بزرگ کہتے ہیں کہ یہ جو میلہ ہے ہجوم ہے اس میلے میں ہر انسان اکیلا ہے جب تک کوئی آپ کا شریک نہ ہو جب تک کوئی ساتھی نہ ہو جب تک کوئی آپ کہ خیال پر سوار ناں ہو ورنہ انسان تنہا ہی تنہا ہے۔
آخر کار جلد یا بدیر مجھے یہ تسلیم کرنا پڑا کہ میرے اندر جو چل رہا ہے وہ کسی کو بتانے کا کوئی فائدہ نہیں۔۔۔۔
ذہنی سکون کا بلند ترین درجہ یہ ہے کہ آپ یہ چاہیں کہ نہ کوئی آپ کو دیکھے، نہ آپ کی بات پر یقین کرے، اور نہ ہی آپ کو سمجھے۔
غلط فہمی دُور کرنے کا واحد طریقہ گُفتگو ہے، اور ہم غلط فہمی کے بعد سب سے پہلے یہی دروازہ بند کرتے ہیں.
زندگی کا ہر وہ دور جو آپ کو مضبوط، باشعور اور بہتر انسان بنانے آتا ہے، پہلے آپ سے کچھ نہ کچھ ضرور چھینتا ہے۔ کبھی سکون، کبھی خوش فہمیاں، کبھی کچھ رشتے اور کبھی وہ خواب جنہیں آپ نے بڑی محبت سے سنبھال رکھا ہوتا ہے۔
جب ہم یہ سمجھ جاتے ہیں کہ ہر گزرتا ہوا دن زندگی میں ایک اور دن کا اضافہ نہیں بلکہ ایک دن کم ہونا ہے، تو ہم ان چیزوں کو زیادہ اہمیت دینا شروع کر دیتے ہیں جو واقعی معنی رکھتی ہیں۔















