उपमुख्यमंत्री आणि नागपूर जिल्ह्याचे पालकमंत्री #देवेंद्रफडणवीस यांच्या अध्यक्षतेखाली काटोल उपविभागाची आढावा बैठक आज दुपारी काटोल तहसील कार्यालयात झाली. जिल्हाधिकारी आणि अन्य वरीष्ठ शासकीय अधिकाऱ्यांनी यावेळी उपमुख्यमंत्री फडणवीस यांना सादरीकरण केले. 💧जलयुक्त शिवार योजना आणि अटल भूजल योजनेच्या प्रभावी अंमलबजावणीमुळे काटोल तालुक्यातील भूगर्भातील पाणी पातळी वाढली असल्याचे भूजल तज्ज्ञांनी सांगितले आहे. यामुळे काटोल तालुका आता टँकरमुक्त झाला असल्याचे यावेळी सांगण्यात आले. 🌾उपमुख्यमंत्री फडणवीस यांच्या हस्ते शेतकऱ्यांना पट्टे वाटप, नागरिकांना घरकुलाचे पट्टे वाटप तसेच पशुधनाचे नुकसान झालेल्यांना प्रत्येकी 30,000 रुपयांचे धनादेश वाटप करण्यात आले. 💧जून ते ऑगस्ट 2022 या कालावधीत अतिवृष्टी व पुरामुळे बाधित काटोल तालुक्यातील शेतकऱ्यांना 97.93% आणि नरखेड तालुक्यातील शेतकऱ्यांना 99.75 % नुकसान भरपाई देण्यात आल्याबद्दल उपमुख्यमंत्री फडणवीस यांनी समाधान व्यक्त केले. उर्वरीत भरपाई तातडीने देण्याची सूचना त्यांनी केली. 💧जलयुक्त शिवार योजनेत नवी गावे घ्यावीत, केंद्र आणि राज्य सरकारच्या विविध योजनांचे लाभ जास्तीत जास्त नागरिकांपर्यंत पोहोचवावेत, अशा सूचना उपमुख्यमंत्री फडणवीस यांनी केल्या. 🌾शासन आपल्या दारी कार्यक्रम, अतिवृष्टी नुकसान भरपाई, जलयुक्त शिवार, अमृत सरोवर, पी. एम. किसान, जलजीवन अभियान, मुख्यमंत्री सौर कृषी वाहिनी योजना, माझी वसुंधरा अभियान आदींची माहिती त्यांनी घेतली. खासदार कृपाल तुमाने, आमदार सर्वश्री चंद्रशेखर बावनकुळे, आशिष जायस्वाल, टेकचंद सावरकर यांच्यासह प्रशासकीय अधिकारी उपस्थित होते. #Nagpur #Saoner #Vidarbha #Maharashtra #GuardianMinister #development #GoodGovernance @Dev_Fadnavis #DevendraFadnavis @cbawankule @KrupalTumaneofc

उपमुख्यमंत्री तथा नागपूर जिल्ह्याचे पालकमंत्री #देवेंद्रफडणवीस यांच्या अध्यक्षतेखाली सावनेर उपविभागाची आढावा बैठक आज सकाळी सावनेर तहसील कार्यालयात झाली. भाजपाचे प्रदेशाध्यक्ष आ. चंद्रशेखर बावनकुळे, खासदार कृपाल तुमाने, आमदार सर्वश्री सुनिल केदार, टेकचंद सावरकर, जिल्हा परिषद अध्यक्ष, आदी उपस्थित होते. जिल्हाधिकारी व अन्य शासकीय अधिकाऱ्यांनी सादरीकरण केले. ▪️येत्या पावसाळ्यात अल-निनोची शक्यता असल्याने पावसास विलंब, पावसातील खंड या शक्यता गृहीत धरून उपाययोजना कराव्यात असे उपमुख्यमंत्री फडणवीस यांनी सांगितले. ▪️जलयुक्त शिवारच्या कामांवर भर द्यावा, खरीप पेरण्यांसाठी खते व बियाण्यांची उपलब्धता व पुरवठा याचे काटेकोर नियोजन करावे अशा सूचना उपमुख्यमंत्री फडणवीस यांनी दिल्या. ▪️याप्रसंगी इंडो-इस्रायल प्रकल्पांतर्गत तेलगाव (तालुका कळमेश्वर) येथील उर्मिला राऊत यांना आणि कृषि यांत्रिकीकरण अभियानांतर्गत अजनी (तालुका सावनेर) येथील रामदास उमाटे यांना उपमुख्यमंत्री फडणवीस यांच्या हस्ते ट्रॅक्टर वितरीत करण्यात आले. #Nagpur #Saoner #Vidarbha #Maharashtra #GuardianMinister #development #GoodGovernance @Dev_Fadnavis #DevendraFadnavis @cbawankule