Asian Defense Observer

#بلوچستان کے نوجوانوں کے نام پر 48 کروڑ روپے کا مبینہ غبن، آخر اس کا حساب کون دے گا؟ بلوچستان میں نوجوانوں کے نام پر ہر سال کروڑوں روپے مختص کیے جاتے ہیں۔ کبھی یوتھ پالیسی کے نام پر، کبھی مختلف پروگرامز، اور دیگر منصوبوں کے نام پر بھاری فنڈز جاری کیے جاتے ہیں۔ لیکن سوال یہ ہے کہ ان فنڈز سے #بلوچستان کے نوجوانوں کو حقیقت میں کیا ملا؟ کتنے نوجوانوں کی زندگیوں میں تبدیلی آئی؟ کتنے نوجوانوں کو روزگار، تربیت اور عملی مواقع فراہم کیے گئے؟ یا پھر یہ تمام منصوبے صرف کاغذوں، رپورٹس اور تصویروں تک محدود رہتے ہیں، یوتھ پالیسی کے لیے مختص 480 ملین روپے یعنی 48 کروڑ روپے کے معاملے میں میرے سامنے مالی بے ضابطگیوں، معاہدے کی خلاف ورزیوں، مبینہ جعلی تھرڈ پارٹی ویلیڈیشن اور سرکاری فنڈز کے غلط استعمال سے متعلق دستاویزی شواہد موجود ہیں۔ اگر نوجوانوں کے نام پر اتنی بڑی رقم مختص کی گئی تھی تو اس کا مکمل حساب کہاں ہے؟ منصوبے پر کتنی رقم خرچ ہوئی، کس مد میں خرچ ہوئی اور اس سے نوجوانوں کو کیا فائدہ پہنچا؟ حکومت بلوچستان کے ذمہ داران خوابِ خرگوش کے مزے لے رہے ہیں۔ ان کے کانوں پر جوں تک نہیں رینگتی۔ آخر اتنی بڑی رقم کے معاملے پر بھی کوئی مؤثر کارروائی کیوں نہیں ہو رہی؟ کیا صرف درخواستیں وصول کرنا ہی حکومتی ذمہ داری ہے یا عوامی پیسے کا حساب لینا بھی ضروری ہے؟ اس معاملے کا ایک اور تشویش ناک پہلو یہ ہے کہ مبینہ طور پر جو ملازمین ان بے ضابطگیوں میں ساتھ دینے سے انکار کرتے ہیں یا ان معاملات پر سوال اٹھاتے ہیں، انہیں دھمکیاں دی جاتی ہیں اور ملازمت سے فارغ کر دیا جاتا ہے۔ بلوچستان کے نوجوان پہلے ہی روزگار، تعلیم، ہنر اور مواقع کی کمی کا سامنا کر رہے ہیں۔ ان کے نام پر فنڈز تو بار بار نکالے جاتے ہیں، مگر ان کی حالت بدلنے کے بجائے ایسے منصوبوں کے اخراجات اور کارکردگی پر سوالات اٹھتے رہتے ہیں۔ پروگرامز کے انعقاد سے لے کر پالیسیوں کے نفاذ تک، ہر مد میں مختص ہونے والی رقم کا شفاف حساب عوام کے سامنے آنا چاہیے۔ آخر کب تک نوجوانوں کے نام پر بجٹ بنتا رہے گا، فنڈز جاری ہوتے رہیں گے اور حقیقی فائدہ نوجوانوں تک پہنچنے کے بجائے مبینہ طور پر مخصوص لوگوں تک محدود رہے گا؟ یہ کسی ایک منصوبے یا 48 کروڑ روپے کا معاملہ نہیں، یہ #بلوچستان کے نوجوانوں کے مستقبل کا سوال ہے۔ بلوچستان کے نوجوانوں کے مستقبل کو فنڈز کے نام پر کاروبار بنانے کی اجازت نہیں دی جا سکتی۔ #Balochistan #YouthPolicy #YouthFund #Corruption #Accountability #PublicFunds @OfficialDGISPR @AAliZardari @CMShehbaz @PMsYouthProgram @HassanAyub82