Junaid Amir

عمران خان جب وزیراعظم بنے تو حلف اٹھانے کے مہینے ڈیڈھ بعد میری ملاقات تھی۔ عاشورہ تھا، چھٹی تھی۔ جمعہ کا دن تھا اس لیے ملاقات وزیراعظم سیکریٹریٹ کے بجائے بنی گالا انکے گھرپر ہوئی۔ تاریخ 21 ستمبر 2018 تھی۔ خان سےملاقات کوہم سعادت سمجھتے اس لیے تقریبا سب کچھ یاد ہوتاہے۔ معاملہ بلوچستان میں ایک اہم تعیناتی کا تھا لیکن وہ موضوع کسی اور وقت کےلیے۔ اس سے زیادہ اہم باتیں ہوئی۔ ان باتوں سے آپ خان صاحب کی سوچ کی گہرائی اور انکے نزدیک مسائل کے حل کو سمجھ سکتے ہیں۔ انکی ترجیحات کو سمجھ سکتے ہیں۔ وہ پاکستان کےلیے یا امت مسلمہ کےلئے کیا سوچتے ہیں کیا حاصل کرنا چاہتے ہیں اس معاملے کو سمجھ سکتے ہیں۔ خان گفتگو میں انگریزی کےالفاظ زیادہ استعمال کرتے میں یہاں اردو میں لکھونگا تاکہ سب کو پیغام سمجھ آئے۔ خان نے کہا سالار مجھے ایسا بندہ چاہیے جس کے اقدار اچھے ہوں۔ انہوں نے Value System کا لفظ استعمال کیا تھا۔ آج آپ دوست خان کے خاندان کو دیکھ رہے ہونگے انکے جو اقدار ہیں وہ سب کےلیے حیران کن ہیں۔ جو شعور، استقامت، بہادری، عاجزی اور توکل ان میں نظر آتا ہے وہ حامی و مخالف سب کو حیران کیے ہوئے ہے۔ خان نے کہا مجھے سب کہتے ہیں ملک کی معیشت ٹھیک کرو، پاکستان کو ایشین ٹائیگر بناو۔ جی ڈی پی بڑھاو۔ پر کیپٹا انکم بڑھاو۔ میں انکو کہتا ہوں آپ قوم بناو یہ ساری چیزیں خود ٹھیک ہو جائینگی۔ جب قوم صحیح راستے پر گامزن ہوگی پھر نا چوری ہوگی نا کرپشن ہوگی نا لوگ ایک دوسرے کا حق کھائینگے۔ پھر دیکھنا نا غربت ہوگی نا بےروزگاری ہوگی۔ اور آپکے برآمدات کو دنیا بھر میں عزت ملے گی۔ دیکھو سالار بنی اسرائیل پر آسمان سے کھانا اترا، لیکن قوم نے پھر بھی بچھڑے کے پیچھے سب کچھ ضائع کیا۔ جتنا بھی پیسہ آجائے جب تک ہمارا value system ٹھیک نہیں ہوگا صرف کرپشن میں اضافہ ہوگا ہم بطور قوم کبھی ترقی نہیں کرسکینگے۔ امریکہ کتنا پیسہ پھینک رہا ہے افغانستان میں۔۔۔لیکن وہ سارا پیسہ warlords کی جیبوں میں جا رہا ہے، عام افغان آج بھی دو وقت کی روٹی کو پریشان ہے۔ ہم نے کوشش کرنی ہے اچھے value system والے لوگ لائیں۔ جتنی کوشش ہم کرسکیں۔ تم دس بندوں میں ایک ایماندار آدمی گھسا دو اگر باقی نو چور بھی ہوں تو وہ آرام سے چوری نا کرسکیں گے۔ باقی باتیں ہم نے مختلف اشخاص سے متعلق کی جو اس پوزیشن کےلیے مناسب ہوسکتے تھے۔ خان کی بہت کوشش تھی کہ پرائمری سے یونیورسٹی تک کے نصاف میں اقبالیات کو شامل کریں۔ وہ کہتے لوگوں نے اقبال کے ایک ایک شعر پر پوری کتابیں لکھی ہیں۔ ایران، ازبکستان اقبال لاہوری سے مستفید ہورہے۔ جب کہ وہ ہمارا بندہ ہے۔ ہمارا شاعر ہے۔ میری قوم کیوں اس سے مستفید نا ہو۔ انکا ایک ایک شعر درجنوں کتابوں سے زیادہ طاقتور ہے۔ اور بڑے لوگوں کی دہائیوں کی زندگیوں کے تجربے سے زیادہ گہری باتیں ہیں اس میں۔ اقبال نے جو کام قرآنی تعلیمات، اسلاف اسلام اور انصاف کے نظام پر کیا ہے کسی اور نے اسکا ایک فیصد نہیں کیا۔ میں اپنی قوم کو اقبال پڑھاونگا۔ انہوں نے قوم کو ارتغرل غازی کی طرف متوجہ کیا۔ ہم لوگ جو سٹار پلس اور لوکل ڈراموں کے ساس بہو کے پھڈوں، جوڑوں کے افئیرز، گھروں سے بھاگنا، خودکشی وغیرہ کے موضوعات پر وقت برباد اور دماغ خراب کرتے تھے، انہوں نے ہمیں ارتغرل دکھا کر اسلام، اتحاد، قربانی، اجتمادی اہداف اور قوم کی فلاح کا سبق دیا۔ خان کی تمام تقاریر بشمول مندرجہ بالہ اقدامات اس سوچ کی عکاس ہیں کہ اہداف حاصل کرنے سے پہلے آپکو اقدار پر کام کرنا ہوگا۔ زہن سازی انکے نزدیک اہم ترین کام تھا ناکہ معیشت یا منرلز یا موٹرویز۔ ایران نے زہن سازی پرکام کیاتھااورآج کی تاریخ تک وہ سوپرپاورکوٹھڈوں پررکھےہوئےہیں۔ قوم سےپہلےہمیں پارٹی میں اقدارپرکام کرناہوگاتبھی ہم کامیاب ہونگے۔ عمران خان کی پارٹی میں اگرہم value system شریفوں اورزرداریوں والا رکھینگےتوہم کبھی کامیاب ناہونگے۔ جھوٹ، کزب، منافقت، چاپلوسی اور نظریہ ضرورت شریفوں اورزرداریوں کی گھٹی میں پڑاہے۔ ان رستوں پرہم انسےمقابلہ کرینگےتووہ ہمیشہ ہمیں شکست دینگے۔ خان کارستہ اچھےاقدارسےہوکرکامیاب اہداف تک جاتاہے۔ وہ رستہ بہت مشکل ہےلیکن آپ ہر محفل، ہر منصب میں 9فنکاروں میں ایک سیدھےبندےکوگھساکرآزمائیں تو۔ شاید باقی 9 میں سے وہ چارمزیدکوسٹارپلس سےارتغرل غازی کےراستے پر لےآئے۔ "اے اللہ تیری عبادت کرتے ہیں اور تجھی سے مدد مانگتے ہیں"۔