Farhan Malik

امریکہ ایران جنگ کا طبل دوبارہ بجنے والا ہےایرانی وزارت خارجہ کے ترجمان اسماعیل بقائی نےکانفرنس میں کہا کہ ایران کےخلاف جنگ چھیڑی تو امریکا کو سنگین نتائج بھگتنا ہوں گے، سفارتی عمل سے پہلے امریکا ایران پر عائد پابندیاں اور ناکہ بندی ختم کرے،امریکا کو دی گئی 2 روزہ تجویز سب سے زیادہ معقول ہے، واشنگٹن مطالبات تسلیم کرلے تو 2 دن کے اندر خطے میں مثبت پیشرفت ہوگی، مطالبات تسلیم ہونے پر آبنائے ہرمز میں صورتحال معمول پر آجائے گی۔ 6دہائیوں کا تجربہ ہے امریکا کی دونوں سیاسی جماعتیں ایران مخالف رہی ہیں،امریکا کی دونوں بڑی سیاسی جماعتوں میں ہمارے لیےکوئی فرق نہیں ہے۔

ایران کے ساتھ بات چیت کسی بھی نتیجے کی طرف نہیں بڑھ رہی۔مارکو روبیو کا کہنا ہے کہ میں یہ نہیں کہوں گا کہ ہم کسی بڑی پیش رفت کے دہانے پر ہیں۔ ٹرمپ اب بھی مذاکرات کے ذریعے حل چاہتے ہیں، لیکن اب تک کی بات چیت سے کوئی خاص نتیجہ نہیں نکلا ہے۔ کبھی کبھی ایسا ممکن نہیں ہوتا۔ ٹرمپ کے پاس اب بھی مذاکرات کرنے کا راستہ موجود ہے۔ سوال یہ ہے کہ وہ کب تک کوششیں جاری رکھنے کے لیے تیار ہیں۔

امریکا نے جنگ چھیڑی تو ایران خاموش نہیں بیٹھے گا۔ایرانی وزیرخارجہ عباس عراقچی ٹرمپ کو جواب میں کہا کہ اسرائیل امریکی حکومتوں کو نہ ختم ہونے والی جنگوں میں دھکیلتا رہا ہے۔ امریکی عوام نے مڈ ٹرم الیکشن میں بتادیا کہ وہ تنگ آچکے ہیں۔ امریکی وسط مدتی الیکشن کے بعد ثالثوں کی جانب سے کوئی پیغام نہیں ملا۔ سفارتی کوششیں دوبارہ شروع ہونے کا انتظار کرنا ہوگا۔ امریکا تمام محاذوں پر جنگ ختم کرنے سمیت ہمارے مطالبات تسلیم کرے۔۔ ایران کی 2 روزہ جنگ بندی کی تجویز اب بھی برقرار ہے۔

افغانستان یونائیٹڈ فرنٹ (اے یو ایف) نے افغان طالبان کے خلاف 23 افغان صوبوں میں 100 روز کے دوران 116 حملے کیے ، جن میں 153 طالبان ہلاک ہوئے۔اے یو ایف کے سربراہ جنرل سمیع سادات کے مطابق طالبان کے گڑھ قندھار اور ہلمند میں 60 فیصد کارروائیاں کی گئیں، افغانستان کے تمام 34 صوبوں کے عمائدین سے رابطے بھی کیے افغانستان کی آزادی کے لیے عوامی حمایت میں اضافہ ہورہا ہے۔ اے یو ایف کے مطابق افغان علما نے طالبان رجیم کے خلاف مسلح جدوجہد کو جائز اور فرض قرار دینے کا فتویٰ دیا ہے، فرنٹ کا سیاسی کمیشن نئے افغانستان کے لیے افغان رہنماؤں کو متحد کرنے میں مصروف ہے۔ جنرل سمیع سادات نے طالبان رجیم کے خلاف جنگ کو حق اور باطل کی جنگ قرار دیا۔ افغانستان یونائیٹڈ فرنٹ نے روس سے طالبان رجیم کی حمایت پر نظرثانی کا مطالبہ بھی کیا ہے اور کہا ہے کہ طالبان عالمی سطح پر امریکا اور یورپ سے تسلیم کیے جانے کی کوششوں میں ناکام رہے ہیں۔

تعز طائز کے جنوب مغرب میں پہاڑی علاقوں میں یمنی حوثی ملیشیا پیش قدمی کر رہی ہے الصابری کے علاقے کو کلیئر کر دیا گیا ہے۔

صدر مہدی المشاط نے کہا کہ ہم اپنے عوام میں سے تمام شہداء سے عہد کرتے ہیں کہ ہم بچوں اور عورتوں کے قاتل Devil’s Horn سے بدلہ لیں گے، اور بازاروں اور گھروں کو نشانہ بنانے والے اس کے جرائم پر اسے سزا دیں گے، بالکل اسی طرح جیسے صیہونی کرتے ہیں۔

