«وأذكر إني مانسّيتك ويغريني الرجوع
ياغرامٍ تنشد الناس . . وينه ياترى
والغرام أنواع والقلب مدهل كل نوع
والله إعلم منهو اللي من الحّدب وورا
وأنت ياللي منزلك ماورا حدب الضلوع
تدري إنك من وراها وغيرك . . مادرا
تمتلكني يا اطرق العود من عادك فروع
قبل تغريك المدينه ويطغيك الثرى »
تبارك الله والله احسن الخالقين
يامرحبا بالجمال الحوريّ اليوسفي
سبحانك الله يامن تصطفي المرسلين
بقدرتك من مزايين البشر تصطفي
زينً يعادل قناطير الذهب واللجين
والنفط والأرصدة والمركز المصرفي
" يالفاتن اللي تقول إنك من المعجبين
بالعكس انا المعجب الشفقان وانت اهدفي"
لااخطيت في حق العيون المظاليل
منك السموحه ي الغزال المذيّر
انا ماعرف الا علوم الرياجيل
ومن الصلف ماني ب اعرف اتغيّر
خشونتي جتني من الحط والشيل
ماهوب من تبع الظلال القصيّر
لو اني ارجع للغزل والمراسيل
صيرت لك شي ماهو ينتصيّر
مع انك معنق ووجه وتفاصيل
يحير معها اللي ماعمره تحيّر
يا حبيبي وأنت عُمر وسعة صدر وهَنا
وحبّك أسما من خرافات ربعي ياهلي
واحدٍ روحه وروحك على الوِد اخدنا
" لا تذوّقه العزاير وهو ماهو شلي "
ضمّني في سكرة العشق يا عود القنا
ضمّةٍ تبهج ضميري و تمتص زعلي
إيه أقدّس سحر عينك وخصرك لا أنثنا
مثل تقديس الروافض لـ بو طالب علي .
لو اضيع بك من ضاع فيك انت ماينلام
وش اللوم ونفوس المحبين منقاده
ياكم من صحيح يقتله منك السلهام
وياكم من مريض منك والصبر مافاده
ياكثر الفتن من غرتك لاسفل الاقدام
وجهاد الفتى نفسه عليك اعظم جهاده
اشوفك وطن وتشوفني رحلة استجمام
واشوفك عمر وسنين ماهي بمنعاده
Almutairi retweeted
افهميني يوم انا ضمن الوجود
مايفيد الفهم من بعد الممات
بعد موتي لو تحطين الورود
فوق قبري قالو العذال مات
حطمي كل الحواجز والقيود
وافهمي كل الأمور المبهمات
جودي انتي الليالي ماتجود
ضاقت الدنيا على كل الجهات
ي عنود الغيد مامثلك عنود
كن ربي ماخلق غيرك بنات
