Nirusa

मोबाइलको ग्यालरीमा हजारौँ तस्बिर छन्, तर ती तस्बिर भित्र कैद भएका पलहरू आज पनि मनको कुनै कुनामा जीवित छन्। कुनै तस्बिर हेर्दा लाग्छ, समय केही बेर रोकिएको भए कति राम्रो हुन्थ्यो। कुनै तस्बिरले ती मान्छेहरूको याद दिलाउँछ, जो आज तस्बिरमा त छन्, तर जिन्दगीमा साथ छैनन्। अचम्म त के छ भने, मोबाइलको मेमोरी भरिँदा त तस्बिर मेटाउन सकिन्छ, तर मनमा भरिएका सम्झनाहरू मेटाउने कुनै विकल्प हुँदैन रहेछ। ❤️‍🩹 #म_अनि_मेरो_भावना ~रज्जित ✍

सायद मनलाई प्रेम गर्न कुनै परिचय चाहिँदैन रहेछ, न भेटको बहाना, न तस्बिरको सहारा। कहिलेकाहीँ त कसैको अस्तित्व भन्दा पनि उसको कल्पना सँग बढी लगाव बस्दो रहेछ। न उसले केही भनेको हुन्छ, न हामीले केही मागेका हुन्छौँ, तर मनले भने उसको नाममा कति अनगिन्ती खुसी र अधुरा सपनाहरू सजाइसकेको हुन्छ। सायद यो प्रेम होइन भने पनि, मनले महसुस गरेको यो मिठो भ्रम प्रेम भन्दा कम कहाँ हुन्छ र ? ❤️‍🩹

तिम्रा कयौँ तस्बिरहरू छन् म सँग, केही मुस्कुराएका, केही लजाएका, अनि केही तिमीलाई थाहै नदिई कैद गरेका। कहिलेकाहीँ एक्लै ती तस्बिरहरू हेर्छु, अनि मनमनै मुस्कुराउँछु। अचम्म त के लाग्छ भने, तिमीलाई आँखा भरि देख्न सक्ने तस्बिरहरू त छन् म सँग, तर मन भरि महसुस गर्न सक्ने तिम्रो साथ छैन। सायद यही नै प्रेमको सबै भन्दा सुन्दर र पीडादायी पक्ष हो, सम्झनाहरू हजारौँ हुन्छन्, तर चाहेको मान्छे सधैँ साथमा हुँदैन। ❤️‍🩹 #म_अनि_मेरो_भावना ~रज्जित ✍