George

ሰላም ወገኖች ፥- በ #ትግራይ የሚገኘው አሁናዊ ወታደራዊ ሁኔታ (ክፍል 2) ገለልተኛ እና የአሜሪካ ኢንተርፕራይዝ እንስቲቱት አካል የሆነው ክሪቲካል ትሬትስ ፕሮጄክት/CTP ያወጣቸውን ወታደራዊ መረጃዎች ተመልከቱ። - የ #ትብብርለህልውና አባል ድርጅት የሆነው ቲዲፍ/TDF መልሶ ማጥቃት በማዕከላዊ ትግራይ በብዙ ቦታዎች ተዘግቧል - የፌዴራል ስራዊት አቅርቦት መስመሮች ተጋላጭነት የኮንቮይ ጥቃቶችና የመንገድ ውጊያዎች ተዘግበዋል - የፌዴራል ስራዊት ከኤርትራ ድንበር ወደ ኋላ መመለስ - የTDF አመራርና የውጊያ አቅም መቀጠል - ተከታታይ ውጊያዎች መኖራቸው ያመለክታል፤ - CTP በ #ኦሮሚያና በ #ቤንሻንጉል ጉሙዝ የተዘገቡ አዳዲስ የታጠቁ ኃይሎች ጥቃቶችን ጠቅሷል። የኦሮሞ ነፃነት ሠራዊት በባቱ አካባቢ ጥቃት እንዳደረሰና የፌዴራል ኃይሎች በድሮኖች እንደመለሱት ተዘግቧል። 1ኛ፣ 2026 - ከሶስት ሳምንት በፊት የኦህዴድ ብልጽግና አገዛዝ ብዛት ያላቸው እዞች ፣ የእገረኛ እና የሜካናያዝድ ክፍለ ጦሮችን፣ በድሮን፣ በተዋጊ ጄቶች እጅቦ የአብይ አህመድ ተጋሩ ከሆኑት ቲፒፍ/TPF ከፊት ለፊት አሰልፎ #አማራ ክልል ላይ እንዳደረገው በትግራይ ላይ ወረራ ፈጸመ ። አላማጣን ፣ መቀሌን ፣ አድዋን፣ አክሱምን ፣ አዲግራትን፣ ራማን ፣ ሌሎች ዋና ዋና የትግራይ አካባቢዎችን ተቆጣጥረናል ብለውም አወጁ። የቀድሞው ኤታ ማጆች ሹም ሳሞራ ይኑንስ በመንግስት ቴሌቪዥን“ እጅ ስጡ” የሚለውን ደገመው። በነገራችን ላይ አብዛኛው የትግራይ አካባቢዎች ቲፕፌን “እንደ መንገድ መሪ ባንዳ፣ ገዳይ አስገዳይ፡ የአብይ ተጋሩዎች ፡ የኦህዴድ ብልጽግና ተላላኪዎች” ተደርገው እንደሚታዪ አሁን ላይ ብዙ አይነት መገለጫዎች እና መረጃዎች አየወጡ ነው። ከሁለት ሳምንት በፊት ፣ ይህ ፈንጠዝያ ወደ ዋይታና ለቅሶ ይለወጣል ብለን ነበር። ከሰሞኑ የትግራይ የሚወጡ ዜናዎች ይህንን ያመላክታሉ። ብዙም ሳይርቅ ካለፈው ሳምንት ጀምሮ የ #ትብብርለህልውና አባል የሆነው ቲዲፍ/TDF ቀደም ሲል ባወጣም መግለጫ የአገዛዙን “ድል አድረግናል፣ ትግራይን ተቆጣጥረናል” ባዶ ፉከራ ፣ “ጦርነት ሳይደረግ እንዴት ድል አደረግን ይባላል?። እኛ በመረጠነው ግዜና ቦታ ለመዋጋት ለቀንን ነው የወጣነው፣ የብልጽግና መቀበሪያ ትግራይ ላይ እንደሚሆን እርግጠኛ ነን” ወዘተ የሚል ይዘት ያለው ተከታታይ መግለጫ ማውጣቱ ይታወሳል። ቃል በተግባር እየተመነዘረ መሆኑን ከስሞኑ በትግራይ ልዩ ልዩ አካባቢዎች በአብይ አህመድ ስራዊት ላይ እየደርሱ የሚገኙ በርካታ ወታደራዊ ምቶች፣ ከባባድ ኪሳራዎች በልዩ ልዩ የኢትዮጵያውያን ሚዲያዎች ሲዘገብ ቆይቶአል። የክሪቲካል ትሬት ፕሮጀክት/CTP የዛሬው ዘገባ እነዚያን ያጠናክራል። 