👸🏻

من الخاص 📩 السلام عليكم يا بسام نزل تكفى بدون يوزر.. أنا راتبي 42 ألف وما علي أي التزامات، وساكنين ببيت ملك ورثته من الوالد الله يرحمه. زوجتي موظفة وراتبها 6 آلاف، متفق معها تاخذ قطتها بالبيت 3 آلاف للمقاضي والكهرب، ومخلي لها الباقي تصرفه على كيفها وما أتدخل فيه أبداً من باب الكرم. المشكلة الحين ولدت وجابت لنا ولد، ومسويه دراما تبيني أدفع حق مستشفى الولادة وحليب وحفاظات الولد! رافض تماماً بحجة إنها هي اللي كانت تبي أطفال وأنا كنت مأجل الفكرة، فالمفروض هي تتحمل تكاليف رغبتها، وفوق كذا رافضة ترجع تولد عند أهلها عشان نوفر أكل النفاس. الحين شالت ولدها وراحت بيت أهلها زعلانة، وأبوها متصل يقولي يا عديم المروءة تعال خذ ولدك ومصاريفه، مع إني ما قصرت معهم بشيء؛ الصيف اللي فات مسفرها معي دبي ودفعت حق تذكرتها وخليتها تسكن معي بنفس الغرفة ببلاش ولا طلبت منها نص الفندق! وش الحل مع النكران هذا؟ هل تصرفي منطقي ولا هي تبي تبتزني عاطفياً؟