Omar

عارف ليه أسوأ الأرقام وأكثرها هبوط متجهة ناحية الـUX رغم إن في وظايف في الـTech مضموناً المفروض تتأثر بشكل أكبر؟ خليني أشرحلك باختصار إيه السبب، لأنه أصيل جداً في شغلنا من بداية الألفينات. مشكلة الديزاين دايماً إن كل الناس شايفة إن أي حد ممكن يعمله، وكنا بناخد دايماً تعليقات من نوعية "يا عم ده أنا لو قعدت ع الفوتوشوب هعملها بس معنديش وقت" أو "غيّرلي اللون ده أصل مش بحبه"، لدرجة إن وصل التفكير بفئة وقت التسعير إنها تحسبها بالصفحة، وهي طريقة تفكير تضرب المنطق في عرض الحائط. كل النوعيات دي من ردود الأفعال بتثبت مدى جهل المحيطين بإيه هو اللي بيعمله الديزاينر (مهما كان تخصصه). بس التمن اللي محدش بيحطه في الحسبان إن فاتورة الـUX السيء مبتوصلش للشخص اللي بيقص. التكلفة دي مؤجلة وموزّعة — بتظهر في الـchurn، في عدد تذاكر الـsupport، في نزول الـconversion — وصعب تنسبها للديزاين بشكل قاطع. فاللي بياخد قرار الميزانية بياخده النهاردة، والخسارة بتبان بعد سنة في مكان تاني خالص في الـP&L. وعشان كده المشكلة مش إن الناس بتقلل من قيمتنا وبس، المشكلة إن اللحظة اللي بيتقص فيها الديزاين مفيهاش ألم ظاهر، والألم بييجي بعدين ومحدش بيربطه بالقرار الأصلي. ده بالظبط سبب نقص الاستثمار المزمن في الديزاين من بدري، مش حاجة جديدة جابها الـAI. ومن بداية ظهور الـAI جوا الديزاين وقدرته اللي بتكبر يوم عن يوم، أغلب مقدمي المحتوى بتتجه ناحية "أنا بطلت أفتح فيجما" أو "AI killed Figma" ونوعيات كتير من الـHooks اللي تساعد في الريتش، لكن لو جيت للواقع هتلاقي إن مفيش شركة واحدة تقدر تعتمد ع الـAI من غير ما يكون في ديزاينر قاعد يكنترول عليه، إلا لو كان شغل بدائي لـMVP Product أو عملاء الفري لانس اللي كان عندهم مشكلة أصلاً معانا من زمان. النهاردة إنت لو جيت أديت لكلود الديزاين سيستم والـdocumentation كامل والـPRD وقلتله طلّع ديزاين، هيكون كويس، مقبول، بس ناقصة حاجة ميعرفهاش إلا أصحاب الخبرات، وهي إن احنا مش دايماً بننفذ الـPRD من غير نقاش. بالعكس، إنت لازم تفهمه وتطلّع مشاكله، ولما تكتمل معاك الصورة تبدأ تشتغل، وكتير بيكون الفلو مختلف عن اللي كان مكتوب، وبدون تكهنات، إنما بيكون ناتج خبرة بالـDomain والـindustry اللي إنت شغال عليها. الجانب الآخر اللي ناس كتير بتتكلم فيه، وهو إن خلاص المفروض نطلّع كود على طول، مفيش احتياج إننا نخلي الـcanvas step عشان هيتحرق توكن ووقت ع الفاضي. ودي فئة أغرب من اللي قبلها، لأن بطبيعة الحال مرحلة الـcanvas مكنتش موجودة عشان الديزاينر مبيعرفش يكود بنفسه، إنما كانت عشان إن ده الشكل اللي الجميع بيستخدمه كـreference وSoT بعد كده، سواء بزنس أو برودكت أو ديف. لما يتلغي الجانب ده هيكون الـSoT فين؟ وكم الـIterations هيكون قد إيه (وده سؤال اتجاوب عليه في تجارب كتير من أكتر من اتجاه)؟ ولذلك أغلب الشركات الكبيرة اتجهت في الوقت الحالي إنها تستغل قدرات الـAI ناحية الديزاين في الـbrainstorming والديزاينر يعمل polishing وراه، وناحية الكود يستغلوا قدراته في إنه يكون أشبه بالـLive prototype، عوضاً عن الاستغناء عن خبرات الـFront-end برضو. فوجود فيجما مش الفقرة اللي ممكن تتقص من حياة البرودكت بسهولة، لكن هتكون حصراً على الناس اللي فاهمة شغلها صح، وقادرة تشغّل الـAI بأقل تكلفة وأسرع وقت.

واحده اتنين اين ذهبت البرازيل و من أين اتيتم يا مصريين

Name a superhero without “man” in their name