يا صاحبي شوفتك عقب الصّلف راحه
أرتاح من شوفتك يا روح .. الارواحي
صارح و أصارح و ابي رخصه وتصريحه
ما عاد لي صبر ، يا عجيّج الأرياحي
أموت لا شفت سلهامك و تسجيحه
اليا أقبلت باللي تشادي طلع تفاحي
صدري مسكر وبْيدينك مفاتيحه
وسرقت منّي فوادي سرق مزاحي
- سعد بن جدلان
ياصاحبي كسر الخواطر من شهاويها حرام
والحب يحييه الوصل والروح يحييها الغذا
كل الجوارح فيك تنطق لي من عيونك كلام
يا حبّذا لو مـن لسانك تنطقه يا حبّذا
ياحبذا لو تتخذ وضعي بعين الاهتمام
من كثر درهامي ورى طرد الهوى حالي جذا
- سعد بن جدلان
قمرا شهر عشره وبرّاق قبلي
لاشفتهن مالي مع الناس مقعاد
يا كثر ما قالوا لي الناس مَبلي
راعي الولع ما هو عن الناس نشّاد
لا جيت قيعانٍ عقب رش وبلي
ولقيت جرّة من له القلب منقاد
بـ اطراف روضٍ ما توطّاه قبلي
حيٍ من اللي تارسٍ راسه عناد