M.Hussein

اول ما فتحت الكافيه كنت شغال علي سيستم عادي ، لكن واجهتني مشاكل كتيره خسرتني فلوس كتير اوي كان ممكن اوفرها ، علشان كدا علي مدار ال ١٢ شهر الي فاتو كنت ببني فيهم مضبوط (getmazboot.com) ، كل تفصيله معموله بخبره عمليه في البيزنس دا واحتياجات حقيقيه مش مجرد تخمين ومش بس تجربتي بس ، انا دخلت مع عشرات من صحاب الكافيهات والمطاعم وسمعت مشاكلهم ، واخر ٥ شهور في الكافيه كنا شغالين علي مضبوط، الكاشير سهل جدا و الادمن بيديني كل التفاصيل الي ممكن احتاجها في التسعير والمبيعات والحسابات و المشتريات. السيستم دا فعلا متعوب فيه في كل تفصيله ومعمول علشان اي حد معندوش خبره في المجال يقدر يستخدمه بسهوله في خلال كام يوم هتلاقي نفسك حافظ كل حاجه فيه ومن موبايلك ومن اي مكان.

عاوز اطلع سر من اسرار الكوفي شوبس ، كتير فاكر وانا من ضمنهم كنت فاكر ان الي بيمز اي كوفي شوب هو ال product بتاعه الاساسي الي هي الكوفي او الاوردر بشكل عام ، بس المفاجئه بقا لما دخلت اكتر واكتر في المجال دا لاحظت ان معظم البراندز الي الناس بتحبها وبتروحها علطول وليهم فروع كتير جدا الاوردر فيه بيبقي متوسط وتحت المتوسط كمان: قهوه مش معمولها calibration كويس ، لبن بارد عن الطبيعي او سخن اوي عن الطبيعي ، او ريسيبي مش واحده وغيره ، لكن السر بقا فعلا هو ال experience . اضائه المكان ، الكرسي ، ال hospitality بتاعه ال stuff، الماركتنج وتشطيب المكان واختلاف القعدات وغيره . انما الي يجمع الاتنين بقا اوردر عالي الجوده و experience محترمه فهو في حته تانيه، واحنا في 99% speciality coffee ممكن اجزم اننا عاملين معادله لطيفه ما بين الاتنين ، experience لطيفه و اوردر عالي ، وبردو سعر معقول 👌

من سنتين كدا وبعد ما اتجوزت كنت محوش مبلغ علي جمب كدا مش رقم كبير خالص بتاع ٣ الاف دولار حاجه زي كدا ، الفلوس دي الي بدأت بيها مع صحابي فرع الكافيه الاول (99% Speciality Coffee )بتاع البحيره مع فلوس تانيه استلفتها، الفرع دا اتعلمت فيه ابعاد كانت دايما بعيده عني كواحد شغال في السوفت وير وعمري ما اشتغلت في التجاره ولا حد من عيلتي بيشتغل في التجاره ولا المجال دا ، اتعلمت كويس اوي البيزنس دا والي وصلني لكدا انه كان بيعدي ايام مش بعرف انام، بفضل صاحي لحد الصبح بفكر وبطني واجعاني من الضغط والتفكير ،احنا بايعين كويس اوي احنا عاملين Sales كويسه اوي اوي ، ومفيش فلوس ماسكينها في ايدينا ، لا ال operation مساعد ولا system مساعد ولا staff بيساعد، سنتين وجمب شغلي كمان ،بقيت اتابع كل يوم ايه الي بيحصل، راجع ال Costing بتاعنا كله ، راجعت مبيعاتنا كلها وايه الحاجات الي بتبيع اكتر ولقيت نفسي محتاج اعمل سيستم تاني علشان لقيت ان السيستم الي شغالين عليه مش احسن حاجه ومش بيوفري الي انا عاوزه ، علي مدار سنتين بتعلم فيهم و بدور في operation و Marketing و اشتغلت ونظفت بايدي، كل الوقت دا علي ادد ما هو كان صعب بس نعمه كبيره من عند ربنا اني قادر اتعلم و عندي طاقه استحمل، النهارده الحمدلله الشباب عندي اتعلموا وبقوا احسن و ال ERP الي عملته شغال معايا كويس اوي وعارف كل المصاريف بتروح فين وبتيجي منين وعندي مشاكل ايه ، ال Operation شغال اوي اوي توريدات ومخازن ومشتريات وغيره. هي بس مسئله وقت و اولويات وحل مشكله صغيره ورا مشكله والاهم انك تستنعن بالله.

عامه قهوه ستاربكس من اسوء الحاجات الي بشربها وطبعا سعرها مبالغ فيه ، عندنا بدايل محليه لذيذه وقهوه Single origin فعلا مستوي عالي جدا ، Vasco , coffee kulture , speciality bun . وغيرهم كتير ، وان شاء الله هيفتح مكان مميز جدا في الشروق اسمه 99% ان شاء الله هيعجبكم 🙆🏻‍♂️

