الوليد

أفضل حلقة في الموسم توظيف تقدم ديكستر في العمر أكثر شيء يميز الموسم ونشوف هالشيء من بداية الحلقة.. ديكستر لا زال بخبرته و ذكائه في قراءة الموقف قادر على التفوق على أي مجرم، لكن نراه يفشل لمحدودية لياقته مع كبر سنه، ديكستر كان يتفوق على خصومه بالذكاء والقدرة البدنية والسيطرة النفسية والحين بدأ يختل هالتوازن، ونشوف هالشيء يوضح بأن قاتل الاحياء الخمسة لمح ديكستر وبيبدأ يطارده وأعتقد للمرة الأولى الي يكون فيها ديكستر غير متفوق بالمعلومات على المجرم الي يواجهه ديكستر بدأ يلاحظ انه يعتمد على تشارلي بشكل كبير عكس ميغيل الي كان يعتمد على ديكستر، والاعتماد المتبادل بين ديكستر وتشارلي جعل ديكستر يزيد ثقته فيها ويعطيها تفاصيل أكثر من حياته خط دون و والاس بدأ يتحسن بشكل ملحوظ وأعطانا منظور ثاني عن سماعها لأغنية Stayin' Alive في وسط التحقيق كنت أحسبها ملحجة أول 🥀 لكنه سبب مقنع جدًا، ويخلي هوس والاس لحلّ القضايا نابع من مسألة شخصية الموسم يطرح أكثر من معضلة لديكستر ١- مشاكله مع كبر سنه ٢- كثرة الاشخاص الي يعرفون حقيقته ٣- كوين يقترب من أسرار ديكستر ٤- قاتل يطارد ديكستر ٥- تزايد مساحة الثقة مع تشارلي ٦- رغبته في الحصول على التقدير في ذا الموسم ديكستر ما يواجه مشاكل خارجية فقط، بل أصبحت عنده مشاكل داخلية تمس بهويته ويحاول التكيف معها، وهذا أفضل شيء بالموسم، وضع ديكستر قدام أسئلة ما كان مضطر لمواجهتها سابقًا #DexterRessurection

فكرة تغير مبادئ ديكستر في بداية الموسم جميلة جدًا نشوف ديكستر برغبة مختلفة يبغى الناس تقدر أعماله، ويبدأ يتعاون مع تشارلي لمنفعة متبادلة جالسين نشوف تغير جذري في أساس شخصية ديكستر، كود هاري كان ركيزة نفسية وأخلاقية بُنيت عليها شخصية ديكستر منذ بداية المسلسل الفكرة بحد ذاتها رائعة، لكن التدرج والبناء فيها ضعيف بشكل واضح، تحول بذي القوة يحتاج مساحة أكبر عشان يخلينا نشعر بثقل التغيير الي يصير لديكستر #DexterResurrection