وهـايب

تهلَي في خطاويك النسايم و السحاب يهلّ واغني لك بصوتي .. بين برّاقه و رّعاده قلايد من عقود الياسمين ومن عقود الفلُ لعنقك وانت عنقك يستحق اكثر من قلاده شعورك بالزهر فايح و شعرك بالمطر مبتل و وجهك عادته يفتن وانا مفتون كـ العاده ..

يالعفاف المهذّب والحيا والحشيمة والجمال الحقيقي والوقار المهيّب كل عينٍ ما تشبع من عيونك كريمة ما لحسنك شبيه ولا لزينك معيّب ما تهون المصايب والجروح الأليمة لين شعرك من العود المعتّق يطيّب وكل فكرة تغنّى فيك فكرة عظيمة لين راسي يشيب ولين قافي يشيّب ..

عطيتك زمام القلب في زحمة الخطار ومن كثر ماهاب الجفى صاير اهابك على نايف الاشواق والليل له سمّار سريت بخيالي لين عانقت مرقابك عطيتك مواثيق الغلا والسلام الحار ولا جابك التقدير والشوق ماجابك حفظت العتب والحب والجرح والاسرار اخاف المشاعر من مفارقك تغتابك ..

مرحبا بك في محلك ورى ملقى الضلوع في مكان مابه احدٍ بوسطه … خاشرك '

اشاور كل كلمه عالقه في قلبي المزحوم وادوّر للطريق اللي يلوق بقدري وذاتي بروح وما بقى لي من حنين وذكريات ولوم تباريني وانا في وجه ربي من تلفّاتي سلام الله على وجهك هذاك الواضح المفهوم وملامح ما رسمها غير روحاتي وجيّاتي ..

أنتي ولو مريتي بـ عمر آدمي حظه شحوح ما عاد يبغى من عطايا الحظ حاجه تقنعه ..

لا يابعد كل الكلام .. الي على بالك يدور يفداك غروٍ يوم وليته .. على قلبي خلع ما أنت الوحيد الي يعاتبني على قل الطهور غيرك .. رفيقٍ ما يحسب حساب نوبات الهلع كثر ما كنت امشي الايام .. يلحقني قصور يمكن خطاي اني مانيب الي حبى والي ظلع والله ما يسبق غلطتينك غير .. فدوه ومعذور أغلط فداك الي مايبلع غلطتك .. والي بلع وشلون أبقسى وأنت عودك هش وأحساسك ذعور تبكي ليا ضيعت في كلمتك .. من زود الدلع أنت الثمين الي على عنقك .. على عنقك غيور يوم الرخيص من الاوادم .. لرخيص من السلع لا صار يجذبك الكلام الي على أطراف الشعور ليتك تعرف الي بغيت اطلعه ... ولا طلع شفني ما قلت لطيفك الي ممتحني صف دور وانا اعرف انه كل ماهيف خذا البال وشلع وشفني وأنا وياك يـوم الارض وأهلها تبور على كثر ما ماتت الاحلام الارض ما مات الولع

ياللي عليك من الرضا والمشاريه ما يختلف في حكمها كل قاضي مرّه زعول ادناة حاجه تبكّيه ومرّه تقول إنه على طول راضي أرتاح من صوبي وقل ماتخفّيه عمر الغلا ماهوب عمر افتراضي قلبي لغيرك شي ماهوب ف ايديه وأبعد عليه من السما للأراضي أبطى وهو قبلك يخمّه ويخطيه وأقنعته إن ما كل لاعب .. رياضي الناس من بعدك هلا وأنت لبيه الحاضر أنت وماضي الناس ماضي

هواي العذب.. انا مالي وطن غير العيون السود خذيني في كنفها لين رمشك يبسط ظلاله على كثر الوجيه اللي تبين وتختفي وتعود انا ما شفت مثلك يا غزالٍ شايفٍ حاله تميل الريشة اللي فوق راسك مع هبوب النود ليا جيتي ما بين الناس مغرورة ومختاله ملامح يوسفيّة زينها راهي و لا محدود اجلّ من القمر واجل من عشرة من أمثاله ليا قالوا لك انك فارقة قولي عليكم زود عليكم زود وازينكم وجه مشروب فنجاله يا سبحان العظيم اللي فرق وجهك عن الموجود يجي والناس حوله جالسين وكنه لحاله انا ما ودي اشكر في حياتي غير ابوك العود مسوي له جمايل بعد ما جاب اجمل سْلاله عيون الناس لا لدت على سلسالك المحسود يحسدونه على طيب المكان وطيب الاطلاله نحطك فالصدر ونحط في عين الحسود العود عساه اليا نطق بالشين فال الله ولا فاله حلفت ان الحزن ما يدخل بقلبك وانا موجود انا موجود .. لجل أزيّنه وازين احواله

سمعت انه تمعّن في الوجيه و ما لقى شرواي واعرف انه يعيش متّيمي و يموت ملهوفي وأدري إنّه لو يطول البعد ما ينسى محيّاي كل ما حاول ينسى ردّه الشوق وشاف طيوفي ما لقى مثلي ولو فتّش على الدنيا وممشاي والقلوب اللي تشبه قلبي نادرةٍ وصوفي ..