2ኛ። 2021 - ትግራይ - መቀሌ በሶስት ሳምንት ይዘናል ካሉበት ቀናት ጀምሮ ሰኔ/June 2021 “ እንደ ዱቄት በአየር ላይ ተበትኖአል” ፡ “በዘራችሁ እይድረስ፣ መለቃቀም ነው የቀረን፣ እነ ጌታቸው አሰፋና ጌታችው ረዳ ብቻ ናቸው የቀሩት፣ “አንድም ጋንታ የላቸውም… “ እነዚህ አብይ እህመድ፣ አስር አለቃ ብርሃኑ ጁላ፣ በብሄር ኮታ ለጀነራልነት የደረሰው የዛሬው ፊልድ ማርሻል፣ እንድሁም ሃምሳ አልቃ ባጫ፣ እነድ ብርሃኑ ጅሎ በብሄር ኮታ ፣ ሜጀር ጀነራል ማእረግ ያገኘው፣ አብይ አህመድ ሙሉ ጀነራል ያደገው የተናገሯቸው ነበሩ። በየግዜው በመንግስት ሚዲያ አየቀረቡ ለኢትዮጳይ ህዝብ በወቅቱና በተደጋጋሚ ትግራይ የነበረውን እውነታ በመሸፈን ይሰሩት የነብረው ሽፍጥ እንደነበር አይዘነጋም። እውነታው ግን ሌላ እንደነበር በኋላ ነው የታወቀው። ከዚያ ቀጥሎ የሆነው ምን ነበር?፣ የህወሃት ሃይሎች ትግራይ የነበረውን ስራዊት በየከተማው በየመንገዱ መቱት። ሙሉ በሙሉ ሽንፈትና ውርደት ከመድረሱ በፊት በቅጽበት፣ ስራዊቱ ከትግራይ ለቆ እንዲወጣም አስገደዱት ፣ ከ 4 ክፍለ ጦር በላይ የመከላከያ ስራዊት ተደመሰስበት፣ 8 ሺ የመከላከያ ስራዊት አባላት በምርኮ ተያዙበ። ባጫ ደበሌ በመንግስት ሚዲያና ጋዜጠኞችን ጠርቶ ፣ “ታላቁ ሩጫ ፎቶ ሾፕ ሰርተው ነው “ በማለት እውነታውን ካደ። የትግራይ ህይሎች ጎንደር፣ ወልዲያን፣ ኮምቦልቻን፣ ደሴን አልፈ፣ ቆርጠው ደብረ ሲና ደረሱ። ፣ መከላከያ ስራዊቱ በሁልም ግንባሮች ሲሸነፍና ወደ መሃል አገር ሲሸሽ እንደነበር ይታወሳል። የትግራይ ሃይሎች ወደ አዲስ አበባ እንዳይገሰግሱ ምን አቆማቸው? የአማራ ሃይሎች (ፋኖ፣ ልዪ ሃይል)፣ የአፋር ሃይሎች፣ መላው የኢትዮጵያ ህዝብ ፣ መላው ዲያስፓራ ፣ ኤርትራ ተረባርበው ፣ ከአገዛዙ ጎን በመስለፋቸውና መስውእትነት በመክፈላቸው ነበር። አሁን ያ ሁኔታ የለም፣ የአብይ እህመድ ስራዊት ደጀን የለውም፣ በበስተጀርባውም፣ ከፊት ለፊቱም ረመጥ ሆኖበታል፣ 3ኛ። February 1989 ሽሬ እንዳስላሴ- ትግራይ የነበረው ሁኔታ " ትግራይን አጽድተናል፣ ትግራይን ተገንጣይ አስገንጣይ ደምስሰናል" ሻምበል ለገሰ አስፋው ፣ የደርግ/ኢሰፓ ስ/አ ኮሜቴ አባል እና በትግራይ የነበረው ጦር የበላይ አዛዥ የበየእለቱ ለኢትዮጵያ ህዝብ ሲናገርና ሲያስንገር የነበረው ፕሮፖጋንዳ። ከጥቅት ወራት በኋላ ፣ በአክሱም፣ በአድዋ ፣ ክፍለጦሮች መደመሰስ፣ በሽሬ እንዳስላሴ፣ የ604ኛ ኮር ሽንፈትን ውድቀት ደረስ። ቀጥሎም ትህነግ ሙሉ በሙሉ ትጋራይን የተቆጣጠረበት ሁኔታ ተፈጠረ፣ በመጨረሻም ለደርግ/ኢስፓ መንግስት ውድቀት አመላካች የነበረ፣ ህወሃት/ትህነግ የወታደራዊ፣ ፓለቲካዊና ፣ የፕሮፖጋንዳ የበላይነት ያገኘበት፣ የስርአቱ እንዳበቃለት እንዱ ትልቅ መገለጫ ነበር። "ከታሪክ የማይማሩ፣ ጥፋቱን በመድገም ይረገማሉ" ጆርጅ ሳንታያና "ታሪክ ራሱን አይደግምም፣ ነገር ግን እንደ ግጥም ቤት ይመታል" ማርክ ትዊን criticalthreats.org/briefs/e…

