طلعنا من حدود الواقع المرهون بالاعراف
على ظهر الخيال الفلسفي وسراجه الطافي
نبي نبني على سطح القمر خانه تحت مشراف
اشوف الكون اله طرقه واشوف نجومه السافي
اخذت الحكم والجاني مع المجني مع السياف
وانا الاول وانا الثاني وانا الكاتب وانا النافي
وعود هيّج الذكرى وعوّد يطلب الانصاف
يقول الحلم يبقى مع شتات احلامي خلافي
طموحات الحياة الباليه لحقتها بلحاف
ولا باقي معي غير الطموح المقفي وقافي
احاول ارسم لوجهه ملامح واشهد الاوصاف
وحالت بيني وبينه دروب ليلها ظافي
ولو قلبي سعى فالكون واستطرد وحام وطاف
يبي يرجع على جاله ويشرب كيفه الصافي
هذاك الحلم والواقع هذاك الشح والاسراف
وهذاك الحرب والهدنه وحل الحبل واهدافي
سمي السيف اله قسمه من الاسم ومن الاطراف
ولو انه غصن طلعه غضي وثماره سخافي
تعدى جملة النبت وتعدى مجمل الاصناف
واخذ حقه من العين وسلبني راحة الغافي
يا الناعس الاوضح عليك ازكا السلام
يقولها صدري قبل ماقولها
لا تنشد اليا ابطيت يازين القوام
يالدره اللي شاق عيني زولها
يبو عيونَ كنها عين القطام
ورموشها فوق الجفون اسطولها
من حاز حبك علقه مثل الوسام
ياغاية الرحله ويامجمولها
غروً جمع زين الغنج والاحتشام
مافيه جزله ماخذا محصولها
معك الهيام اللي يسما بالهيام
ما ياسعه عرض الفجوج وطولها
من رمشك اللي ضربته ضربت حسام
وعيونك اللي فارقً (ن) مسلولها
ذقت اجمل انواع العذاب ولا يضام
من كان جرحه فارعَ(ن) مجدولها
اليا انتثر غطا على البدر التمام
والبدر والله من تحت منسولها
وجهً(ن) يذكر ب اجمل ايام الغرام
كنه من الجنه هنا مرسلوها
هو يدري ان مفارقه عندي حرام
لاكن يبعد بالرجال حمولها
وان زادت الغيبات ما حولي ملام
ف حلولها دون الوطن ف حلولها
ماني معرّضك يا راسي مهب الهبوب
حتى لو ان الظروف تحدّ سكينها
انا ليا ضاقت وكبرت علي الخطوب
لقيت وقفة هنوفً صعب تخمينها
لا ولّع الهم في صدري وشبّ الشبوب
حطيت همّي ، وراسي بيني وبينها
لا شكّ مانيب من بين الرجال مغلوب
وهذي غلبتني بوقفتها ، وفي زينها :)
مانيب في مدح طيبك يالغزال مغصوب
لكن انا خابر بيوتي ( تحبييييينها )
وانتي علي الحرام اني بمدحك طروب !
لا شفت ضحكة ثغرك اللي تدسينها
وشلون بجزاك ياريم نجد اللعوب
وهذي سوايا الرجال اللي تسوينها !
صحيح بانك مره لكن تصيرين نوب
بنتٍ تجي عن 100 رجال في حينها
ماهي غريبه يا بنت مجرييّن الهيوب
اعرفك وانتى بعد صملاتى تعرفينها
دايم ورا كل رجلٍ فالرجال محسوب
عمهوجتن قلبها أرقّ من عينها !
