கணியன் பூங்குன்றன்

ஒரு Symphony Orchestra வை வைத்துக்கொண்டு, அதிக எண்ணிக்கையிலான இசைக்கலைஞர்களைப் பயன்படுத்துவதாலேயே அது மிகச்சிறந்த Orchestral Music ஆகிவிடாது. உண்மையான Orchestral Depth ஐ உணர வேண்டுமென்றால், முதலில் உங்கள் காதுகள் ஒரே நேரத்தில் ஒன்றுக்கு மேற்பட்ட மெலடிகளைப் பிரித்துக் கேட்டு ரசிக்கும் பக்குவத்தைப் பெற்றிருக்க வேண்டும். அடுத்ததாக, அந்த மெலடிகள் எவ்வாறு ஒரு வடிவத்திலிருந்து மற்றொரு வடிவத்திற்கு உருமாறுகின்றன என்பதை ரசிக்கத் தெரிந்திருக்க வேண்டும். பல அடுக்குகளாக ஒலிக்கும் வெவ்வேறு இசைக்கருவிகளின் Accompaniments, ஒன்றுக்கொன்று முரண்படாமல் எவ்வாறு ஒத்திசைந்து ஒரு முழுமையான இசை வடிவத்தை உருவாக்குகின்றன என்பதையும் உணர வேண்டும். இவற்றையெல்லாம் இயல்பாக ரசிக்கத் தொடங்கிய பிறகுதான், அவை ஒவ்வொன்றும் ஏன் அப்படி அமைக்கப்பட்டிருக்கின்றன என்ற கேள்விகள் எழும். குறிப்பிட்ட இசைக்கருவிகள் ஏன் தேர்ந்தெடுக்கப்பட்டன? அவை ஏன் அந்த இடத்தில் தொடங்கி, அந்த இடத்தில் முடிகின்றன? ஒவ்வொரு இசைக்கருவியின் வருகையும் விலகலும் ஏன் அத்தனை துல்லியமாகத் திட்டமிடப்பட்டிருக்கிறது? ஏன் வேறுவிதமாக அமைக்கப்படவில்லை? இந்தக் கேள்விகளுக்கான விடைகளைத் தேடும்போதுதான், ஒரு இசைக்கோர்வையின் பின்னால் இருக்கும் இசை சார்ந்த தேர்வுகளையும், அவை படத்தின் சூழல், காட்சி, கதாபாத்திரம் ஆகியவற்றுடன் கொண்டிருக்கும் தொடர்பையும் புரிந்துகொள்ள முடியும். அப்போதுதான் அந்த இசையின் உண்மையான வீரியமும் ஆழமும் நமக்குப் புலப்படும். அப்படியானதொரு அற்புதமான Orchestral Themes நிறைந்த My Dear Kuttichathan திரைப்படத்தின் பின்னணி இசையும் பாடல்களும். youtu.be/72VIqyHkYOg?si=kH7i…