الله عطاك الجمال الطاغي المستحيل
اللي على غيري مْن الناس ماقد ظهر
أجزم لك بكل ما اوتيت بأنك الحصيل
من الليالي ومن جور الزمن والقهر
سبحان من بأمره تْقوم الخطوب وتزيل
اللي لجيدك رفع واللي لعودك صهر
مازلت لـ الوصل متفاني وأدور سبيل
لو شح فيك النصيب وجاد فيك الدهر
فالح بن غاشم
وصفك ما يعرف حدود ولا يحدد مداه
موت حمر وابتداية مولد و قرب آجل
ياروح روحي يا جرح الروح مدري دواه
أنتي كثيره و غيرك مع كثيرك اقل
أنتي صباح العمر بالعمر وانتي مساه
أنتي علاج الكآبه و الحزن و الملل
ترى المواصِل أجر وأحلى طعم للحياه
حلو المحبه ع ملح الرضا و الزعل
جزاء الغيداني


