مُبهم

كانوا ستة إخوان يجمعهم بيت واحد وكان أكبرهم كلما سمع الريح قام يتأكد من أبوابهم قبل بابه ما كان أكثرهم كلام لكن إذا ضاقت على واحد منهم دنياه لقى الكبير واقف عنده وإذا مرض واحد سهر معه وإذا مد غريب يده على أحد منهم تقدم الكبير وقال هذا أخوي وأنا دونه مرت السنين وشاب رأسه وهو يشيل همهم حتى صاروا يحسبون وقفته أمرا عاديا ما عاد يسألونه تعبت صاروا يسألونه ليه تأخرت وكان يبتسم ويقول دامكم بخير أنا بخير ومع الوقت تغير اثنان منهم صاروا يضيقون من نصيحته ويثقل عليهم حضوره وجاهم غريب يمدح عقولهم ويقول أنتم كبار إلى متى تعيشون في ظل أخوكم صدقوه ونسوا أن الظل اللي يتذمرون منه هو اللي حماهم يوم كانت الشمس تحرقهم وفي ليلة سمع الكبير همسا عند الباب الخلفي قرب فعرف صوت الغريب ثم سمع صوت أخويه يشرحان له كيف يدخل البيت وقف مكانه ما أوجعه أن الغريب يبي يدخل أوجعه أن اللي يدله على الباب يعرف وين ينام إخوانه دخل عليهم فسكتوا طالع في وجيههم وقال لو تبيون بيتي عطيتكم إياه ولو تبيون مالي قسمته بينكم بس وش أقول لإخوانكم إذا سألوني من فتح الباب ما ردوا عليه أخذ المفتاح من فوق الطاولة وأغلق الباب ثم رجع يتفقد غرف إخوانه واحدا واحدا وعند الفجر لقاه أصغرهم جالس عند المدخل قال له ما نمت يا أخوي قال بنام الحين لكن الصغير لمح المفتاح في يده وكان قابضا عليه بقوة حتى ترك أثره في كفه جلس جنبه وقال عطني المفتاح وارتاح شوي يومها حط الكبير يده على كتف أخوه وقال وجودك جنبي يكفيني أما مفتاح البيت ما أسلمه دام فيني نفس