عبدالله العضياني

مـن يـصدق صـواب الـقلب جا من طبيبه كـــل مـاقـلـت داوّ الـقـلـب زاد الــعـزاري

جـرهدن مـافيه غـير انا ومسباحي وضلي والهوى يلعب مع المسباح واطراف العمامه صـرت ماواجه وجيه العالم الا وقت اصلي منعزل والعزله مع النفس نوع من السلامه

زان بدع القاف والمسرى والالحان القديمه كن في صدري سحابه واتوحى في رعدها

يزين بدع القاف لازان مسراي ويزين جوّي كل ماشفت زينه الغره الي جابت القلب واقصاي بذات لاغطت جبينه وعينه والمبسم الي يجمع الدر وادواي حتى لو ان الجمر بيني وبينه صامل ولا اعرف التلوّي والاقفاي لو يشهر سيوفه تحت حاجبينه عساه يقرب مثل كوعي لمركاي والله يقرب من يديني يدينه

الـحب يـعمي عيون العاشق ومايشوف لو يـاضح الـعيب قـدامه يـصيبه عـما لاتـنخدع كنت اقول الحب مامنه خوف يـالين شـفت الـسراب الي يزيد الضما تداوي اربع حروف وتجرح اربع حروف مـابين خـيط الـجروح وبـين سفك الدما الـفارس الي ماهاب الرمح ولا السيوف يـمـثني الـقـوم وتـهـزمه عـيـون طخما

سطح القمر صفحه وبكتب بريشة عديم والـحـبر مـسـك الـغـزال وهـاض كـتابها انـتي مايكفيك لو افرش لك الارض غيم ولا قـصـيـده مـن الـشـعـار واكـذابـهـا شـاعرك صـادق ولا فـي كـل وادي يهيم يــهـيـم فــي وادي عـيـونـك وفـهـدابها