبيّنها عساف أبوثنين

جعل برقٍ يامره من يعذب ويغفر ما يخلي فيضةٍ مايسيل سيلها شايل أغراضي وقدني على نية سفر للديار اللي ترحب وأنا البّي لها رحلتي ماهيب تبغى ولا واحد نفر ماتبي إلا ونة الشوق من حبي لها كل ماطرو ديرها مرابعها قفر قمت كنّي ما عرفها وانا قلبي لها

اغنم طرب راسك من اليوم العَفر قدام صدمات الليال تشيّبه عويد النجود

يا عاشق الدنيا ترى مالها جار كم واحدٍ في حبها طار شوعه اليوم تضحك له وتعطيه الإنذار وبكره تلحويها محاني ضلوعه خلك على صكات الأيام صبّار ويومٍ يفوتك لا تمنى رجوعه الزلامي الله يرحمه

يا صاحب الخاطر المكسور خلّك قريب عندي قصيدة حزينه يمكن اقولها

لا أنكفت الدنيا غدا الليل مالوف خل النهار وخل شغله يولّي أفوّت الفرصه وانا اشوفها شوف يابن المبادي حط نفسك محلّي احيان والله يدبل الكبد ملقوف وأحيان أشوف أن اللقافه تسلّي مشيع بن فهيد

ما يفرّق هواجيسي و يـجمع شتاتي غير بعض الشعور اللي عسى الله يعيده عزّني قبل ما تمشي وكانك بتاتي ان كتب لي بعد موتي حياة جديده بيض الله وجهه اللي يسوي سواتي ما يخلي محابيل الردى تمسك ايده ياسنين الشقى و الشوق ودّي و هاتي ودي اللي نحب وهاتي اللي نريده خالد مبارك

أحاتي القدا ، وأخاف لا اصير دون الظّن هقاوي الرجال أثقل علي من جمايلها سالم العبدان

علّم الجهال لا تحسب الدنيا عروس كم صبيٍ يوم زانت فـ عينه خلّتـه مطلق الثبيتي

المعتبر ياخذ على الدنيا دروس من العبر والناس يكسبها معامَلها بقد عقولها ابن جدلان

والله اني ماهقيت انك مداك قرّيب شانت ظروف الزمان وشان وجهك معها كل ما بانت خفيّه قلت طيب طيب من بغى فحص الضماير لازمً يوجعها الكلام ارخص عموله والفعول تشيّب هات انا من شافها وتروح انا سامعها النبا الطيب نوافل للذراع الطيّب لاتسنن للفريضة وانت ماتركعها نجم الاسلمي

حبيبي غلاه صعيب وانا غلاي صعيب لو اشيل همه يمكن يموت من همّي سحرني مثل يسحر الطيبين الطيب وخلاني اسولف على الموت و اسمّي اذا كان حبه عيب كل المحبه عيب واذا كان أحبك تزعله جعلها سمّي اسولف معه من يوم تطلع لين تغيب تقول اسولف مع ابوي ولا امي خالد مبارك

من بغى ياخذ على راحة أعصابه ضمان أنصحه لا عاد يشفق على مستقبله علي ال صبيح

الليل حالك و المساري موحشة والدرب خوف و الذكريات أشياء يستعصي عليّ إتلافها أثر الأماني وارفات ظْلال دانية القطوف و الأمنيات أكثر ما يخشى الحالمين إسرافها على رصيف الصبر ملّ المنتظر طول الوقوف وين الحياة اللي تخيّلت و لمحت أوصافها ؟

يا ناعس الطرف علّم طرفك الخادر لا عاد يرسل مع النظره محابيله انا اعرف أحب لاكن ما اعرف ابادر كم غالي راح ما يدري بحبّي له (:

يزول التطبّع و الطبيعة ما هي تـنـزال ومن ركب طبعٍ غير طبعه غدا حوسه ناصر المري

اعذريني يوم أقابل طعونك بإرتياح كيف لا والجرح مملوح والجارح مليح أعذب من النسمه اللي يمر بها الصباح لا أستقرت في فوادٍ من الفرقى جريح مدغم ابوشيبه

على كثر ماني بـ آتذرى من المنقود يورالي ان الشوق يظهر من النبره محسن بن مترك

لا تقدّا فالعرب داني وقاصي خلك اللي يبلشون ويتبعونه حكمة الشيبان بيضان النواصي من تعلق فالعرب ماينفعونه ماورا طرد البنات الا المعاصي ولا ورا طرد الرجال الا المهونه رفعان العرجاني

من لا سعى للمرجله في شبابه اليا كبر يتعب وهو مالقيها ومن لا يقاسم فالطعام الذيابه يموت جوع و لقمته مشتهيها ومن طق باب الناس ينطق بابه ويذكّرونه في علومٍ نسِيها ومن لا يفقد كل جابه وجابه لا جاته الزلات يصبر عليها ومن لا يثمن فالمجالس جوابه الطيبه يبطي وهو يحتريها مطلق الثبيتي