کیا پاکستان آرمی میں اب کوئی ’’باسٹرڈ ود بالز" باقی بچا ہے؟ جنرل وحید کاکڑ اور وہ کور کمانڈر جس نے سچ بولنے کی ہمت کی جنرل وحید کاکڑ شکار کے شوقین تھے۔ آرمی چیف کی حیثیت سے وہ ایک بار بلوچستان گئے۔ وہاں کے کور کمانڈر ایک گہرے مذہبی افسر تھے (جنہیں اکثر ’’مولوی صاحب‘‘ کہا جاتا تھا)۔ گاڑیوں میں شکار کا سامان اور دانہ دُنکا بھر کر رکھا گیا تھا، اور کور کمانڈر خود چیف کے ساتھ سفر کر رہے تھے۔ موقع غنیمت جانتے ہوئے کور کمانڈر نے چیف سے کہا: ’’سر، مائنڈ نہ کریں، مگر جب بھی آپ تشریف لاتے ہیں تو ہمیں شکار کا انتظام کرنا پڑتا ہے۔ وسائل بھی ضائع ہوتے ہیں اور آپ کا قیمتی وقت بھی۔ اس شوق پر نظرثانی کر لیجیے۔‘‘ جنرل کاکڑ نے بعد میں بتایا: ’’آپ میری حالت کا اندازہ لگا سکتے ہیں۔ زندگی میں میرا ایک ہی شوق تھا شکار، اور یہ مولوی صاحب مجھے اس سے بھی باز رہنے کا کہہ رہے تھے۔ میں نے اس لمحے خود کو قابو میں رکھا، مگر راولپنڈی واپسی تک میرے دماغ میں صرف ایک ہی بات گھوم رہی تھی — پہنچتے ہی اس کو فارغ کر دوں گا اور اس کی جگہ کوئی کام کا کور کمانڈر بھیجوں گا۔‘‘ اگلی صبح آرمی ہاؤس کے لان میں بیٹھے ہوئے وہ اب بھی اسی سوچ میں تھے کہ کون بھیجا جائے، معاملہ کیسے نمٹایا جائے۔ اچانک ان کے دماغ میں ایک فقرہ گونجا: ’’کم از کم ایک باسٹرڈ کے پاس تو بالز ہیں، باقیوں کے برعکس۔‘‘ اس کے بعد انہوں نے اس کور کمانڈر کو تبدیل کرنے کا خیال چھوڑ دیا جس نے ان کے سامنے کھل کر بات کرنے کی ہمت کی تھی۔ یہ واقعہ جنرل کاکڑ نے خود سنایا تھا۔ جب کسی نے فوراً پوچھا: ’’سر، آپ نے اس کے بعد شکار چھوڑ دیا تھا؟‘‘ تو وہ مسکراتے ہوئے بولے: ’’میں اتنا ولی اللہ تو نہیں بن گیا تھا۔‘‘ (’’باسٹرڈ‘‘ ان کا پسندیدہ slang لفظ تھا۔ خیال ہے کہ وہ کور کمانڈر لیفٹیننٹ جنرل مشتاق تھے۔) تو آج کیا ہمارے پاس ایک "باسٹرذ ود بالز" بھی نہیں بچا؟