Pinned Tweet
الحمْدلله صرت متعوّد على كل الظروف
لو كان نفسي في بعض الاحيان تتبع غيّها
حتى الحياه اللي من اول كنت الحّقها حسوف
ماعاد افكّر لا فـ واجدها .. ولا فـ شويّها
سلمي مع ظروف الليالي مثل سلمي للضيوف
لا جاتني صكّات بقعا .. قلت : يالله حيّها
راشد ال صبيح retweeted
تعذّر وعذرك الشيطان يلعب بي
الى متى واللهو واللعب والسجه
تغانموا كل نفحة جود من ربي
بـ نيّةٍ خالصه وبـ قلب متوجّه
من فاته إنه مع الحجاج ويلبّي
فلا تفوته ليالي عشر ذي الحجه
راشد ال صبيح retweeted
الضياع اللي لقيته من الجرح العطيب
والطموح اللي فقدته عقب فقد الطموح
غبت ياللي سارقٍ وجنتك لون المغيب
العيون " تهل " والدمع براقه .. يلوح
ماخذٍ طيفك جميع الاماكن سيب ، سيب
وماخذٍ وجهك جميع الخلايق روح ، روح
لا تقول الناس واجد بـ تلقى لك حبيب
انا مستكفي "محبه" ومستكفي "جروح "
كان ودك تحيي الحب ساعدني و أطيب
وكان ودك تقتل الحب ساعدني و أروح
- راشد ال صبيح
@r9be7
راشد ال صبيح retweeted
الحمدلله صرت متعوّد ، على كل الظروف
لو كان نفسي في بعض الأحيان تتبع غيّها
حتى الحياه إللي من أول كنت الحّقها حسوف
ما عاد أفكر لا فـ واجدها ، ولا فـ شويّها
سلمي مع ظروف الليالي مثل سلمي للضيوف
لا جاتني صكات بقعا قلت : يالله حيّها :)
_ راشد ال صبيح
راشد ال صبيح retweeted
بعد ما قال منيف الجراش :
ما يجي عندي لـ الأبيات تقدير و وقار
غير لا منها سمعتها و قالت عيدها
قال راشد ال صبيح :
لأجل عينه كاسر الشف .. حتى فـ البيوت
احَذف بيت القصيده الى ما جاز له
في ضميري ضيقةٍ تطلق لسان الشموت
وعبرةٍ للحلق ترقى ودمعه نازله
اتركوني يارياجيل ودي قبل اموت
ازعله وارضيه واضحّكه واغازله
لأجل عينه كاسر الشف .. حتى فـ البيوت
احَذف بيت القصيده الى ما جاز له
راشد ال صبيح retweeted
احاضي دموعٍ قد لها وقت ما سالت
لكن عقب ما ضاع الكلام وعقب ما قَل
اقول انتي اصلاً ماتحبيني .. وقالت :
"احبك طواري بس ماعاد احبك خل "
راشد ال صبيح retweeted
جل شان اللي على العرش ما يملك خشير
يعرف أسرار الضماير.. ومُلكه ما يطال
العظيم الرافع الخافض الحق القدير
الحكيم القادر المُقتدر جلّ وتعال
يالله ارحمنا بيومٍ عبوسٍ قمطرير
وظلّنا يالله مع السبعه اللي في الظلال
رحمتك للعبد مطلب.. وغفرانك كبير
وعتقك من النار غاية.. ورضوانك منال
إن عطيت اجزلت مدّك وزدت الخير.. خير
وإن منعت افقرت من شاف ماله راس مال
وإن هديت تقدّي العبد لو إنّه ضرير
وإن ضللت.. يضل من يجهل دروب الضلال
وإن رضيت تخلّي الصعب تحقيقه يسير
وإن سخطت تخلّي السهل تحقيقه مُحال
وإن رحمت تنادي العبد في الثلث الأخير
وإن بطشت تزيل من يحسب إنه ما يزال
وإن حلمت امهلت عاصيك حتى يستنير
وإن غضبت أهلكت عاصيك بأنواع الزوال
ندري إن في كونك آيات.. وآياتك كثير
وكل آية في عظم قدرتك.. مضرب مثال
القمر والشمس والبر والبحر الغزير
والسماء والأرض والنايفات من الجبال
والفضاء والكون وأفلاكه اللي تستدير
وصنع مومية الجدايل.. ومومية الحبال
يطلبك منهو لرضوانك يحث المسير
ويتحرّى الصدق والخير والرزق الحلال
مسلمٍ يغويه شيطانه ويرجع كسير
ويمكن انْه يقوم ليله.. ويرقد له ليال
مايبي دمعه يحوّل على فرقا عشير
يبغي دموعه تحوّل مخافه وابتهال
و ودّه بعمرٍ قصيّر مدى وأجره وفير
ولا عمرٍ أجره شوي.. وسنينه طوال
- راشد آل صبيح
راشد ال صبيح retweeted
نستحي منك ياربي من ذنوبٍ مالها اخر
