Muhammad Najeeb tipu

ہمارے زخم تو دیکھو ان کا طنطنہ تو دیکھو بنی امیہ کا وہ وحشی حکمران سلیمان بن عبد الملک۔کسی شخص کی شکایت آئی توبرہمی سے بولا : میری مہر تو لاؤ ۔ جناب عمر بن عبد العزیز بھی اتفاق سے موجود تھے۔بلے: عم زاد کیا تم نے قرآن طلب کیا ہے؟ غصے سے حاکم نے گھور کر دیکھا تو فرمایا : اللہ کی دنیا تمہارے دستر خوان سے بہت بڑی ہے۔ ایک دن اپنے پسندیدہ سبز رنگ کا خیمہ لگوایا۔ سبر قالین بچھوایا اور کہا : بجا کہ ابوبکر صدیق تھے بجا کہ عمر ابن خطاب فاروق تھے بجا کہ عثمان غنی تھے بجا کہ علی حیدر کرار تھے میں بھی تو جوان بادشاہ ہوں خدا کی قسم میں قسطنطنیہ کو فتح کروں گا یا شہید ہو جاؤں گا ۔ قسطنطنیہ کو ہ کیا فتح کرتا ،کھانے کے بعد جس کی آستینوں سے گھی نچوڑا جاتا تھا۔ موت کا وقت آپہنچا تو بسورنے لگا "میرے بچوں کا کیا ہو گا " جناب عمر بن عبد العزیز کا جلال چمکا اور ارشاد کیا: جس پروردگار نے تمہیں بادشاہی بخش دی، تمہارے بچوں کو کیا روٹی بھی نہیں دے گا۔ تدفین کا وقت آیا تو کفن میں حرکت سی ہوئی ۔ " ہمارا باپ زندہ ہے" اس کے فرزند چیخے " تدفین کی تیاری کرو " جناب عمر بن عبد العزیز نے کہا "عذاب شروع ہو گیا ہے" تاریخ ایک عبرت کدہ ہے مگر کون عبرت پکڑتا ہے؟ روز جنازے اٹھتے ہیں اور آئے دن ہم انہیں کندھا دیتے ہیں مگر بھول جاتے ہیں کہ ایک دن ہمیں بھی اسی مٹی میں دفن ہونا یے۔ ہم سب اس خاک کی امانت ہیں ہم بھی ہمارے حکمران بھی ہمارے زخم تو دیکھو ان کا طنطنہ تو دیکھو