عسى "ميلاد عمري"يعود لا فاقد ولا مفقود
وعسى من العام لين العام تتحقق أمانيه
وعسى ما راح من عمري يغفره الوالي المعبود
وعسى اللي جاي ما تكتب بصفحاته ولا سيئه
لازلت أقول الحي بيصادف الحي
رغم اني اواجه معك الف عده
قيدين في الرجل وقيدين فيديّ
وبيني وبين الوصل عشرين شده
وش اللي مجلس طيوفك حواليّ
وأنا مسافر روحه بدون رده!
معك من وين ما ودّك بلا مرسى ولا ميقاف
معك لو مالت أوراق الشعور المنهك الذاوي
معك حتى لو سنين الحنين الماضيات عجاف
معك حتى وانا مدّري علينا الوقت وش ناوي
معك لو غاب درب اللقاء وبعدنا ميلاف
معك لو خاننا التوقيت واحتار الزمن ناوي
أنا بعطيك إحتمالين ، مهوب احتمال
فيها حرية مغادر .. وحرية قدوم
إن رضيت رضاك مكسب وقربك راس مال
أعترافي لك بقدرك ، يدوم أو ما يدوم
إن زعلت : أرضتك الأيام وأرضتك الليال
السنة واجد ثلاث مية وستين يوم
ما بعد قفى المقفي ، وقلنا له تعال
من بغى الصدة يبين علمها ومخدوم
أنا بعطيك إحتمالين ، مهوب احتمال
فيها حرية مغادر .. وحرية قدوم
إن رضيت رضاك مكسب وقربك راس مال
أعترافي لك بقدرك ، يدوم أو ما يدوم
إن زعلت : أرضتك الأيام وأرضتك الليال
السنة واجد ثلاث مية وستين يوم
ما بعد قفى المقفي ، وقلنا له تعال
من بغى الصدة يبين علمها ومخدوم
البال صوبك وحولك وحواليك
وأقضي نهاري بين ذكراك وطاريك
يا كثر ما أُخفي شعور بداخلي
وألقى قلبي كل يوم يناديك
وإن غبت عن عيني يمرّني طيفك
ويصير كل الكون يذكرني فيك
وانكسر غصن الخيال اللي زرعت
والتوى صدري على تسعين اه
لكني رغم هذا ما انهزمت
واستمريت ادعس الشوك بحفاه
كل ما زادت مواجيعي صبرت
بين ثلج وبين جمرات الغضاه
ماغلبت الوقت لكن ما انغلبت
اعتصر نبعي من بطون الصفاه
عندي شخص اقل ما يُقال عنه
"ضلع من ضلوع صدري وقلبي الثاني"
وينطبق عليه هالبيت :
«تراك الفارق اللي مايجي مثلك ولا شرواك
أنا وياك عشت اغلى سنين العمر وأجملها»
الأكتفاء بالمحبوب من أسمى وأرقى درجات الحُب
وهي مرتبه لايبلغها الا القليل
وقيل في سياق ذلك :
معك اغتنيت من الهوى والحب يا مال الغناة
وحبَّبتني في ايامي اللي ما هقيت - احبها
أنت الحياة اللي عطت للناس معنى للحياة
وانت النعيم اللي عليه الناس تشكر ربها