مستحيل أتقبل شريك حياة يمنّ علي بلقمة أو يختصر الحب في تموين البيت وتوفير الأساسيات! الزواج مو معركة لتأمين الاحتياجات، ولا الحياة مجرد أكل وشرب وفواتير. وين المودة والكلام الحلو؟ وين المفاجآت والاهتمام والتفاصيل اللي تعطي الحياة نكهتها؟ أبي شراكة فيها حياة ومشاعر، مو مجرد مشاركة في المصاريف؛ لأن توفير احتياجاتك واحتياجات بيتك واجب ومسؤولية، مو فضل تمنّ فيه على شريكتك!
5
11
518
إنك تمدح نفسك وتشوف إن عندك مميزات وتثق بقدراتك هذا شيء حلو وما فيه أي مشكلة، بالعكس الإنسان المفروض يعرف قدر نفسه، بس المشكلة لما تتحول الثقة لغرور، ولما تصدّق نفسك بزيادة وتشوف إنك دايم الصح وإنك ما تغلط وإن محد يفهم ويستوعب مثلك! هنا الموضوع يصير مستفز بشكل مو طبيعي. ترى فيه فرق بين إنك تكون واثق من نفسك وبين إنك تكون شايف نفسك على الناس، وفيه فرق بين إنك تعرف قيمتك وبين إنك تعتقد إن قيمتك تعطيك الحق تحكم على الكل وتقلل من غيرك. مو كل قناعة عندك معناها إنها صح، ومو كل اختلاف معك معناه إن الطرف الثاني غلطان. والأكثر قرف إنك تتكلم عن نفسك وكأنك وصلت لمرحلة الكمال، ما تشوف عيوبك ولا تراجع تصرفاتك ولا حتى تسمح لأحد يناقشك. الإنسان الواعي يعرف إن مهما بلغ من الفهم والثقة، بيظل عنده أشياء يحتاج يتعلمها ويصححها. أما اللي مصدّق صورته عن نفسه لدرجة إنه ما عاد يشوف حقيقته، هذا مو واثق من نفسه، هذا مغرور، والغرور من أكثر الأشياء اللي تطيّح الإنسان من عين غيره حتى لو كان عنده ألف ميزة.
2
13
427
في ساعةِ الاستجابةِ من يومِ الجمعة، تُرفعُ الأماني إلى السماءِ بيقينٍ لا يخيب؛ اللهمَّ اكتب لنا جبراً يليقُ بكرمك، وفرجاً يُبدّلُ حالنا إلى أجملِ ما نتمنّى.
#ساعه_استجابه
10
22
439
الخط الزمني اليوم ناقص بس ٩٠٠٠، والتغريدات القديمة اللي طلعت من الخط ما عاد تعطيني حتى ٣٠٠٠ باليوم! صرت أحس الموضوع يا خوارزمية تضبط معك يوم وتخذلك عشرة، يا إن التغريدات اللي تنحذف من الخط محسوبة عليك حتى بعد ما تختفي! حرفيًا أرقام ما تدري وش قاعد يصير وراها، يانصيب الخوارزميات ويا حظك معها
9
335
من يوم توفّت صديقتي وأنا أشوف الحياة بعين مختلفة، شيء بداخلي تغيّر وما عاد رجع مثل قبل. صرت ما أطمئن لفكرة إن أحد موجود اليوم يعني بيكون موجود بكرة، ولا أتعامل مع الأيام وكأنها مضمونة، ولا أؤجل كلمة حلوة أو سؤال أو اهتمام بحجة إن الوقت باقي. الموت من الأشياء اللي مهما سمعنا عنها تظل بعيدة في خيالنا، إلى أن يأخذ شخصًا نعرفه ونحبه، وقتها نفهم إن الغياب مو مجرد خبر نسمعه ونكمل يومنا، الغياب ممكن يترك فينا خوفًا ما نعرف كيف نشرحه.
من بعدها صرت أخاف على اللي أحبهم، وأخاف من المكالمات المفاجئة، ومن الأخبار اللي تجي بدون مقدمات، وصرت أستوعب إن الإنسان ممكن يخطط لبكرة وهو ما يدري وش مخبّي له اليوم. الحياة ما عادت تعطيني نفس شعور الأمان القديم، وكل لحظة حلوة صرت أعيشها وأنا ممتنة لها، لأننا ما نملك ضمانًا لشيء، لا للأعمار ولا للّقاءات ولا حتى للأيام العادية اللي نظن إنها بتتكرر.
الله يرحم صديقتي رحمة واسعة، ويجمعنا بها في جنات النعيم، ويطوّل بأعمار من نحب على طاعته. بعض الفقد ما يعلّمنا معنى الموت فقط، يعلّمنا كيف نعيش ونحن نعرف أن كل شيء قابل للرحيل. ❤️
4
11
462
أبوي عطاني ٤٠ ألف بحسابي، وقال لي حطيها عندك، وقلت له: حطيتها بالمكان الفلاني، بعد عمر طويل تلقاها موجودة، لا تسوي فيها شيء، حقك محفوظ وموجود بالبنك.
وفجأة قلت له: جاني خوف غريب، كأني أودّعك! هو من سمعني حسّ فيني، وكأنه انغبن من الكلام، وعلى طول غيّر السالفة وقال: يسلم راسك، لا تخافين، أهم شيء وجودك.
ومن بعدها وأنا أفكر بردّه.. عن أي حب تتكلمون؟ أي حب أعظم من أب يحاول يطمن قلب بنته حتى وهو اللي يحتاج تطمين؟ والله إني خفت، مو من المبلغ ولا من الأمانة، خفت من فكرة الغياب نفسها.. الله يطوّل بعمره ولا يحرمني صوته ووجوده. ❤️
5
12
556



