ستارہ سحر☕

حرف ِ احساس ！ (حصہ اول ) تم رو رہی تھی ؟ نہیں ！ پھر آنکھیں لال سرخ کیوں ہیں ！ شاید انتظار کی وجہ سے ！ انتظار میں تمہاری آنکھیں سنسان ہوتی ہیں پگلی یہ آنکھیں تو سرخ ہیں (میں نے اب اس کے ماتھے پر ہاتھ رکھتے ہوئے کہا اور اس نے نمکیں آنکھیں بند کر لیں ) چاند نما شخص ！(وہ دھیمے سے بولی ) جی (اب میں نے دوسرا ہاتھ اس کے سر پر رکھ لیا تھا اور خود بھی اس کے ساتھ زمین پر بیٹھ گیا ) ایسا کیوں ہے چاند نما شخص (اس نے دھیرے سے آنکھیں کھولیں تو اس کے گال بھیگ گئے ) کیسا کیوں ہے ، آخر ہوا کیا ہے (میں نے پریشانی سے اسکی طرف دیکھتے ہوئے کہا ) میں نماز اور یوسف کی طرح تیسری کیوں ہوں ！ مطلب ؟ مجھے بہت زیادہ بےبسی محسوس ہو رہی ہے میں تمہیں کھو دونگی چاند نما شخص ！ یہ سب کیوں سوچ رہی ہو ！ میں نے تمہیں کہا تھا کہ نماز اور یوسف کو ملا دینا لیکن تم نے انکو ہمیشہ کیلئے جدا کردیا ایسا کیوں کیا تم نے ( اب وہ کسی چھوٹے بچے کی طرح بلند آواز میں رو رہی تھی ) ہممممم ！ میری امید ٹوٹ گئی میں بھی تم سے جدا ہوجاؤں گی نا ( اس کے چہرے سے بےبسی ٹپک رہی تھی ) صبر رکھو کہانی کے کرداروں کو خود پر سوار مت کرو پگلی ( اب میں نے اس کے چہرے کو دونوں ہاتھوں سے تھام لیا تھا ) چاند نما شخص ( اسکی آنکھیں آنسوؤں سے مکمل بھر چکی تھی اب اور طغیانی کی گنجائش نہیں تھی ) بولو نا کیا ہوا ہے ( میری آواز میں انتہا کی فکر تھی ) جب تم یوسف کا درد لکھتے تھے نا تو تمہارے ہاتھ کانپ رہے ہوتے تھے تمہارے آنسو لفظوں سے پہلے صفحوں پر گرتے تھے جب تم نے نماز کی موت لکھی نا تو تم بڑے درد سے روئے تھے تمہاری رونے کی آوازیں اب تک میرے کانوں میں گونجتی ہیں جب تم اپنا سر پکڑ کر بےبسی سے آسمان کو دیکھ رہے تھے وہ بےبسی میرے دل میں اٹک گئی ہے (وہ معصومیت سے میرے ددر کو اپنا درد بنا رہی تھی ) ہاہاہا یہ صرف کردار ہیں کیفیات ہیں جس میں لکھنے والا غرق ہوجاتا ہے پگلی ！ تمہارے ساتھ میں بھی ان سب کیفیات کا شکار تھی اور اب بھی ہوں میں تمہارے چہرے کا زرد پن نہیں بھول پاتی جب ابراہیم کو اس کے ابا نے دروازے پر تھپڑ مارا تھا اور ابراہیم پوری رات روتا رہا اور یحییٰ پوری رات سو نہیں پایا (اب وہ تڑپ کر لفظ لفظ ادا کر رہی تھی اس کا جسم اس کے ہونٹ کانپ رہے تھے ) اور کیا کیا محسوس کیا ہے (میں نے غائب دماغی سے پوچھا ) جب مریم کو وہ نامرد نوچ رہا تھا اسکو ننگا کر کے داغ دار کر رہا تھا تو تمہارے چہرے اور جسم پر ایک بےبسی تھی تم اس وقت ایسے لگ رہے تھے جیسے وہاں ہی اس جگہ موجود ہو اور مریم کو بچانے کی کوشش کر رہے ہو لیکن تم اسکو بچا نہیں پائے تم زمانے کی کالک کو روک نہیں پائے اس دن تم پوری رات روئے تھے اور مجھے کہتے ہو یہ بس فقط کردار ہیں میں وہاں ہی تمہارے کمرے میں موجود ہوتی تھی تمہیں دیکھتی تھی اور بےبسی سے میرا سانس رک جاتا تھا (اب وہ میرے ہاتھوں کے سہارے سر کو جھکاچکی تھی وہ آج اسی طرح رو رہی تھی جیسے میں رو کر اس کے پاس آچکا تھا ) ہمت رکھو درد لکھنے اور محسوس کرنے کیلئے بہادر ہونا پڑتا ہے پگلی ！ لیکن یہ درد تم سے لپٹ کیوں جاتا ہے یہ تمہیں تکلیف کیوں دیتا ہے ！ اچھا اب چپ کرو کل میں تمہیں کسی سے ملواؤں گا (میں نے اس کو بولنے سے روک دیا تھا ) نہیں تم کو میں نے شعیب کا نہیں بتایا ہاجرہ کا نہیں بتایا ہاجرہ کی وہ بےبسی جب وہ اپنی اولاد کیلئے اس کے جنم دن پر قورمہ بنانے کیلئے در در جا رہی تھی جب ہاجرہ مری تھی نا تو مجھے لگا تھا جیسے سب ختم ہوگیا ہے تم بالکل بےجان ہوگئے تھے تم بہت دن تک خود کو سنبھال نہیں پائے تھے اور جب تم شعیب کو لکھ رہے تھا کہ اپنی ماں کی قبر پر بیٹھا کہہ رہا تھا اسکو کون قورمہ دے گا اس وقت لگا دنیا ختم ہوگئی ہے (اب وہ میری آنکھوں میں دیکھ کر بول رہی ہے ) بس کر جاؤ پگلی تم میرے زخم تازہ کر رہی ہو ان سے خون رسنے لگ جائے گا ！ زخم کبھی پرانے ہی نہیں ہوتے چاند نما شخص تم نے سارے زخموں پر ایک ضرب ضحی کی لگا دی جب وہ اپاہج مفلوج پڑی اپنی بیساکھی سے کہہ رہی تھی کہ اس کی بیساکھی اسکو چھوڑ گئی تب تم لڑکھڑا گئے تھے تم گر پڑے تھے تم ضحٰی کے درد کو محسوس کر کے تڑپ گئے تھے جب وہ دیکھتی رہی لیکن کوئی نہ تھا اسکی آنکھیں جیسے تمہاری آنکھیں ہوں ۔۔۔(بس چپ اب میں نے اس کے ہونٹوں پر ہاتھ رکھ کر اسکو چپ کروا دیا تھا اور اگلے ہی لمحے اسکو گلے سے لگا لیا تھا کیونکہ کہانیوں کا سارا درد میں نے خود کے ساتھ اس میں انڈیلا تھا جس کو ہم نے ساتھ مل کر برداشت کرنا تھا اور وہ اب بھی اس درد کیلئے کمزور تھی ایسا اس لیے تھا کہ درد اس میں سنہری روشنی کی طرح چمکتا تھا )اب مت بولنا اب چپ رہنا کل تمہیں کسی سے ملواؤں گا تب تک چپ رہنا ！ عباس

