قلبي موجعني على الأطفال الي ماتوا الله يرحمهم ويغفر لهم ويجعلهم شفعاء لاهلهم والحمدلله إني ما اعرف حتى اسمائهم لأن قلبي مايتحمل اكثر من كذا على إني رحت اصورعند سيل بيتنا واوثق لخوالي واخذت تهزيئة وطلعت من جديد بالدس يالله شلت هم المهطف عيال الجيران كلهم برا امس الحمدلله انهم بخير
امس صنعت ذكريات جميلة جدًا احس قلبي ارتوى مع المطر صورت فلوق مع اختي الصغيرة وماخليت أحد ما ارسلت له تصويري بالخاصة اخوي المغترب الله يبارك له برزقه سولفنا أنا وماما كثير شربت قهوة تحت المطر واعطيت نفسي اجازة من كل شيء في الحياة لذلك الحمدلله على كل النعم البسيطة بنظري 🤍
مادام إن الأجواء حنونة جدًا اكتشفت إنه ماء المطر مايكون نقي ! لأنه يحتوي على مواد مذابة من اكسجين نيتروجين والخ.. أما البرق يساهم في إنه يحول N2 الموجود في الهواء إلى مركبات تستفيد من النباتات ويسمونها تثبيت النيتروجين المهم ادركت إنه كل شيء في حياتنا له فايدة وإن كنا لا ندرك
مقاطع الآباء احس كذا تخلي مشاعري غريبة مشاعر لهفة وعتاب مكتوم دايم بعد ما اخلص اشغالي المعتادة ادخل على الريلز دايم تطلع مقاطع لروضة في الكويت يخلون اباء الأطفال يزورونهم مشاعرهم تحرك فيني اشياء كثير عسى ربي يخليهم لبعض يارب المهم بناءًا على هذا الشيء جاني تساؤلات كثير إنه خيار
ما اشبه والدي في الصفات بتاتًا مُجرد الخشم فقط كشكل أما باقي تفاصيل وجهي من عمة ماما دايم عندي فضول عن الإختيار الصح ! وكيف إنه الواحد مايتغير بعد الزواج بالخاصة إذا كان فيه اطفال احس ذي الأشياء صعبة كتفكير فكيف كواقع ؟ على إني احس بمشاعر ايجابية جدًا المهم مجرد تفريغ لأفكاري
مذاكرة اليوم جدًا استثنائية السماء مُلبدة بالغيوم وصوت العصافير كانت خلطة ناجحة جدًا لتعديل المزاج وكذلك مذاكرة اليوم كانت سهلة الحمدلله المهم يارب نفس ما جعلتني استمتع بشوفة هذا الجمال كله اجعلني اشوف درجاتي تسر عيوني وقلبي
توني خلصت مقطع مدته ساعة كانت أماندا تتكلم عن اسباب القلق والإكتئاب المقطع اغلبه عن الجهاز العصبي بحكم تخصصها من ضمن الأمور الي تعلمتها إنه في خمس عناصر اساسية للتعافي الي هي النوم ، العلاقات ، الحركة والتغذية والتنظيم المعتمد للجهاز العصبي
قالت إنه لازم كذلك إنه التغيير يكون من
خلال التجارب الصغيرة بدل ما ابدأ بشيء كبير وممكن يكون مستحل من ضمن الأشياء الي استغربتها كثير إنه مانقدر نتحكم بجهازنا العصبي ! الي نقدر نسويه اننا نعزز من مرونته بحيث اننا نسوي تغييرات في بيئتنا ونمط حياتنا
youtu.be/BdCdiiZSYAw?si=ktLT…
بناءًا عن الي حولي اكثر اجابات تتكرر عليَّ إني مراعية واتنازل عشان راحة غيري ومن حزب اللطافة والاغلب يشوف إني طيبة وسنعة
أما في المواقع شخص كان يقول عني ناضجة وماينخاف عليَّ وإني قوية عشاني قادرة اعبر وشخص قال إني عنيدة ولكني اشوف العكس
كنت اعتقد إني مُشبعة نوعًا ما من الحياة وكنت اعتبر نفسي راضية والحمدلله أنا كذلك فيه شخص كان يوديني احيانًا الجامعة هذا الإنسان عاش اشياء كثير من فقد لحفيده ، سجن ولده ، وامور اخرى انصدم إنه كيف هو قادر ؟ هل لأن عنده صلابة نفسية ولا كبر السن له دور ؟ لكن كنت الاحظ عليه العصبية
بشكل مفرط على إنه مرة من المرات قال لي "انتي طيبة تطلعين بسرعة " واحيانًا يقول يا بنت فلان خلك وراي ويعطيني جواله واحاول اساعده ف حاليًا إلى الأن يودي البنات الجامعة والاغلب يسبه لكن احس صح إنه مو ملزومين البنات إنه يروحون مع شخص عصبي وبطيء في السواقة لكن ارحمه كثير الله يلطف فيه
" لن تَجد في النَاس كاملاً ، فابحَث عَمّن لا يؤذيك نَقصه " قرأت هذا النص في صورة وقلت بكتب افكاري عنها كعادتي في فترة المتوسط كنت اتعرض لشوية مواقف سيئة من طريقة لبسي أكلي وحتى ابتسامتي إنه ليش اوزع ابتسامات ؟ افتكر من شدة الاذى النفسي كنت ابكي لأني ضعيفة وذا مو حجة ! لكن ما
3nov .. صار عمري ٢٢سنة 💜
سعيدة جدًا اني تساوى عمري الهجري والميلادي تعلمت اشياء كثير كعادتي وجدًا ممتنة لربي على ابسط شعور و وجع حسيت فيه تمنيت اشياء وما تحققت لحكمة من ربي وخيرة ومبسوطة فجأة الكلام تبخر من عقلي لكن متعطرة بعطري المُفضل (عطر عيد الأضحى ) ريحته هادية جدًا واحتسي
