الملِك

موضوع مهم جدًا جدًا وأبي كل واحد يستوعبه زين سواء كنت تذاكر للقدرات أو المبكر أو ستيب أو التحصيلي أو الجامعة أو أي اختبار ثاني أنت كطالب ذاكرت واجتهدت حتى لو كانت مذاكرتك بسيطة أو خلصت نص مادة أو مادة كاملة ممكن تقولون طيب يا رغد، ذاكرت نص مادة بس، وين الإشكالية؟ هذي قدرتك وأنت سويت اللي عليك ليش تزعل؟ ليش تتنكد؟ مو أنت بذلت اللي تقدر عليه؟ إيه، بذلت اللي تقدر عليه وهذا بحد ذاته شي يستحق التقدير فلا تحمل نفسك فوق طاقتها ولا تستهلك نفسك بالندم على شيء انتهى وعندي لكم نصيحة مهمة جدًا ذاكر كأنك ما راح تصلي وصلّ كأنك ما ذاكرت يعني ابذل أقصى ما تقدر عليه وخذ بالأسباب واجتهد وبعدها توكّل على الله وارضَ بالنتيجة صدقوني، والله العظيم إن السعي ما يضيع عند الله حتى لو كان بسيط وحتى لو ما وصلت للنتيجة اللي كنت تتمناها ربي يعلم بتعبك ومحاولاتك وما عند الله يختلف عن حساباتنا وتوقعاتنا وأخيرًا، لا تستهين بنفسك أبدًا ولا تستهين بمادة ولا حتى بنص مادة أحيانًا معلومة بسيطة ذاكرتها تكون هي نفسها اللي تجيك في اختبارك وتصنع لك فارق سو اللي عليك ولا تحتقر أي جهد تبذله وتذكّر دائمًا أن التوفيق بيد الله🌟