عن جحيم النار لولا رحمتك .. كيف انتتقّى ؟
يالله اعتقنا من النيران في العشر الاواخر
واغفر لنا ما مضى واحسِن لنا فيما تبقّى
راشد ال صبيح retweeted
يا ربي تقبّل دعوة اللي طواه الياس
انا عبدك اللي يدعي بـ نفس مخذوله
اجي لك واوقف عند بابك بلا حرّاس
إلى صارت ابواب المخاليق مقفوله
واقول الكلام الواقعي عند كل الناس
وعندك اقول اللي مع الناس ما اقوله
لا تنشدون من الجديد .. القاف شاب
ماعاد عندي لا قديم ولا جديد
هذا شهر رحمه وغفران وثواب
وعتقٍ من النيران في يوم الوعيد
مفتّحٍ ربي جنانه ، باب باب
ومـصـفّـد الله كل شيطانٍ مريد
ودي تعرفوني من ( آيات الكتاب )
ولا تعرفوني من ( بيوت القصيد )
راشد ال صبيح retweeted
اطرقٍ علمني اواجه ظروف الليال
واتحدا الموت واصير من نطّاحته
السماء لا هيّفت بنتها والظل طال
ماخذه من وجنتينه ومن تفّاحته
هايمي في حبه وفيه ماحب الجدال
ماخذٍ زهرة سنيني وماخذ راحته
قاله اللي من فراقه عرف معنى الوصال
عاشقٍ سلّم معاليقه لـ ذبّاحته
- راشد ال صبيح
راشد ال صبيح retweeted
يا اللي غلبت القلب مبروك نصرك
انا فدا ( لامك ) و ( واوك) و ( سينك )
ما عاش من ينطق على الصد : بصرك
ويعيش من ينطق على الصد : وينك
وشلون ما تفرق على غيد عصرك ؟
وشلون تبغي لك بشر مثل زينك ؟
واضيق مساحه شفتها فيك "خصرك"
و اوسع مساحه شفتها فيك "عينك "
راشد ال صبيح retweeted
يحزن بـ شل الجميل ويفرح بـ رد الجماله
ويحزن الى كثرت فلوسه ويفرح لا خسرها
وكثر مايفني على قول ونعم حاله وماله
فاطره دايم خلوج ودلته تشكي جمرها
هذه السهولة
لا تجدها الا عند المري
Replying to @daq48
فوق من ( يِرعب ) من يشوفه و( يِتعب ) من رقى له
وتحت من يوحش ظلام فجوجها لولا قمرها
اتركوني ، والله ان قد لي شهر مانيب داله
ودي اني في الجبال الشمّ اسولف مع حجرها
انتظر وحي القريحة .. ما انتظر وحي الرساله
كان خفّت نفسها من طيبها .. ولا بصرها
ازهلوا بدع الشمالي في محل ابن الشماله
شرد ابياتٍ تخلي روسكم يقدح صطرها
شاعرٍ ماجاله الوقت المدي يخدم مجاله
وكل فكره تطمح مْن المبدع .. ابداعه مهرها
من ( قصيدَه ) .. حرك الجمهور من جاله لجاله
كيف لو ينشر جميع ابياته اللي مانشرها ؟
ورغم ضيقة وقته وكثرة ظروفه وانشغاله
ماتغيب ابياته من الحفله اللي ماحضرها
مرحبا في محفلٍ ترحيبه يسابق دلاله
عد من صلى وصام وزار مكه واعتمرها
في حفل صبْيٍ جمعها طيب راس وطيب قاله
وكل ماعيّن على الماجوب فرصه ماذخرها
يرحم الله جدك اللي كسبة العليا مناله
شايب من ادهى عواريف النشاما واعسرها
يحزن بـ شل الجميل ويفرح بـ رد الجماله
ويحزن الى كثرت فلوسه ويفرح لا خسرها
وكثر مايفني على قول ونعم حاله وماله
فاطره دايم خلوج ودلته تشكي جمرها
جعل دمع المزنه اللي تدحم خْياله خْياله
لا نشت من فوق قبره تنثر دموع مْحجرها
حن من ال سنيد يوم الوقت مايضفي ظلاله
لابةٍ في كل موقف عز .. كن الله ومرها
اشهر من العارض المنقاد واثبت من جباله
واطيب من الغيث واكثر جود واجزل مد وارهى
عودنا مانيب قايل ينطح السربه لحاله
مستعد يناطح جموع السرايا ويحشرها
وصبْينا من دون براق النحر لا اومى بـ شاله
اما يلقى مصرعه من دونها ولا سترها
ويوم عاد الوقت شين وفيه ميله واعتداله
يستقيم الى امتطى خيالنا على ظهرها
هكذا والموت لو يبطش ويسلب ما بدى له
ياخذ ارواح النشاما بس ما ياخذ سيرها
- راشد ال صبيح












