وش القرار اللي تعرف إن مشروعك يحتاجه، لكنك تؤجله من فترة؟
تغيير طريقة العمل؟
الاستعانة بمختص؟
إيقاف منتج؟
تطوير تجربة العميل؟
مو كل تأجيل سببه قلة الوقت
أحيانًا نؤجل القرار لأننا نعرف إنه بيغيّر الطريقة اللي تعودنا نشتغل فيها
لأصحاب المشاريع:
لو عندك ساعة واحدة فقط كل أسبوع تقدر تخصصها لتطوير مشروعك، بعيدًا عن الطلبات والتشغيل اليومي..
وش بتسوي فيها؟
الإجابة ممكن تكشف لك أهم شيء تعرف إنه يحتاج اهتمامك، لكنك تؤجله باستمرار
سؤال يستحق التفكير:
هل أنت تبني مشروعًا يخدم احتياج السوق، أو مشروعًا يعكس ذوقك الشخصي فقط؟
مو غلط إن مشروعك يحمل شخصيتك
لكن المشكلة تبدأ لما ترفض أي فكرة ما تعجبك، حتى لو كانت مناسبة لعملائك البراند الناجح يوازن بين رؤية صاحبه واحتياج جمهوره
فيه فرق بين صاحب مشروع يقول:
«المنتج هذا عليه طلب»
وصاحب مشروع يعرف ليش عليه طلب
الأول يعرف النتيجة
الثاني يملك فرصة يفهم أسبابها ويختبر تكرارها
كل مرة ينجح فيها شيء عندك، لا تكتفي بالسؤال عن كم حقق
اسأل: وش اللي خلاه ينجح؟
سؤال لأصحاب المشاريع اللي تجاوزوا مرحلة البداية:
لو رجعت لأول يوم بدأت فيه مشروعك، وش الشيء الوحيد اللي كنت بتسويه بشكل مختلف؟
مو شرط يكون قرار كبير أحيانًا أكثر الدروس قيمة تجي من تفصيلة صغيرة تجاهلناها في البداية
تخيل لو اختفى اسم مشروعك من الإنترنت لمدة يوم، وبقيت الصور والمحتوى وطريقة التواصل
هل بيقدر أحد يميزك؟
ولا ممكن ينسب كل شيء لأي متجر ثاني؟
التميز الحقيقي مو مجرد اسم مختلف
هو مجموعة تفاصيل تخلي الناس تتعرف عليك حتى قبل ما تشوف شعارك
بدأت مشروعك عشان تحقق طموحك
لكن مع الوقت صرت الشخص المسؤول عن كل شيء، من أصغر تعديل إلى أكبر قرار
وهنا المفارقة:
المشروع اللي بدأته عشان يمنحك خيارات أكثر، صار يستهلك كل خياراتك
يمكن المرحلة القادمة ما تحتاج منك تشتغل أكثر
يمكن تحتاج تبني طريقة عمل أفضل
لو جاءك اليوم شخص مستعد يشتري مشروعك بالكامل..
وش الأشياء اللي بتخليه يشوف فيه قيمة حقيقية؟
هل عندك عملاء يرجعون؟
عمليات واضحة؟
هوية معروفة؟
بيانات تساعد على اتخاذ القرار؟
فكّر فيها حتى لو ما عندك أي نية للبيع
لأن الإجابة تكشف لك وش اللي تبنيه فعلًا
ممكن مشروعك يحقق مبيعات جيدة، ومع ذلك تحس إنك ما تقدر تغيب عنه يومين
كل قرار ينتظرك
كل مشكلة ترجع لك
وكل تفصيلة تحتاج موافقتك
هنا السؤال مو بس: كيف نزيد المبيعات؟
السؤال: كيف نبني مشروعًا يقدر يستمر بجودة حتى لما ينشغل صاحبه؟
تخيل شخصًا يشوف منتجك لأول مرة، وما يقدر يسألك عنه
هل بيقدر يفهم فائدته؟
هل بيعرف لمن يناسب؟
هل بيستوعب سبب اختلافه عن البدائل؟
إذا كانت قيمة منتجك ما تظهر إلا لما تشرحها بنفسك، فغالبًا فيه جزء من رسالتك التسويقية ما وصل للعميل
العميل ما يشتري عدد ساعات شغلك
ولا عدد المرات اللي عدّلت فيها التصميم
ولا حجم المجهود اللي بذلته خلف الكواليس
هو يشتري القيمة اللي يعتقد إنه بيحصل عليها
وهذا مو تقليل من تعبك، لكنه تذكير إن مهمتك ما تنتهي عند صناعة منتج ممتاز
لازم تساعد العميل يشوف قيمته
من أخطر الافتراضات اللي ممكن يبني عليها صاحب المشروع قراراته:
«أنا لو كنت مكان العميل، بختار كذا»
لكن مو شرط عميلك يفكر مثلك، أو يهتم بنفس التفاصيل اللي تهمك ذوقك ساعدك تبدأ المشروع، لكن فهم ذوق العميل هو اللي يساعدك تطوره
فيه مشاريع ما فشلت بالسوق..
لأن أصحابها ما أعطوها فرصة تدخل السوق أصلًا
كل مرة يقترب الإطلاق، تظهر تعديلات جديدة، وأفكار إضافية، وتفاصيل «لازم تخلص أول»
أحيانًا الكمالية ما تكون حرص على الجودة، تكون خوف من اختبار الفكرة أمام الناس ☺️
أفضل تعاون بين صاحب المشروع والوكالة يبدأ من وضوح الأدوار صاحب المشروع يقدم خبرته بمنتجه، ويحدد أولوياته، ويعتمد المعلومات الأساسية والوكالة توظف خبرتها في التنفيذ والتطوير ضمن نطاق العمل ⚡️
لما تتعامل مع وكالة، أنت ما تسلّمها مجرد صور وشعار وحسابات أنت تسلّمها جزء من صورة مشروعك أمام الناس عشان كذا مهم تختار جهة تفهم طبيعة منتجك، وطريقة تواصلك مع عملائك، والأشياء اللي ما تقبل التنازل عنها
مو كل صاحب مشروع يحتاج إعادة تصميم متجره ومو كل حساب يحتاج محتوى أكثر أحيانًا المشكلة في نقطة محددة، وحلها أبسط مما يتوقع صاحب المشروع
في رقش، نؤمن إن فهم المشكلة يسبق اقتراح الخدمة
لأن الهدف مو نضيف مهام جديدة، بل نحدد وش يستحق العمل عليه فعلًا 👌🏼
إذا جاك شهر مبيعاته ممتازة، لا تكتفي بالاحتفال 🙂↔️
اسأل نفسك:
وش اللي تغير؟
من وين جاء العملاء؟
وش المنتجات اللي طلبوها؟
وهل نقدر نكرر الأسباب اللي ساعدت على النجاح؟
النتائج الجيدة فرصة للتعلم، مو مجرد رقم جميل في التقرير🥳