محمد دخيل القثامي

اصيله ماعشقتي فالحياه الاّ عريب جدود ولاخابت بك ظْنوني ولاخابت بي ظْنونك . . بصوت المبدع : فايز الدوسري 👇 youtu.be/Z-trbZKCHws?si=Ie5A…

#نبض_جديد : من حقّك تْشوف نفسك ياضبيّ البراح مادام روحك على كل العذارى سمت ان قلت بدر الدجى وان قلت سيد الملاح سحايبك باجمل الاوصاف ياما همت ونسيم عطرك ليا داعب نسيم الصباح على غصون السعاده كل ورده نمت ونظراتك اللي رمت قلبي بليّا سلاح تغافلتني وجادت بالسهام ورمت وخلّيت لعيونك اللي في يديني متاح واخلصت لك والمشاعر في يديك ارتمت ويامستبيح بخفوقي شي مايستباح مهما الليالي تغيّر والظروف احكمت مادام عدّك هو العدّ الوحيد القراح لاتجرح اللي على وصلك عروقه ضمت عطني شعور الغلا والود والارتياح واعطيك روحٍ تحبّك وين مايمّمت #بس_اقول #فضفضه

لو قالو انّ البُعْد نوع من العذاب يسلب من الارواح بعض حْقوقها ماعاد تغريني مراويح السحاب لاقفى مطرها واقتفته بْروقها #بس_اقول #فضفضه

مادري اكذّب ظنوني واطرد احلامي والا اترك احلام عمري واتبع ظْنوني #بس_اقول #حيره

#تساؤلات : قدّرتها واغليتها مادري تكون او ماتكون بسّ الوكاد انّي تجاوزت الزّمن واغليتها ومْن المحبه شلتها وسط العيون مْن العيون واسرارها بين الضلوع الناحلات اخفيتها ماكنت اعَرْفِ انّ الغلا والحب ضرب مْن الجنون لين المشاعر في رضاها كلّها سرّيتها حورية ٍ تعلّقت فيها القوافي واللحون والمشكله ماعمرها جتني ولاقد جيتها واليوم لامن ساورتني في محبّتها الظنون من يُعتبر فينا هو المخطي ليا خلّيتها ؟! #بس_اقول

#نبض_جديد ملّيت من سالفه للعلم باب وجواب واصبحت ادقّق ورى الكلمه ومضمونها وملّيت من كثر ماعيني تشوف السراب وتلدّ له لدةٍ ماهوّنت دونها ان قلت هذا خطا وان قلت هذا صواب نفسي مع الوقت مابيّحت مكنونها اعشق طريق الوصل وانبذ دروب الغياب واكره دموع الفراق وطاري طْعونها واستمتع بْكل لحظه فالمطر والضباب واحبّ صوت الحمام وجرّة لحونها خلّوني اسج مع نفسي واحثّ الركاب مالي وللناس صاحيها ومجنونها باعيش بين القوافي والقلم والكتاب واتْخيّل الحاجه اللي ماتشوفونها واللي على شانها دكّيت خشم الصعاب رغم اختلاف الليالي ماختلف لونها ريميّة الوصف مرّت مثل مرّ السحاب ترخي هدبها خجل والموت بعيونها درّة مفاتن حياويه عزيزة جناب في حال ياصعبها وبْحال ياهونها امْن التّرف ماتحسّب لليالي حساب ومْن التواضع ياكثر اللي يحبّونها ومْن الاناقه تكشّخ في جديد الثياب ومْن الفخامه ذهبها صار مفتونها معْها المشاعر مابين البعْد والاقتراب اصدق من الغيمه اللي هلّت مزونها

بين قلّ الحضور وبين كثر التواجد شف وش اللي زرعته فالقلوب وحصدته ولو تقول الجروح اللي ورى الصدر واجد قلت لك كل جرح بقوّ عزمي ضمدته ولو عليّه هموم الوقت قامت تراجد مبتسم للحياه وكل عذبٍ وردته مانحنى راسي الاّ بين راكع وساجد وما تحسّف على شيٍ بوقتي فقدته يكبرون الاماجد في عيون الاماجد شيّ عشته بنفسي فالحياه ووجدته #بس_اقول #فضفضه

علّقت قلبي بوصلك واختصرت الدروب وسوّيت لك كل حاجه قلبك يحبّها انت الجميل المميّز بين كلّ القلوب وغيرك من الناس لامدحها ولا اسبّها #بس_اقول #فضفضه

#لمن_تقولها انت الوحيد اللي وجودك يختصر معنى الحياه وانت الوحيد اللي معه عشت السعاده والفرح اجيك والضيقه تتلّ الصدر من كل اتجاه واروح ناسي طاري الضيقة وصدري منشرح

#نصيحه لاتمدح المخطي ولاتقعد تهوّن من خطاه ولا تشمّت به كأنّك شخص من عيبه خلي قم واطلب الله العفو والعافيه مما ابتلاه قبل تصيبك حوبة البلوى وتصبح مبتلي

#تساؤلات من علا شانه تحمّلت الزمن وظروفه لو تناساك وتعذّر بالظروف تْعذره ؟!

عشنا الزمان بْضيقته وانتعاشه عَيْش الحرار وكاسبين النواميس نفرح بغيثٍ يحتضنّا رشاشه ونسلى ليا هبّت علينا النسانيس ونقبل ليا شفنا الرضا والبشاشه ونصدّ لاشفنا الوجيه المعابيس #بس_اقول

مع كل الشكر والود لمن سجلها وصممها 🙏🌹🌹