المعيه

يا سيدي فالك الفنجال م الدله واخصامك الموت لـ اولها وتاليها حق الردى لا نكر من عاش في ظله النار ماخافها الا من يصاليها لا والله الا جعلناهم على ملّه وش عاد لا راح سافلها لعاليها اندكت وحررت لو كان محتله وانذل وانهان قبل الموت طاغيها اللي نوى خادم البيتين ياصله حقيقةٍ كل خلق الله ترويها كلب اليهودي عقد له حبل ما حله والحوثي ان قال حاميها حراميها من دون حد الوطن وحدود شرع الله الموت عزران والله ما نخليها.. 🇸🇦

ياليل حزني كبير وكسرتي شينه لا يصبح الصبح قبل الموقف احسمه اللي مزعلني بكثرت معاوينه كيف اتناساه وانا ماعرف رسمه والله ما اللوم الصبور ان هملت عينه يخاف من نفذ صبره وانحناء جسمه لا تجرحون الشجيع ان جارت سنينه ولا تهضمون ياهل المعرفه قسمه من عقب ما كان فزعاته من يمينه عود يدور عوين ويكره البسمه تغيرت مجمل ظروفه وروتينه ماكنه اللي فرض بين العرب وسمه الوقت ضيّق عليه وحد سكينه وصار يتضايق ولو من هبت النسمه يكرّهه ف الجميل اقرب محبينه ويحببه فيه شخصٍ ما يعرف اسمه