یہ تَو کوئی مَنصُور بَتاے تَو بَتاے سُولی پہ تَڑَپنے میں مَزَہ ہے، کہ نہیں ہے۔۔۔!

کتنا عجیب ہے کہ دن بھر روشنیوں میں گھرا انسان رات ہوتے ہی کتنا نحیف محسوس کرنے لگتا ہے. اندھیرے کی ہلکی سی پرت آنکھوں کی بینائی کو محدود کر دیتی ہے. دن بھر آکسیجن بکھیرنے والے درخت کاربن کے حملے شروع کر دیتے ہیں. وہی مناظر جو کچھ دیر پہلے دل لبھا رہے ہوتے ہیں رات ڈھلنے پہ دل دہلانے لگتے ہیں. رات کی سیاہی میں اپنی قابلیت کے دیپ جلاتا انسان سڑکوں کے سینے چیرتا اپنی منزل کی جانب گامزن ہو بھی جائے تو رات کا خوف نہیں جاتا. کون جانے اگلے کسی موڑ پہ کوئی اور اشرف المخلوقات تاریکی کا فائدہ اٹھانے کے لیے اپنا جال بچھائے بیٹھا ہو.. کون جانے اندھیرے کا دامن تھامے کتنے راہ گیر پاؤں کے چھالے اور آنکھ کے آنسو چھپانے میں کامیاب ٹھہریں. کتنے لوگ گھر کے سکون سے محروم کھلے آسمان تلے دھند کی چادر اوڑھے گھاس کے بستر پہ خوابوں کا تکیہ لگائے سو جائیں اور نہ جانے کتنوں کے خواب تاریکی نگل جائے... رات اور سفر.... مسافرت اور ہم #متاعِ_دل

گردشِ لَہو میں اُداسی کے آثار ہیں اور قلبِ حزیں ضرر دیدہ ہے میں جو سخن ور تھا کبھی اب تکلم سے محروم ہوں '

کھلا آسمان، سنسان گلی اور ایک روشن کھڑکی تم بھی کسی کے لیے وہی روشن کھڑکی بنو، جہاں سے زندگی کچھ خوب صورت دکھائی دینے لگے۔ ☕🌙