ترکی کی دفاعی صنعت 2002 میں 62 منصوبوں سے بڑھ کر اب تقریباً 1,500 منصوبوں تک پہنچ گئی ہے یہ بات ایس ایس بی (SSB) کے سربراہ ہلوک گورگون نے ادارے کی 41 ویں سالگرہ کے موقع پر کہی ہے۔ گزشتہ 12 ماہ کے دوران دفاعی اور ایرو اسپیس شعبے کی برآمدات 11.357 ارب ڈالر تک پہنچ گئی ہیں۔منصوبوں کا کل حجم، جو 2002 میں تقریباً 5.5 ارب ڈالر تھا، اب 100 ارب ڈالر سے تجاوز کر گیا ہے۔

ایران ایس-400 (S-400) فضائی دفاعی نظام حاصل کرنے کے لیے روس کے ساتھ بات چیت کر رہا ہے۔ مجتبیٰ خامنہ ای نے اس معاہدے کے سلسلے میں پیوٹن کو ایک ذاتی خط بھیجا ہے۔

حوثی ذرائع کا دعویٰ ہے کہ صنعا میں ایک حملے کے نتیجے میں کم از کم 11 افراد ہلاک ہو گئے۔

ایران پر امریکی حملوں کا امکان موجود ہے۔ لیکن مذاکرات آگے بڑھ رہے ہیں۔ متحدہ عرب امارات کے ایک سینئر اہلکار نے فوکس نیوز ڈیجیٹل کو بتایا کہ وہ قطری ثالثی کے ذریعے پیشرفت کے آثار بتاتے ہوئے امریکہ اور ایران کے جوہری مذاکرات کے بارے میں محتاط طور پر پر امید ہیں۔ ڈاکٹر علی راشد النعیمی نے کہا کہ انہیں امید ہے کہ دونوں فریق اعتماد پیدا کر سکتے ہیں اور ایک اور جنگ سے بچ سکتے ہیں، لیکن انہوں نے خبردار کیا کہ فوجی تصادم ممکن ہے۔ اس سال کے شروع میں متحدہ عرب امارات کو 3,000 سے زیادہ ایرانی میزائلوں اور ڈرونز سے نشانہ بنایا گیا تھا۔ہم بدترین کے لیے منصوبہ بندی کرتے ہیں۔ ہمیں بہترین کی امید ہے۔

مارکو روبیو اسٹیٹ ڈپارٹمنٹ پر کنٹرول سخت کر رہے ہیں، برطانوی نیوز ایجنسی رائٹرز کے مطابق سینئر حکام کو غیر اخلاقی طرز عمل، غیر مجاز پالیسی سازی اور مفادات کے تصادم کے خلاف خبردار کر رہے ہیں۔ روبیو کو اب بڑے فیصلوں اور سیاسی سفر کے لیے ان کے دفتر یا ڈپٹی سیکریٹری کرسٹوفر لینڈاؤ سے منظوری درکار ہے۔ کریک ڈاؤن کئی ہائی پروفائل روانگیوں کے بعد ہے کیونکہ ریپبلکن اپنے وسط مدتی نقصانات کے بعد 2028 کی طرف دیکھتے ہیں۔

اگر ملک کی قیادت اپنے نیوکلیئر ڈاکٹرائن پر نظر ثانی کرنے کا فیصلہ کرتی ہے، تو ضروری تیاریاں کر لی جائیں گی۔ مخالف ممالک کے اثاثے ان کی جغرافیائی سرحدوں تک محدود نہیں ہیں۔ ان کے مادی اور غیر مادی اثاثے ہماری پہنچ میں ہیں۔ آئی آر جی سی (IRGC) کے ترجمان

امریکی نائب صدر جے ڈی وینس ایران سے نئے معاہدے کیلئےسرگرم ہوگئے ہیں، جنگ بندی اور جوہری مذاکرات کی بحالی کے لیے پسِ پردہ کوششیں تیزکر دی گئی ہیں۔ ایگزیوس کےمطابق جے ڈی وینس روزانہ قطری وزیراعظم اور پاکستانی قیادت سے رابطے میں ہیں۔ جےڈی وینس محسن رضائی کو مذاکرات بحالی کے لیے خط بھی لکھ چکے ہیں۔ امریکی ایلچی اسٹیو وٹکوف اورجیرڈ کشنر بھی مذاکراتی کوششوں میں شریک ہیں۔مذاکرات میں پیشرفت ہوئی ہے لیکن رفتار انتہائی سست ہے۔ صدر ٹرمپ فی الحال ایران کے ساتھ سفارتی کوششوں کو آگے بڑھانے کے حق میں ہیں۔

ایرانی بحریہ کا کہنا ہے کہ آبنائے ہرمز کے مشرق میں ایک تیل بردار بحری جہاز سمندری بارودی سرنگ سے ٹکرا گیا، جس کے نتیجے میں اس میں آگ لگ گئی اور وہ ناکارہ ہو گیا۔