ለሁለንተናዊ ብልጽግና - ሁለንተናዊ ዝግጁነት ያለው አመራር የኢትዮጵያን ሥልጣኔ ለመገንባት እንችል ዘንድ ሁለንተናዊ ብልጽግናን ማረጋገጥ አለብን፡፡ ሁለንተናዊ ብልጽግና ማለት ቁሳዊና መንፈሳዊ ብልጽግና፣ ባህላዊና ሞራላዊ ብልጽግና የተሸመኑበት ብልጽግና ነው፡፡ ለዚህ ደግሞ አመራሩ ሁለንተናዊ ዝግጁነት ያስፈልገዋል፡፡ በአካል የዳበረ፣ በሞራል የጠነከረ፣ በዕውቀት የተሳለ፣ በጥበብ የበሰለ እንዲሆን ይጠበቅበታል፡፡ በተለይም በሀገር ፍቅር ስሜትና በሕዝብ ተቆርቋሪነት መንፈስ ግዴታዎቹን እንዲወጣ የሀገር አደራዋ ጥብቅ ነው፡፡ ወታደራዊ ሳይንስ፣ ልምድ እና ሕይወት የሰውን ልጅ ዓላማና ሰብእና በመቅረጽ ረገድ ተወዳዳሪ የለውም፡፡ የሰው ልጅ በአካልም፣ በመንፈስም፣ በሥነ ምግባርም፣ በአፈጻጸምም ዲሲፕሊናዊ እንዲሆን በማስቻል ለዘመናት ትውልድን ሲያዘጋጅ ኖሯል፡፡ ውጫዊና ውስጣዊ ማንነቱ የሠመሩለት ሰብእና በመቅረጽም ታላላቅ መሪዎችን አፍርቷል፡፡ ግዳጅን በብቃት መፈጸም፣ በዐርበኝነት መንፈስ አገልግሎት መስጠት፤ የሥራ ዲሲፕሊንን መቅረጽ፤ የጋራ ግብን በጋራ ማሳካት፤ ወትሮ ዝግጁነት፤ በተዋረድ አመራርን ማፍራት፤ ኃላፊነትና ተጠያቂነት፤ ከላይ እስከ ታች በመናበብ ዓላማን መፈጸም፣ እና የመሳሰሉት ከወታደራዊ ሳይንስና ልምድ ሊወሰዱ የሚችሉ ዕሴቶች ናቸው፡፡ የመደመር መንግሥት አመራሮች በሁርሶ ወታደራዊ ማሠልጠኛ ሥልጠና በመውሰድ ላይ ናቸው፡፡ የመደመር ሥልጣኔ ታላቁ ስትራቴጂን ተግባራዊ ለማድረግ እንዲቻል፣ ከወታደራዊ ሳይንስና ሕይወት የምንቀስማቸው ዕውቀቶች፣ ክሂሎቶች እና ልምዶች አሉን፡፡ በተለይም ደግሞ በአንድ ሰዋሰው መግባባት፣ ሥነ ምኅዳርን በሚገባ መጠቀም፤ በተከታታይ ሕዝብን ለዓላማና ለተግባር ማነጽ፤ ለሕዝብ የገባነውን ቃል በሚገባ አከናውኖ መጨረስ፤ ከታች እስከ ላይ ያለውን መዋቅር ለሀገራዊ ዓላማ ማሣለጥ፤ ሀገርን በባለ አደራነት መምራት፤ ለምንምና ለማንም የማትበገር ጽኑ ሀገር መገንባት፤ ተተኪ ትውልድን ማፍራት እና የሀገርን ደኅንነት ምንጊዜም ማረጋገጥ የሚሉትን የስትራቴጂውን ሐሳቦች በተገቢው መንገድ ለመረዳትም ሆነ ለማስፈጸም ወታደራዊ ሥልጠናው የማይናቅ ሚና ይጫወታል፡፡ ወታደሮች ዒላማ፤ ሲቪሎች ደግሞ ዓላማ አላቸው፡፡ የሁለቱም ግብ ድልን ማስመዝገብ ነው፡፡ ሁለቱን ዲሲፕሊኖች በማገናዘብ ዒላማውንም የሚመታ፤ ዓላማውንም የሚያሳካ ትውልድ እንፈጥራለን፡፡