کمانڈر مشوانی

اس وقت پاک آرمی کا وہ میجر (18 گریڈ کا آفیسر) جس کی پی ایم اے ٹریننگ ملاکر سروس 19 سال ہوچکی ہے اسکی تنخواہ تین لاکھ ستر ہزار ہوتی ہے. تقریباً 56 ہزار روپے ٹیکس کی کٹوتی. اگر سرکاری گھر میں رہائش ہے تو ہاوس رینٹ الاؤنس کی مکمل کٹوتی اور اسکے علاوہ تنخواہ کا 5 فیصد مینٹینسس کی مد میں کٹتا ہے. یعنی 24 سے 26 ہزار کی پھر کٹوتی. متوسط گھر کا بجلی کا بل گرمیوں میں 25 سے 30 تیس ہزار اور سردیوں میں 8 سے 12 ہزار. گیس کا بل اس کے علاوہ ہے. اسکے علاوہ وہ فلیٹ جو ایک میجر کو ریٹائرمنٹ پر ملنا ہوتا ہے اسکے لئے 30 ہزار ہاؤسنگ کی مد میں کٹتے ہیں. مڈل کلاس بیک گراؤنڈ سے تعلق رکھنے والا ایک میجر 20 سے 30 ہزار پروویڈنٹ فنڈ بھی کٹواتا ہے جو رقم اسے ریٹائرمنٹ پر ملتی ہے اور یہ رقم بھی عسکری کے اس فلیٹ کی ادائیگی میں چلی جاتی ہے جسکے لئے وہ ماہانہ پیسے بھی کٹواتا ہے. اس طرح اکاؤنٹ میں دو لاکھ بیس سے دو لاکھ تیس ہزار ہی آتے ہیں. پاکستان کے چاروں صوبوں، اسلام آباد، کشمیر اور گلگت میں محکمہ صحت میں کام کرنے والے گریڈ 18 کے ڈاکٹر کی تنخواہ بھی اتنی ہے. محکمہ بلدیات کے اس گریڈ کے آفیسر کی تنخواہ بھی اتنی ہی ہے، ریوینیو میں کام کرنے والے افسران کی بھی اتنی ہی تنخواہ لیتے ہیں. جبکہ ایک میجر اپنی 23 سالہ سروس میں تقریباً 9 سے 10 مقامات پر ڈیوٹی دیتا ہے. اور 2026 میں ریٹائرڈ ہونے والے میجران نے اپنی سروس کے اوسطاً 14 سال کشمیر، مشرقی سرحد، افغان سرحد سے متصل علاقوں اور بلوچستان میں آپریشنل ڈیوٹی دیتے ہوئے گزارے ہیں۔