اطلبي كل ما تبينه , معك فـ اللي تبين لو تبين العمر .. قلت العمر كله فداك تضحك الدنيا بوجهي لا شفتك تضحكين كني املك مال قارون , يوم املك رضاك انتي لي مصدر سعاده , ونعمه , واكسجين جعلني ما افقد وجودك ولا اعتاض بـ غلاك

تمر الريح في غصون الشعور وتستفز اسماي والوح من حقوق خطاك، لين حقوق تشريفك حبيبي وأنت "كل اللي مضا لي والزمان الجاي ترى من غير تكليف الحياة أشعر بتكليفك حبيبي لا تناسى ضحكتي، وأيامي، ومسعاي وأنا حتى إليا هب النسيم.. أذكر معاريفك

طوتك السنين الجرد يالشارع المهجور حتيت الشجر ماحط لك بالخُطى معبر يعلّمك عن طول إنتظاري ظلال السور لا مر الحنين بشارعك والضجيج أدبر الأعبر من غيابك حضورك بدون شعور تخيّل يكون حضورك من الغياب أعبر معك هقوتي مثل الصور في رفوف الدور تمـر السنيـن بعمـرها بس ما تكـبر ..

من تصوّر وجهك بـ يتعب خياله ومن يشوفك ما نسى لو بعد مدّه مستحيل أصدّق إنك من سلاله أنتي أعجوبه وأنا مُعجب بـ شدّه

أنتي المرباع ، و القايده ،و الإتجاه و آخر الآمال و أكبر هدف و أول طموح ㅤ قبل أعرفك ما عرفت الوضيحي و المهاه ولا أعرف ورقاً تغنّي ولا ورقاً تنوح ㅤ بايعً لـ أجلك حياتي و أنا أحب الحياه الحياه بدووونك . . أشرّ من روحٍ تروح

على الله والانسان يتعافى من الازمات لو النفس تفنى .. قبل تقضي عوايزها تعيش الاوادم .. كلها في عنا ، واثبات وتسعى .. ورى غاياتها لين تنجزها والاهداف كل اللي بعدها من اللذات ما يشبه متع لذاتها .. قبل تحرزها عسى نفسي اللي بين الاحلام والغايات ما تفقد شعور الكلمة .. اللي تحفّزها تساميت بـ اسمٍ .. منه الايام ما تقتات وروحٍ عليها ملبس الضعف .. ما يزهى على كثر ما مرت علينا .. من العثرات يا كثر الظروف .. اللي عبرنا حواجزها آعذر الجريح ان راح عمره على ما فات الانفس هواها . مرتبط ، في غـرايزها عليك المشاعر ثايرة .. يا رفيق الذات أحاسيسٍ .. أدنى ما يجيها ينرفزها من يحب مجبور يتعوّد على الانصات لو ان ما تمرّه .. غلطه ، الا يميّزها أنا كنت آسامح .. وآتغاضى ، عن الزلات ما آعيد النظر في كل صورة . . وابروزها تجاوزت قبلك كل صدمة من الصدمات وهالحين .. كلمة ، ما قدرت اتجاوزها

أجيك والضيق فيني مكتسح عرض طول وأرجع وأنا مبتسم فاهق همومي وراي مساا الخير

هلا مرحبا ماذعذع امن الشمال البرد وماناحت الورقـى وماعسكر الذاري ㅤ وجودك معي مصدر فرح ياشبيه الورد وبدونك تفاصيل الفرح مالها طاري ㅤ طواني غرامك مثل طوي السنين الجرد ولازال حبك فالحشى بايع وشاري ㅤ هواجيس قلبي جا لها فـ الحنايا ورد امن البارحه مفعولها فالحشى ساري

ياللي عيونك وساع و خدك يشع نور قلبي يحبك لو إنك لا نشدته جحد ㅤㅤ دورت فيك التواضع بس شفت الغرور اللي مخليك ما ترخي عيونك لـ أحد ㅤㅤ لا تستثير العواطف عند بعض الأمور و نهاية الآدمي حفره و طين و لحد ㅤㅤ ليتك على عيونك اللي كنها عيون حور ثلاث مرات تقرأ .. قل هو الله أحد

صباحك هوى قلب ٍ يعاني من التقصير من اصدق شعور الحب ماهوب متسلي اشوف الصباح اللي يجيبك صباح الخير وصباح ٍبدونك والله انه ماهوب اللي ..