12
858
لابدى ليل الطواري وابتدى نزف الشعور
اتحاشى شرهة الماضي من الأربع جهات
كل طيف يمرني في الليل مختالٍ فخور
لين رف الدمع في ظل الجفون الساهرات
وش يحرّر عزلتي من كل همّ وكل جور
كل ما همّت بتفاصيل الجروح المرمسات
ويل حالي يوم اداري شرهة القلب الجسور
ما يوازي شرهتي حتى الجبال النايفات
قسوة الدنيا ماخلّت للطموح آخر ظهور
ضاميٍ قلبي لو احساسي مثل نبع الفرات
والله اني ماهويت العزله وقل الحضور
لين هاويت القوافي والبيوت المحكمات
اتسامى لو حياتي ماتجي حسب الأمور
الأمور اللي لها في حزّة الحاجة ثبات
ان بقى في رحلة ايامي مساحة للعبور
اعبري يادمعه الخذلان جسر الذكريات
صمتي اللي صار منفى للمحابر والسطور
دقّة اجراسه بعد مامل من طول السبات
كله عشان ام العيون السود والخد الغيور
الغاده اللي تستحق التاج بين المترفات
جل شأن اللي عطاها من بياض النور نور
متصدره في كل عين وكل قلب وكل ذات
إليا أقبلت يختال معها الورد وتفوح العطور
ما يشابه وصفها غير المزون الرايحات
بين ترفات الوصوف وبين عذبات الخدور
تعتلي مثل القمر بين النجوم الساريات
إن قيل يا ظبي الفلا وإن قيل يا بدر البدور
في الحالتين أشوفها فازت على كل البنات
صدّها موت وحياة وقربها بعث ونشور
لو ما لها سلطان في طور المنايا والممات
حَـ retweeted
بادىءً ذي بدء ، عذراً يا المظاليل الوسيعه ،
حال دونك رايحن جراهد البيدا نفضها
وان ترادف وابله من فوق وادن فاض ريعه ،
المسايل خلها في فالها لا تعترضها
شاعر ٍ ينقى من الالفاظ نوّارة ربيعه ،
كل ما ركّب خياله واينعت زهرة لفظها
اشهد ان الثقل بوابه للاخلاق الرفيعه ،
من دخلها عيّن التقدير والهيبه فرضها
وكثرة المزح المغلّف بالحركات اللكيعه ،
كان مانزل وحط من المكانه ما نهضها
يا خفيف الظل خفف شدة اخطاك الشنيعه ،
لا متى وانا اشجب اخطاك الشنيعه وامتعضها
دابلن كبد الفكاهه بالتفاهات الوضيعه ،
وكبد ابوك الله يحفظه وامك الله يحفظها
ألحق اقرانك وشاركهم بمركاض القطيعه ،
ركضةٍ ماعاد اعرف اول ولا اخر من ركضها
العلاقات المريضه ما وراها الا الفجيعه ،
لا تماطل في نهايتها وتبلاك بمرضها
والاكيد ان كل قطّة وجه وميانه سريعه ،
في طرفها نكبةٍ لابد ما تدّي غرضها
دوّر اللي يبذل المجهود باللي يستطيعه ،
وخل عنك اللي يكبرها لجل ياخذ عوضها
المراجل كان خالطها ريا ولاّ خديعه ،
تبهرك عن بعد لكن من قرب منها بغضها
والصداقه صدق ود ونصح سر وعهد بيعه ،
بيعةٍ لو تدخل الرجال قبره .. ما نقضها
والكرامه وهبه من الله وجينات وطبيعه ،
عند اهلها من ملذات الحياه اعز واضهى
والذرابه تلهم الرجال اساليبٍ بديعه ،
تلمس الابداع حتى فالعزيمه لا عرضها
والمعرفه كان ما ترجمتها لافعال ضيعه ،
ضيعة وصاةٍ توصيها بليدٍ ما قبضها
وان ضربت الامثله من غير تبرير وذريعه ،
الشكر اللي قبلها والعفو للي رفضها
معرفة الاسلام ما تجمع شمل سنه وشيعه ،
بين احاديث نتأولها وادله نفترضها
ومعرفة الاخلاق ما تفرض قوانين وشريعه ،
العرب لولا الحكومه عودت تاكل بعضها
من المرحبا والشوق لين السلام الحار
وله نبرتك .. كانت وسيله لـ غاياتي
دخلت الهوى طيش وملذات وأستهتار
ولقيت أنه اكثر شي سيطر على ذاتي
ما عاد ألتفت لـ الزين لو يلفت الأنظار
فدتك العيون اللي تبي كل نظراتي
وش أقول فيك وكل ليلة تعبت أختار
وتحيّرت في وصفك بعد حيرة أبياتي
لك الطله اللي كنها الصيّب المدرار
ومجيك يرد الروح يآخر محطاتي
تفز الحدايق ورد ، لو قالوا أنك .. مار
