Pakistan Cyber Force

سردار اختر جان مینگل کے حوالے سے ایک ایسا انتہائی چونکا دینے والا انکشاف سامنے آیا ہے جس نے ملکی سیاست اور مقتدر حلقوں میں کھلبلی مچا دی ہے۔ وہی ہوا جس کا سب سے زیادہ ڈر تھا۔ اختر مینگل نے تمام ریڈ لائنز کراس کر دیں۔ ذرائع کے مطابق اختر مینگل کے حالیہ جلسے میں نہ صرف پاکستان کا قومی ترانہ پڑھنے سے روک دیا گیا، بلکہ اس کی جگہ مبینہ طور پر ایک مخصوص کالعدم تنظیم سے منسوب نظم کو چلوایا گیا۔ اگرچہ مقامی سطح پر یہ نظم ہر بلوچ شہری سنتا ہے اور یہ خالصتاً کسی ایک تنظیم کا ترانہ نہیں ہے، لیکن یہاں سب سے بڑا سوال یہ اٹھتا ہے کہ اختر مینگل صوبائی نہیں، بلکہ نیشنل لیول کی سیاست کا دعویٰ کرتے ہیں۔ ایک ایسی سیاسی قیادت جو ملکی پارلیمان کا حصہ رہی ہو، اس کے جلسے میں قومی ترانے پر پابندی لگانا اور اسے روکنا کس ایجنڈے کا حصہ ہے؟ جلسے کے پنڈال میں پاکستانی پرچم لہرانے کی اجازت نہ دینا کیا معنی رکھتا ہے؟ یہ وہ سنگین سوالات ہیں جن پر اب عوامی اور سیاسی حلقوں میں شدید تشویش پائی جاتی ہے۔ لوگ اب کھل کر یہ سوال کر رہے ہیں کہ کیا اختر مینگل پاکستان کو اپنی ریاست تسلیم بھی کرتے ہیں یا نہیں؟ قومی دھارے کی سیاست کا لبادہ اوڑھ کر اس طرح کا رویہ اختیار کرنا ریاست کے خلاف ایک بڑے بیانیے کو جنم دے رہا ہے، جس پر اب شدید ردعمل کی لہر دوڑ گئی ہے۔