على طريق الصعب و الاستحاله
قدرت أدلّ..و كنت متعمد أتوه
هزايمي درس و صمودي رساله
عايش و لا لحقت دنياي مشروه
قلبي قنوع بـ وحدته و انعزاله
ماهو مدوّر للعرب كان ما جوه
اللي يشـوف انـه يكفي لحالـه
ما يلتفت لـ الناس لااقفوا وخلوه
أنا لا من تساوت في عيوني الأمور
ما عاد تفرق معي غدت سوى كلها
واللي عليّ ما تمر أسمح لها بالمرور
لو إني أفطن لها ما كنّي أفطن لها
لا ضاق منها صدر ولا تحرك شعور
لو يجتمع دقها كلها مع جلها
ولا تضايق لو صدرك يفوح ويفور
ما الله خلق مشكلة إلا خلق حلّها
«عن ضجيج الناس والمجتمع جاني جفّال
كنّ ماذولا بـ ناسي ولا ذي ببـلدي
الهروب أحيان نوع من نـوع النضال
لا وطـت رجلـك طريق الضياع السرمدىّ »
— سعود بن مبارك
الوجه هذا صدق ولا منتحل
و الواسعه ذي عين ولا آنيه
الواضح ان الحور بالجنه تحل
وشلون جيتي بالحياة الفانيه
يدور حولك نحل قولي للنحل
ماني رحيق ولا قطوفٍ دانيه
ويدور حولك كوكب الظاهر زحل
قولي له ان الشمس وحده ثانيه
لا تزعّلني وتحكم عليّ اني زعول
وانت تدري مستحيل ازعل الا من بلا
والعذر في بعض الاحيان مايلقى قبول
في وسع صدرٍ تحمّل زعل لين امتلا
مشكلة غلطتك ماتقبل انصاف الحلول
والمصيبه لك معزه وتقدير وغلا
قلت سامحني وانا الصدق مدري ويش اقول
خايف اسامحك مره وتاخذها حلا .
يارب وحدك عالم بكل الأقدار
تجعل لي في ساعة دعاي استجابة
كم لي أقوم وأرجع اطيح وأنهار
ولازدت غير إيمان فيك وصلابة
عن حاجتي يارب علام الاسرار
حاجة جريح موجعته الإصابة
يارب كم لي شاردة بين الافكار
منهو سواك يمدني بالإجابة
يا بحر علّم موجك اني عزيزة
ما هزني صد البشر وانقطاعه
احب من حبني بصدق وميــــــزة
وأصون نفسي عن رخيص الطباعه
ما كل من نغليه نعطيه حيزه
ولا كل قلب يستحق ارتفاعه
أنا كرامة خاطري مـــــا أبـــيعها
لو كان أغلى من سكن في ضلوعي
صكوك الجمايل فـ النشاما مسنّ سيوف
ما دام السنافي بين وقفه و ترحيبه
تقدّم على درب القدا و العيون تشوف
سهوم الليالي تخطي الكفْو و تصيبه
ترى شرهة اللي لا جماله ولا معروف
مثل مِنّة اللي ما عطا شي من جيبه
هقاويك الكبيره فـ القريب سلاح ذو حدّين
تحرّص .. قبل لا يدور الزمان ويكشف اقنعته !
ولا تامن يدين اللي على غدرك : بدون يدين
تراها ما تجيك إلا من اللي ماتوقعته !