Rob Moses

میرا اندازہ ہے ٹرمپ آئندہ چند ماہ کے اندر اپنے عہدے سے استعفیٰ دے دیں گے۔ اور اس کے پیچھے ایک خاص وجہ ہے۔ امریکی آئین کے تحت کسی صدر کو عہدے سے ہٹانے کے لیے سینیٹ میں موجود ارکان کے دو تہائی ووٹ درکار ہوتے ہیں (اگر تمام 100 سینیٹرز ووٹ ڈالیں تو 67 ووٹ بنتے ہیں)۔ اگر وسط مدتی انتخابات کے بعد ڈیموکریٹس کی سینیٹ میں نشستیں بڑھ کر اندازاً 53 ہو جاتی ہیں تو صدر کو مجرم قرار دے کر عہدے سے ہٹانے کے لیے کم از کم 14 ریپبلکن سینیٹرز کو بھی ان کے خلاف ووٹ دینا ہوگا۔ عام طور پر یہی سمجھا جاتا ہے کہ ریپبلکن سینیٹرز پارٹی وفاداری نبھاتے ہوئے ٹرمپ کے ساتھ کھڑے رہیں گے، لیکن ایک دوسرا منظرنامہ بھی ممکن ہے۔ کانگریس کے انتخابات میں اگر ریپبلکنز کو بھاری نقصان اٹھانا پڑتا ہے تو کئی ارکانِ پارلیمنٹ اس کی بڑی وجہ ٹرمپ کے متنازع طرزِ عمل اور ان کی متنازع پالیسیوں کو قرار دے سکتے ہیں۔ ایسے انتخابی دھچکے کے بعد ممکن ہے کہ ریپبلکن سینیٹرز کی اتنی بڑی تعداد پارٹی لائن سے ہٹ کر ٹرمپ کو عہدے سے ہٹانے کے حق میں ووٹ دے دے۔ ایسی صورت میں جب ٹرمپ کو اپنی برطرفی اور یقینی مواخذے کا سامنا نظر آنے لگے تو وہ خود ہی استعفیٰ دینے کا راستہ اختیار کر سکتے ہیں۔ اس طرح نائب صدر جے ڈی وینس صدر بن جائیں گے اور ممکن ہے کہ وہ ٹرمپ کو صدارتی معافی دے دیں۔ بالکل اسی طرح جیسے 1974ء میں صدر رچرڈ نکسن نے استعفیٰ دیا تھا اور ان کے بعد صدر بننے والے جیرالڈ فورڈ نے انہیں صدارتی معافی دے دی تھی۔