خلصت ؟ احمد سعد دماغة ع اده وبرا عنه كله الحرق ده
مبحبش ابوظ الحاجات الحلوة بصراحة.. بحب اسيبها مقفولة كدا من غير ما المسها.. وكان نفسي اعمل كدا مع حلقة احمد سعد.. الحلقة لذيذة جدا، واحمد سعد دمه خفيف بطبيعته أصلا من غير استظراف.. بس فيه حاجة وقفت قدامها في الحلقة مقدرتش اعديها ببساطة..
لما احمد سعد اتكلم عن اخواته، وقال ان أمه بتحب سامح اخوه اكتر منه، لدرجة انه لما بيطلعها عمرة بتدعي لسامح..
ولما بيعمل علشانها حاجة حلوة بتتلخبط في اسمه..
اتكلم كمان عن اخواته الكبار، وقال ان كلهم كانوا بيضربوه، وقال أي حد كان ممكن يضربني عادي.. لو عندنا ضيوف كانوا ممكن يضربوني..
كل الكلام دا اتقال بهزار.. واتقال بطريقة بتضحك وكلنا ضحكنا.. بس اللي يركز مع تعبيرات وش احمد سعد وهو بيحكي الكلام دا هيعرف ان الموضوع مأثر فيه..
ودا ظهر أكتر لما إياد قاله وبتتضايق لما حد ينتقدك على تويتر؟ ما انت لازم ميفرقش معاك..
احمد سعد قاله قصدك ان دا طلعني مريض؟ قصدك الحاجات دي عقدتني؟ لا دي هي اللي ربتني..
فيه حاجتين لفتوا نظري في الموضوع كله: إن جراح الطفولة مبتخفش..
واللي مخدتوش من اهلك وانت صغير مفيش نجاح ولا شهرة ولا فلوس هيعوضوه لما تكبر.. ولا فيه حاجة هتخليك تنسى ( محمود سعد عنده ٧٠ سنة ولسه فاكر مواقف لابوه من طفولته )
الحاجة التانية، ان تقريبا فيه رابط ما بين إن الشخص بيهزر طول الوقت، وبين إنه مش مبسوط من جواه..
1
75