مثل ما تفز من السواليف ضحكاتي
و على عرش شعري كنت أطرّيك باستمرار
و أقول القصيد العذب وأرز ، راياتي
يعرفك غياب الشمس يا غاية السمّار
ومن يعرفك يخاف الغيابات ويحاتي
جعل ليلةٍ فارقت عينك .. وأنا محتار
فدا الليله اللي جابتك عند خطواتي
تعابير الوجيه الصامته تستنطق اللماح
عيونك صارحتني في كلام قد تحققته
ما تحمله المشاعر في الخفا تشعر به الارواح
وانا احساسي ماهوب يخونني لا قال صدقته
تغانمني ترى ما عاد باقي لي كثر ما راح
ذبل غصن رطيب وجف ماه وحتت اورقته
على كيفك تبي تشقا معي والا تبي ترتاح
انا حلم لغيرك ما تحقق في ملاحقته
ترى وجيه الليالي وانت داري شاحبه وشحاح
كم اغتالت لها ضحكه ويا كم شمل فرّقته
هقيتك تعتذر وتجي تراضيني وانا دمّاح
يا زين العذر لا من جاء من الغالين في وقته
ولا أكبر من ضياع الهقوه وقدر الكبير ان طاح
سوى اللي ما هقيت أفارقه يا لين فارقته
من يقفي لا يرجّي من وراي استعطفه بـ إلحاح
من يقفي يقفي والسلامه في مرافقته
على ذكرى تزايفها الهبوب وسافية الارباح
سلام السامح اللي معتق جروحه ومعتقته
ما عاد يشوقني ضوح المزون وبرقها اللوّاح
لو انه باقي في خاطري حلمٍ ما حققته
عزت عليه قبل اوادعك فرقاك
وقفيت واستثقلت حتى وداعك
سمحت من حبك ووصلك ورجواك
ومن بعت وصله ياريش العين باعك
وحاسبت نفسي كيف اضما على ماك
وانا الغدير اللي ترس بطن قاعك
واخطيت في نسيان مجمل خطاياك
ولمت الخفوق الي على الوصل طاعك
من قبل مده ييت من ضيق دنياك
ومن ضيم وقت(ن) عقب فرقاي لاعك
ورديت ضامي من عنا البعد لي ياك
ولقيتني مصغي غلا لستماعك
وحلفت ماتخلف عن الحب مسعاك
وشاكيتني عن ضيعتك والتياعك
والله منسى بسمتك يوم لقياك
يوم انت مبدي رغبتك وندفاعك
هواي العذب انا مالي وطن غير العيون السود
خذيني في كنفها لين رمشك يبسط ظلاله
على كثر الوجيه اللي تبين وتختفي وتعود
انا ما شفت مثلك يا غزالٍ شايفٍ حاله
تميل الريشة اللي فوق راسك مع هبوب النود
ليا جيتي ما بين الناس مغرورة ومختاله
ملامح يوسفيّة زينها راهي و لا محدود
اجلّ من القمر واجل من عشرة من أمثاله
ليا قالوا لك انك فارقة قولي عليكم زود
عليكم زود وازينكم وجه مشروب فنجاله
يا سبحان العظيم اللي فرق وجهك عن الموجود
يجي والناس حوله جالسين وكنه لحاله
انا ما ودي اشكر في حياتي غير ابوك العود
مسوي له جمايل بعد ما جاب اجمل سْلاله
عيون الناس لا لدت على سلسالك المحسود
يحسدونه على طيب المكان وطيب الاطلاله
نحطك فالصدر ونحط في عين الحسود العود
عساه اليا نطق بالشين فال الله ولا فاله
حلفت ان الحزن ما يدخل بقلبك وانا موجود
انا موجود لجل أزيّنه وازيّن احواله
1
38
2,643
الثقيل اللي تفرد بـ الجمال .. و بـ التعالي
حط له فـ العقل والخفّاق والعينين صوره
فيه زين وفيه سحر وفيه ملح و ضغط عالي
ماخذً كل الوصايف و متجلّي في غروره
من يلوم القلب دام انّه جوابي في سؤالي
ومن يلوم الصبح لامنّه تعطّر من عطوره
عن محبة غيره من الناس فضلت أنعزالي
احترامً لـ المحبّه و الغلا و ايضاً .. شعوره
لو يغادر عن عيوني ما يغادر عن خيالي
بانيً فالقلب منزاله و حوله حط سوره
يدري أنه مكسبي في هالحياة و راس مالي
و الليالي لو تسوي اللي تسويه معذوره
و الكلام اللي على باله يمر .. يمر بالي
والحنين اللي بقلبي شاف تأثيره ودوره
لعنبوه يزعّل الدنيا و ترضيه الليالي
والجماد يحن له وده على ساعة مروره
لا فقدته يوم واحد يفقده حتى ظلالي
لا غياب إلا غيابه لا حضور إلا حضوره
