Pinned Tweet
النصيحة الأولى والأخيرة
صلي جيداً ، واسجد طويلاً
وتنفس بعمق ، وأقرأ القرآن بتدبر
وأذكر الله كثيراً ، وتذكر أن الدنيا فانيه .
اعيف القصيد احيان واسري مع الهوجاس
واجيب البيوت اللي تغنى على شانه
احبه محبه ما توصف ولا تنقاس
عليه الضلوع تحن والنفس شفقانه
غدت حالتي عقبه ليا راحوا الجلاس
تقول المريض اللي فقد فزعة اخوانه
يجي في خيالي كل ما ذعذع النسناس
واقول الله اكبر كيف يضويه شيطانه
عجزت اتخطى ذكرياتٍ طواها الياس
انا كيف ابنسى ماضيٍ صعب نسيانه
حلالاه لو اعيش عمري بدون احساس
احس الحياه بدون الاحساس فنانه
يا ظلمة الليل وش يستر جروح الغياب
لا قفت الشمس .. في وجه الحزين اقبلي
مهما تضاهرت في العزله عن الاكتئاب
ما زلت اعاني مع طاريك من ما يلي
وحشة خلاوي ، ضريبة حب ، جرعه عذاب
واشياء تقدر تضحكني و تضحك علي
وجيه الايام ما تسمح لـ سمح الجناب
نادر تحصل لك سنافي …… و قلبه خلي
اشعر ب صدمات ناتجها قلق و ارتياب
وهموم لو ينجلي الديجور ،، ما تنجلي
جهات وجه الفرح و انا بـ سن الشباب
عسى العذر في صغر سني و كبر جهلي
عن طاري الهجر لو يُفتح من الشوق باب
شبّت ورا الصدر نارً جمرها يصطلي
طعون الاحباب تاخذ من طعون الحراب
منها العيون اتّهامل و الصدور تغلي
لـ الماضي المر شلفاً مثل شلفا ذياب
خلّتني اعلق امالي بـ مستقبلي
من سطوة الشوق صرت افخر بطرد السراب
لو كان طرد السراب …….. نهايته مقتلي
على دروب المحبه سايقين الركاب
ما فيهم اللي ورد ل الحوض قبل اجملي
و من يوم ذقت الفراق و ضاع حرف العتاب
و انا وليّ الجروح …… اللي ما تلقى ولي
28
709
جاري الليل العتيم .. الي معه جاري الكتابه
لو اشوف ان اللياليِ .. مبهجه ولا كئيبه
ليه ضلي فوق الارض المجدبه وانا سحابه
انهمر من فوق قاعٍ قفر وتعود خصيبه
صاحبي صاحبك عايش بعدك بحلم ورتابه
مقتدي بك عن كلام الناس ويشوفك طبيبه
من يشح بكل كلمة تمتلي فيها الذرابه
ابخل من الي يشح وممتلي بالمال جيبه
قد نشدتك عن سوال وشفت مضمون الاجابه
ما يعيش الي يدقق بالبعيده والقريبه
قبل اعرفك مبتلش في نفس مافيها رحابه
ماشيه من فوق كبدي .. تاركه الارض الرحيبه
وصرت بعدك كل ما اسمع عوي ذيب من الذيابه
اسمعه واقول لبى .. حنجرته و عندليبه :)
اجمل من الصمت لو من بينك وبينه تشابه
واكرم من الزله الي بينها شكه وريبه
اتحلى فيك لا من ضاعت فنون الخطابه
و اتمسك فيك لا من شفت لي ناسٍ غريبه
واحدٍ سلمك نفسه يومه بسطوة شبابه
مستحيل يبين فيه الشيب لا من صار شيبه
من يشوف انك سلاح الي مافي روحه مهابه
شاف بـ ان الكلمة الي تجرح الارواح هيبه
التغافل .. عود طيبٍ من يطيب به ثيابه
بان طيبه في عيون الخلق .. قبل يفوح طيبه
24
1,002
جميل الطاري العذرَي خذتني يمّك الاشواق
وانا سلك الحرير يقودني صوبك على الطاري
حنيني كل ماحل المساء يفحص لي الاخلاق
يسرّيني على ( نار ) اشتياقي لك وانا داري
متى؟؟ نبدى نقدّس حُبنا وانترجم الميثاق
ونجعل كل "ليله" مقبلة ب الوصل سمّاري
لاذعذع نودك ايعِيش الغصن واتنوّر الاوراق
وتزهربي ( حياة) كان يبني فوقها الذاري
مراتعك" القديمة" جنّتي والبعد ما ينطاق
تعال اسأل خفوقً كل ليله يسلب افكاري
اذا في خاطرَك؟ ما يحيي الامال ف المشتاق
تعجّل به قبل سيف التشتت يقطع اخباري
نبى يحين اللقى ف ايامنا وافراق ماش فراق
لين ان الوصل يشفي كل جرحَ فالهجر عاري
عسانا كل ما خاب الرجاء واستحكم الغسّاق
ايبشرنا (سناء) نورا تباشيره من الباري
سمي الغنج يـ اجمل كل ماشفته على الاطلاق
تداعى لك حنيني و القصيد بموقف اجباري
"يرجعني عليك , النود , والتذكار , والبراق"
مثل ماحن من بعد البطى وارجع على داري
عيوني عند غيرك ...كن صايبها عمى وارهاق
وعندك كل حاجه فيك لازم تخطف انظاري!
عليك من الترف والحسن والمنطق مالذ ولاق
وعوداً لاتخاطفه الهواء يخطف له ابهاري
تراودني ..طيوفك شبه ليلي على الافاق!!
اسامر وحشتك ب اشعوري الكامل وبشعاري
اشوفك خير من حبه تمكن داخل الخفّاق
واشوفك ملجئي ف اللافيات ومأمن اسراري
بذلت التضحيات اللي تخلد لك ثمن واسياق
على ميدان " حبك "والله انْ ماكلّت امهاري
حفظتك عن عيون العذل في قلبي وفالاحداق
مثل حفظي لشيمة نفسي وحفظي لـ مقداري
متى ما ظافتك لهفتك والنسري عليك انساق
تذكر "عاشق" لامن لمحك ايفز و ايماري
ما عشت الا على ساعة لقاك اللي لها تواق
على رغم "المسافة " بيننا ماكثرة اعذاري
حبيبي ون دعاك الشوق مادون الوصال ارواق
وانا ماني بحاسب دون (دارك) بعد مشواري
" احبك " ليت كل " احبك " انهاياتها بـ عناق
عساني ما عدمك ومن شفاك اخذ بثاري !!
22
944
غَسَق retweeted
اللهم صلِّ و سلم على نبينا مُحمد
لا تنسون سورة الكهف ، من قرأ سورةَ - الكهف
في يوم الجمعة
أضاء له من النورِ ما بين الجمُعَتَين .
b5b5.com/1/
















