وهـايب

آتهيّا لـ « الهبوب الباردة » - وتهبّ نودك وانت نودك ما تهب الا بعدها وبل صيّب وين آلقّي عن هواك ووين آولّي عن وعودك يا مسيّبني على جسرٍ مثل جسر المسيّب أشجع الشجعان تقدر تكسره قسوة جمودك لا تقول « مجري الهيّاب » وشلون يتهيّب مستحيل آزعلك في يوم .. وآفرّح حسودك لو فضا صدري يضيق ولو شعر راسي يشيّب يا حبيبي ما رضيت اعاتبك على برودك يا كثر ما قلت لك طيب وانا مانيب طيّب كل نسمه ساقها الرحمن من مربى جدودك ما تنفست بـ هواها العذب من غير اتطّيب ما تجود الرايحات من المزون الا تجودك مع ذعاذيع النسيم ومع نسانيس الهبيّب ابتعد ولا اقترب ما تختلف قيمة وجودك انت لا قبلك ولا بعدك بعيد ولا قريّب