ياعين العيوف اللي خطفها تعب ونعاس
لا طالت مشاوير الجفا لا تناديني
لا صارت مصابيح المجرّه عقود الماس
تواري مثل صمت المشاريه وانسيني
على كثر ما بينك وبيني غلا واحساس
ما كنت اتمنى اللي حصل بينك وبيني
تلومين يوم ابعد عن القصر والحراس
لو انك تعرفين السبب ما تلوميني
لا هانت على اللي يحسبون القليل افلاس
عسى الله عن اللي في يد الناس يغنيني
خيالي لـ ابو الطيّب وعقلي لـ ابن عبّاس
وعلمي ورا صدري وقلبي على ديني
لا ضاقت على عنتر وزانت لـ ابونوّاس
اشوف الشبه واقول ما جاه بـ يجيني
انا كيف احارب يا زمان الشقى والياس
بعد ماكسرت السيف والرمح بـ يديني
تبسّمت لك مثل ابتسامي لبعض الناس
لا قام يتجمّل عقب ما طاح من عيني
تزيد الشقا ، وتزيدني معك قوة باس
مثل من يزعلّني على شان يرضيني
على اهدافي اللي وسط مرمى وبين اقواس
تـعلمني فنـون الرمايـه وتـرميني
عن الشك لا صارت ورود الطريق امواس
تساميت في مرقاي والله يحييني
صواديف بقعا اللي تنزّل وترفع راس
سلامي على صكّاتها والنعم فيني
لا تلتفت للي حصل .. وأبعّد الشوف
أهم شي .. تعيش " مرفوع " هامه
خيباتك اللي صفّت بقلبك صفوف
تحتاج من كفك .. " قرار " وكرامه
من راح خله .. والزمن يكشف ظروف
وما طار طيرٍ .. غير يرجع نعامه
واللي منعّه الكبر .. يصافح كفوف
فرقاه خيره .. أو .. يعود بسلامه
ولا تنتظر من عابر أحلامك وقوف
مادام نور الصبح كسّر ظلامه
وخلك مثل غيثٍ على القاع ملهوف
يحيي الهشيم ، وطيحته من غمامه
اللي بقى يبقى ومن راح بذلوف
حتى الزمن لا صد ، عطّه ابتسامه
كيف اقول المحبّه رافقتها السلامه
وفي حديث الطواري مثل غزوة مهنا
ياهوى قلبي إللي عاش ذروة غرامه
اقربي من حدود الوصل لين اتهنا
اضحكي لـ المساء لين يتبدد ظلامه
ولا يعكّر مزاجك كيف صرنا وكنا
يوم شفتك تحبين المطر و الغمامه
ودي ان المزون الغر تصبح وطنا
عادي إليا تباهيتي بـ تاج الوسامه
أنتي اجمل عنود مذيّره في زمنا
حسنك إللي معيّشني بـ حسن الأقامه
لين صرت أعتبر وجهك زبون المجنا
لا انثنى عودك إللي كيف اقاوم قوامه
لو يهب النسيم العذب قام يتثنا
وقفتك بـ الشموخ و طلّتك بـ أبتسامه
لو تقولين هذا الموت قلت اتمنا
مبسم شفاك واضح من خلاف اللثامه
بين غمّازتين الخد منا و منا
ودي اعيش عمري بين حزن و ملامه
ولا تطيح الدموع بـ كفك إللي محنا
الهوى مستحيل إنه يغيّر نظامه
لو جميع البشر قامو يصدون عنا
خلّي العاذل إللي خيبته في كلامه
وإضحكي ضحكة إللي وش على الناس منا
لو نشوف المحبّه مثل يوم الرغامه
نجعل الحب مجد و نصنع المجد حنا
5
1,057
عاذلي حاول تسكّر محاجرك عنا
من متى وانت تطردنا ماخذت استراحه
كل ليله ولي معشوق فيه اتغنا
و كل ما ابدل المعشوق سوا مناحه
قلبي مزبن المزيون خل المجنا
من كثر ما يزبّن صار فندق سياحه
سلموا لي على اللي عودها لا تثنى
عود ريحان يطرقه الهوا وسط واحه
لا اقبلت جتك يا منها على ما تمنى
ولا ادبرت شفت الاشيا المستحيله متاحه
ثغرها فيه لول وخصرها في إنا
ليه ضيّق على نفسه وعنده مساحه
ترمي عيونها مناك ونطيح منا
والله انا هي اقوى من رما في سلاحه
فالرمايه وراها فارقه في زمنا
كان شافت ركوب الخيل ولا السباحه
اطعنت قلبي المفرد وعوّد مثنى
صار نصفين كلً يشتكي من جراحه
قالت انت القتيل الالف قلت اتمنى
موتةً منك تسوى شي واجد صراحه
انتي الطفله اللي تحسب الدم حنّا
وانا دمي براحة يدك يشعر براحه
من كثر ما تمركزتي بقلب المعنا
ما يطلعك منه الا طبيب الجراحه
5
766