امریکا نے ایران کے جوہری پروگرام کی انفارمیشن دینے پر دو کروڑ ڈالر کا انعام رکھ دیا ہے۔امریکی پروگرام ریوارڈز فار جسٹس نے ایران کی جوہری تنصیبات، ایٹمی سائنس دانوں اور دیگر اہم شخصیات سے متعلق معلومات فراہم کرنے پر انعام رکھا ہے، معلومات فراہم کرنے والوں کو انعام کے ساتھ ساتھ محفوظ مقام پر منتقل کرنے کی پیشکش بھی کی گئی۔امریکی سینٹرل کمانڈ نے سوشل میڈیا پلیٹ فارم ایکس پر اپنے پیغام میں یہ اپیل شیئر کی ہے۔

ایرانی وفد امریکا سے ممکنہ معاہدے پر بات چیت کیلئے آج دوحہ پہنچے گا امریکی اخبار وال اسٹریٹ جرنل کی رپورٹ کے مطابق مجوزہ معاہدہ ٹرمپ کو جنگ ختم کرنے کیلئے قابل قبول راستہ فراہم کرسکتا ہے جس میں مذاکرات کی مدت 60 دن سے کم کرکے 2دن کرنے کی تجویز ہے۔وال اسٹریٹ جرنل نے ایک اور رپورٹ میں دعویٰ کیا ہے صدر ٹرمپ کے مشیر ایران جنگ ختم کرنے یا دوبارہ شروع کرنے کے معاملے پر تقسیم ہیں۔خلیجی اتحاد اور جے ڈی وینس لڑائی ختم کرنے کا مشورہ دے رہے ہیں بعض مشیر جنگ شروع کرنے کے حق میں ہیں۔ امریکی ووٹرز نے بھی انتخابات میں جنگ کو واضح طور پر مسترد کیا جس کے بعد نائب صدر جے ڈی وینس نے بھی سوشل میڈیا پر جنگ کے فائدے پر سوال اٹھایا۔

بحرین تہران کی پشت پناہی کرنے کے الزام میں شیعہ علماء کو پکڑ رہا ہے۔ رائٹرز کے مطابق حکام نے 50 سے زیادہ علما اور مقررین کو گرفتار کیا، ان پر ایران کے ساتھ وفاداری کو فروغ دینے اور IRGC کے ساتھ کام کرنے کا الزام لگایا۔ تقریباً 12 افراد کو حملوں کی حمایت کرنے کے الزام میں 5 سے 10 سال قید کی سزا سنائی گئی، جبکہ بحرین نے ایرانی پس منظر کے 69 افراد سے ان کی شہریت چھین لی۔ عوامی سلامتی کے سربراہ نے کہا کہ حکام ایک ایسے نظریے کا مقابلہ کر رہے ہیں جو ایران کی قیادت کو بحرین کے قوانین سے بالاتر رکھتا ہے۔حقوق کے گروپ اسے ایک ایسے ملک میں آزادی اظہار کے خلاف ایک اور کریک ڈاؤن قرار دیتے ہیں جس نے پہلے ہی 2011 میں ہونے والے احتجاج کو دبا دیا تھا۔

اگر ہندوستان کو اس بات پر ناراضگی ہے کہ کوئی ملک پاکستان کے ساتھ اچھے تعلقات رکھتا ہے، تو ایسے بہت سے ممالک موجود ہیں۔ ترکیہ نے ہندوستان پر یہ واضح کر دیا ہے کہ وہ کسی بھی صورتحال (خواہ جنگ ہو یا امن) میں پاکستان کا ساتھ نہیں چھوڑیں گے۔ اب یہ ہندوستان پر منحصر ہے کہ وہ اس حقیقت کو تسلیم کرتے ہوئے ترکیہ کے ساتھ اپنے تعلقات بہتر بنائے، یا پھر ترکیہ اور دیگر ممالک سے یہ مطالبہ کرتا رہے کہ وہ پاکستان کے ساتھ دفاعی تعاون بند کر دیں۔ ترک وزیر خارجہ حاقان فدان

افغان طالبان کیلئے ایک نئی مشکل کھڑی ہو رہی ہے کیونکہ این آر ایف (NRF) کے حکام رواں ماہ کے آخر میں بیجنگ میں چینی حکام سے ملاقات اور بات چیت کرنے والے ہیں یہ این آر ایف اور چینی حکام کے درمیان افیشل پہلی باضابطہ ملاقات اور رابطہ ہوگا۔یہ اقدام بات چیت کو مضبوط بنانے، تعاون کو وسعت دینے اور تعمیری تعلقات کے لیے راہ ہموار کرنے کی جانب ایک اہم قدم ثابت ہو سکتا ہے۔ چائنہ شروع دن سے اپنے انٹرسٹ کو سیو کرنے کیلئے ان کی مدد کر رہا ہے اور ان کا اسلحہ بھی پکڑا گیا تھا جو چائنیز تھا۔ افغان طالبان کو اپنی پراکسی ختم کرنا پڑیں گی نہیں تو ایسے حالات میں افغان طالبان اپنی حکومت بھی کنٹرول نہیں کر سکیں گے اور حکومت کھو دیں گے۔