im_thirdEye

వరంగల్ తూర్పు నియోజకవర్గం పట్టభద్రుల ఓటరు నమోదు ప్రక్రియను వేగవంతం చేయాలి – బోయినపల్లి వినోద్ కుమార్ వరంగల్ తూర్పు నియోజకవర్గంలో పట్టభద్రుల ఎమ్మెల్సీ ఓటరు నమోదు ప్రక్రియపై ఈరోజు డివిజన్ ఇంచార్జిలు, పార్టీ ముఖ్య నాయకులతో సమీక్ష సమావేశం నిర్వహించారు. ఈ సమావేశానికి ముఖ్య అతిథులుగా తెలంగాణ రాష్ట్ర ప్రణాళిక సంఘం మాజీ ఉపాధ్యక్షులు, మాజీ పార్లమెంట్ సభ్యులు శ్రీ బోయినపల్లి వినోద్ కుమార్ గారు, వరంగల్ తూర్పు నియోజకవర్గ పట్టభద్రుల ఎమ్మెల్సీ ఎన్నికల ఇంచార్జి శ్రీ మర్రి యాదవ రెడ్డి గారు హాజరయ్యారు. ఈ సందర్భంగా బోయినపల్లి వినోద్ కుమార్ గారు మాట్లాడుతూ.. వరంగల్ తూర్పు నియోజకవర్గంలో ఇప్పటివరకు సుమారు 15 వేల మంది పట్టభద్రుల ఓటరు నమోదు ప్రక్రియ పూర్తికాగా, ఇందులో బీఆర్ఎస్ పార్టీ ఆధ్వర్యంలో 8,760 మంది పట్టభద్రులను ఓటర్లుగా నమోదు చేయించడం జరిగిందని తెలిపారు. మిగిలిన అర్హులైన పట్టభద్రులందరినీ కూడా వీలైనంత త్వరగా ఓటర్లుగా నమోదు చేయించాలని సూచించారు. నమోదు ప్రక్రియ అనంతరం బీఎల్ఓల ద్వారా దరఖాస్తుల వెరిఫికేషన్ పూర్తయ్యేలా చూడాలని, ఇప్పటికే దరఖాస్తు చేసుకున్న ప్రతి ఒక్కరి పేరు ఓటరు జాబితాలో చేరే వరకు పార్టీ నాయకులు, కార్యకర్తలు నిరంతరం పర్యవేక్షించాలని పిలుపునిచ్చారు. పట్టభద్రుల ఓటరు నమోదు కార్యక్రమాన్ని విజయవంతం చేయడమే లక్ష్యంగా పార్టీ శ్రేణులందరూ సమన్వయంతో పనిచేయాలని, నిర్దేశించుకున్న లక్ష్యాన్ని చేరుకునేందుకు ప్రతి ఒక్కరూ బాధ్యతతో కృషి చేయాలని ఆయన సూచించారు. ఈ సమావేశంలో వరంగల్ తూర్పు నియోజకవర్గానికి చెందిన మాజీ కార్పొరేటర్లు, 24 డివిజన్ల ఇంచార్జిలు, మాజీ డివిజన్ అధ్యక్షులు, పార్టీ ముఖ్య నాయకులు పాల్గొన్నారు.