ABDULLAH HAMAD ALMOUSA

بالدول الآسيوية يقولون ان الضفدع لو حطيته في موية مغليه اول ردة فعل له انه بينط ويحاول يطلع، لكن لو حطيته في موية باردة ورفعت حرارتها بشكل تدريجي بيتعود عليها لين ينطبخ وهو ما انتبه اصلًا. نفس الفكرة تمامًا ممكن تصير معنا في الاشياء اللي تمس ديننا ومبادئنا. لو انعرضت عليك بشكل مباشر ترفضها، لكن لما تجيك على شكل ميم يضحكك او مشهد في مسلسل تتساهل معه،ومع التكرار يصير اللي كنت تستنكره شي عادي عندك.. بالضبط مثل تقديم الشذوذ الجنسي ومشاهيرهم في قالب كوميدي،، تبدا باستخدام رياكشناتهم ومتابعة مقاطعهم عشان تضحك، ومع الوقت ممكن تلاحظ ان استنكارك خف رغم ان قناعتك المعلنة ما تغيرت.

فكرة ان جسدك ما يفرّق بين أسد يطاردك وموعد تسليم مشروع قرب… وش هالخرابيط؟ ليه ما يفرق، استهبال هو ؟؟؟

اجمل مافي الإسلام ان الله لم يجعل واسطة بين الإنسان وربه

السلام عليكم تذكر نفسك قبل خمس سنين وشف شلون تغيرت وكم شي بحياتك ما كنت تتخيل انه بيصير وصار. ليه مستبعد انك بعد خمس سنين من الحين تكون عايش الحياة اللي ودك فيها؟؟ يمكن لاننا نشوف خمس سنين واجد، بس هالخمس الجاية بتركض سواء بديت اليوم ولا قعدت تاجل... يا جماعة لو كل مرة قلت ببدا اذا ضبطت ظروفي بتلقى نفسك في دوامة تأجيل لاتنتهي وكل يوم بيطلع لك ظرف جديد. خذ من الشي اللي ودك تسويه جزء بسيط يمديك تبدا فيه اليوم وتستمر عليه حتى لو يومك زحمة. مب مطلوب منك تسوي كل شي دفعة وحدة وتحمل نفسك فوق طاقتها اللي خلاني اكتب هالكلام. مريت اليوم على حديث الرسول ﷺ (أحب الأعمال إلى الله تعالى أدومها وإن قل) ووقفت عند «وإن قل» قلت لنفسي لو اني بديت بشي بسيط قبل خمس سنين وداومت عليه وين كنت بوصل الحين؟ اذا فيه شي جا ببالك وانت تقرا سو منه جزء بسيط اليوم. يمكن بعد خمس سنين تتذكر هاليوم وتقول الحمد لله اني بديت وقتها

يشبه هطافتي والله

في كون موازي، جالس اشارك الكونكشنز خبر ولادة معزتي على لنكدن، والمزارع المجاورة تبارك لي

عندي قناعه ان الحياة قبل ٢٠٢٠ كانت ملونه وبعدها صارت السنين باهته بدون الوان.

اليوم بالمسجد الأفغان لبسوا الشال مبروووك دخول الشتاء🥳🥳🥳

بدر ليلة خمسطعش من جمادى الأولى 1448 🌕

يعني انا ابي اعرف اللي اخترع الجريش هذا شلون ابدع هالابداع.. كيف مسكت معه يجرش القمح ويحط معه لبن ويطبخ ويقلب ويذوق وفكر بالمكونات وطلع لنا بالاكتشاف الثوري ذا وكمل حياته بشكل طبيعي يارب لطفك

ياليت لو فيه تطبيق واحد يجمع حسابات الشخص بكل منصات السوشال ميديا في تايم لاين واحد

تشات جي بي تي ضيَّع متعة ويكيبيديا، كنت تبحث عن ثادق وفجأة تلقى نفسك بمقالة عن الثورة الفرنسية. هذي التشعبات لابد أن تعود.

يتعلم الانسان في يومين بلاء ما لا يتعلمه في سنتين عافية