أعرفك و أتوه فـ كل حاجه معك و أدلّ
وأعرف الصباح العذب من نسنسة فجره
عساني إليا ملّت ظروفي معك .. ما أملّ
من المبسم اللي يسرق اليوم من بكره
وش الودّ لا صارت حقوق المحبه غلّ
أنا أخاف قبل أحبّ و أخاف قبل أكره.
البارحه والنار تاكل من النار
وانا ضلوعي كسرتها ضلوعي
واقول ياهم الشقى طب وختار
لكن لا تحلم بشوفة دموعي
الله خلقني للمهمات صبار
أيضا ولاني بالمواقف جزوعي
بعض الخطا يمكن تمشيه الاعذار
أعدي الغلطة بكيفي وطوعي
وبعض الخطا لو ناخذ يمين ويسار
لاجيت أسامح كني أحب .. كوعي
لست موسى ولا عصايَ عصاهُ
لست هارون إذ يواسي أخا
لستُ أيوب من ينادي بضرٍ
ويعيد النداءَ : يا ربّاهُ
لستُ يعقوب من رددت عليه
اِبنه حينما بكت عيناهُ
لستُ من ثلّة النبيّينَ حتى
يبلغ الصدق في الفؤاد مداه
بيد أني قصدتُّ من قد دَعوه
نحن شتّى وأنت أنت اللهُ.
في بعدك الرهبه وفي قربك امان
ومن دعوتك لي بالخفا طال شبري
أضعف ليا غبتي وأعاني من احزان
وأقوى حوالينك ويزداد صبري
يمه جعل يومي قبل يومك على شان
القى الي يدعي لي وأنا وسط قبري .
هذا الرعد ترا ماهو ترى جنّ وأشباح
بسم الله الرحمن وش بك جفوله
طاح المطر و أنتي تقولين ماطاح
طلي من الشباك شوفي نزوله
ومدّي له إيدينك بلا خوف وصياح
في إيدينك الحلوات يحلا هطوله
وحطي له كفوك علشان يرتاح
وتنبت على كفيك " ورده خجوله" .