بجيب مكن للكافيه داخل علي المليون جنيه، لفيت علي اكبر ٥ مستوردين للحاجات دي في مصر واكتشفت كوارث والله، ناس بتبيع حاجات علي انهي حاجات تانيه وناس تعملك quotations حلوه جدا في كل البنود وتيجي علي حاجه هو يحس منك انك مش فاهم حاجه ويحط عليها كل مكسب الفاتوره ، دا pattern اكتشفته في كل المستوردين تقريبا، ولقيت ان ال negotiations بتاعتك بتختلف مع كل مستورد علي حسب شغلانته وشخصيته ، لو صاحب مكان غير واحد sales عادي ، مستورد في الجيزه غير المعادي غير المنصوره وغيره ، في حاجات مهما حاولت تتفاوض عليها مش هتعرف تجيبها بنفس سعر التاني لان في ناس بتبقي second hand و في ناس بتبقي first hand ، فهما حاولت تجيب كل حاجه من مكان واحد هيبقي صعب ، وايه لازمه اصلا انك تجيب كل حاجه من مكان واحد، كل ما الفاتوره كبرت كل ما انت عرفت تتفاوض احسن وتتفاوض علي خصم الفاتوره. بس الشطاره انك تجيب معظم الحاجات من مكان واحد.

مين الصنايعي الي كان شغال قبلي

انا وواحد صاحبي كنا في شارع الهرم بنسأل علي مكن للكافيه، واتفاجئت انه بيقولي بص الهرم ظاهر من هنا، انا اتصدمت مع العلم مش اول مره اروح اسأل في نفس المكان بس عمري ما شوفته :””، لكن منظر مهيب بصراحه، والي بيزيده جمال الكوبري الرائع دا واخد الجمال كله لنفسه

صباح الامريكانو ، هتقولي بس دا لاتيه ، ايوه ما علشان اللبن خلص ودا اللاتيه بتاع امبارح.

- فينك يبني شكلك مزنوق زنقه سوده =اه والله يا صاحبي انا ما بين اعمل بروجيكت صغير ابيعه بس تبقي مصلحه و احس ان مليش قيمه حقيقيه وبين اني اعمل حاجه كبيره بس مش قادر اوصل للناس الي بيشتروها .

ببقي حزين جدا علي برودكتس اشتغلت عليها وشايف فيها فرصه بس لاجل جهلي بأمور تانيه زي الماركتنج والوصول للعميل الموضوع يبان ضبابي ومكملش، تعالي بينا كمان ٦ شهور الاقي البرودكت الي طلعت بيه حد طلع بيه ما شاء الله وعمل شغل جامد اوي بيه وهو مش agent ولا tool صغيره ، platform كبيره. ربنا يوفق الجميع ويرزقهم اكيد عمل حاجات و عنده ناس ساعدته ان الدنيا تقوم غير ان في برودكت. بس ربنا كبير والحلم كبير وعمره ما بيقف علي فكره حتي لو نفذتها ونفذتها كويس اوي اوي، طول ما المصنع شغال في حاجه هتضبط ان شاء الله ومع كل مره بتعلم حاجه جديده اذا كانت Operation ولا marketing ولا sales ولا CS ولا ولا ولا.

I’m looking for a talented, creative interior designer for a café 3D design project. The first branch is already designed, and the new branch should follow the same visual identity. Experience in F&B is preferred. Please send your portfolio via DM.

-> ngl.link/mo7amedhussein1

Clouds ☁️

ما شاء الله ، Products زي دي هي الي بتقوم ال Eco System في المنطقه كلها، بتقلل احتكار الشركات وبتسهل وبتسرع الوصول للسوفوير بتاعنا. جربوه يا شباب بدل ما بنستخدم Vercel وما ادراك ما Vercel . بالتوفيق يا رب @Hajajn200 . Keep it up 💪🏻

المدير هيمشي والموظف هيمشي ويمكن الشركه تقفل ويبقي الاثر الطيب او السئ ، احنا اه شغالين ودا شغل بس احنا بني ادمين و مفيش حاجه في الدنيا اهم من الانسان ، وارد العميل يمشي ووارد البروجيمت ميتسلمش او يتسلم ويقفل ودا الي بيحصل بس فين الاحسان والتعامل الي يرضي ربنا.

اللهم احفظ مصر و شجر مصر و مدينه نصر

بص هو كلامك نظريا يبان صح بس هو في لغط كتير اوي ، يعني ايه دخلك كويس انت عارف النهارده اقل اقساط كام ؟ طيب الدخل الكويس بالنسبه لشاب لسه متخرج لحد ٣ سنين خبره ٥٠ الف جنيه مثلا (رقم ضخم جدا قليل اوي الي بياخده)؟ ولا ينفعوا يتحطوا في قسط دا لو هتطلع منهم قول ٧٠٪ ودا رقم مش منطقي بس مش هيكفي(دا بالنسبه لمستوي ضعيف وتحت المتوسط من شقق الاسكان الاجتماعي) ، طب هيكمل بقيه اجراءات الزواج ازاي ؟ الظروف الاجتماعيه مختلفه والناس حالتها صعبه جدا والشباب بتحفر في الصخر ، والنهارده الايجار خصوصا في المدن الكبيره الي بقا فيها مدن جديده بقا ممتاز لان قيمه الشقه اه كبير جدا بس لسه الايجار بتاعها معدوم لا يتناسب مع سعر الشقه ودا بسبب عوامل تانيه ملناش دعوه بيها دلوقت. يعني مثلا ممكن تلاقي شقه ب ٤،٥ مليون جنيه وايجارها من ١٠-١٥ الف ودا كويس جدا كايجار واقل من كدا باختلاف الاماكن.

فرصه لطيفه واخونا مصباح هيعمل الواجب