Football fans don vex tire after dem hear say some people call police because one 3-year old boy sabi play ball pass others. Di name of di boy na Nevada and di thing bin happen for Winter Park, Florida and weytin happen be say small small children bin dey play competition. Naso Nevada begin dribble , infact, I go hin TikTok page that boy leg dey gum for ball, e no dey play like 3-year old boy( video dey channel) According to hin parents, as e dey play, hin team-mates and opponents parents come dey vex say di bobo no dey pass, e go just dribble go score say make coach commot am so that others fit shine.( video dey channel) As dem dey para naso Nevada parents come dey para say why dem go commot their pikin because e too good, as di matter dey go up naso dem call police, police quickly come oo. As police come, dem come dey try settle di matter, coach come tok say dem go refund di boy parents their money make dem go find another team for di boy because di parents no allow make e commot their pikin. E later refund, my people which kind matter be this one again? That boy sef too good abeg go which di video make una tell me if e reach to call police 😂 Football in Pidgin