مُبتغى

ترى بعض الكلام رصاص لاصار اللسِان زناد ياليت الأدمي ما يهَرج إليا ضاقت أخلاقه - فواز السعيدي الأسلحه واجد ولكن الكلام أخطر سلاح كم كلمةٍ قيلت بسرعه وجرحت حنجورها - سفر الدغيلبيّ

صبّحك باشواقي اللي ودّها تسْرح بك لين ترسي بك على بحر الغلا من حدرى يا حبيبي كل صُبح وكل يوم افرح بك غير لاتنشد عن اسباب الغلا وانت ادرىّ

معك كل الدروب ميسّره وموفقه توفيق و بسماتي ملت وجهي وترحابي وضحَ فيني لقيتك للدروب الموحشة ذخر وللضياع رفيق وعقب رمضى العمر وياك تو تزهر بساتيني عليك الله وامانه من ليال البعد والتفريق وسوء الظنّ لاَ يدخل حبيبي بينك وبيني

الانسان لو قسّم حروب الحياة اقسام درى ان اكبر الاقسام حربه مع ذاته وش الوقت من دون العقارب ولا الارقام وش العمر من دون الطموح ومتاهاته @3lipoet

أنت شيٍ لا يطال ولا يخلّا وأنا جيتك ذيب صيد و رحت صيدة السوالف من فمك شهدٍ محلّا والليالي كلها بوجهك سعيدة والصباح اللي معك ما كنّه — إلّا الصباح اللي يجي عقب القصيدة @sultan_alhawali

والله معاد اسعى على رضوة الناس لاعاد تحصل لي ولا حاصلٍ فرق مكبرٍ راسي ومبني على ساس مغنيني الله عن هل الغرب والشرق - هاني حمّاد

فتحت إلك صدري يا حبيبي زرار .. زرار هذا بيتك وبيت أمك و بيت أبوك العود و تحتلني! و تحطني دولة أستعمار؟ وأنا في السعوديه تحت راية ابن سعود !

احيان ما ألقى لي من الضيق مخراج وأحيان يضحكني كلام الفكاهه أنـا بـشر وأمـر بـظروف . . وأحتـاج عن عالم الإزعاج فترة نقاهه - سعد علوش

حتى لو انّ البشر على قفى من يشيل" ترنيمة الناس .. ماهي مثل ترنيمتي ! كابر، وبكره لاصار مواصلي مستحيل؟ يمرّك الشوق ويعلّمك عن ( قيمتي ) @6rgy2

من المهد حتى يقبض الروح عزرائيل حياةٍ بدون مكافحة مالها قيمة - سفر الدغيلبي

حنا اختلفنا فالمشاعر و الكلام الوضع باين ، و العقول تصوّره تجيني تسلم وارد لك السلام مع كلمتين وضحكتين مزوّره مافيه داعي للتشره و الملام كلن ضميره فالحياه ينوّره إن جيت عينت الغلا و الاحترام و إن رحت قلبي ماقدرت تعوّره ما نيب من متسولين الاهتمام إن ماحصل ما جيت منك ادوّره

مشاعري لاخفيتها لا تحسبين اني جماد الدمعه الي مابعد طاحت خفى دنيتها اجمل حكاية ماعرفت الها خروج ولاعتاد وليت الحكاية يوم طاولت الفراق انهيتها دام العمر موقوت والاموات تدفنها العباد هل العباد تموت فالدنيا قبل توقيتها؟ @Piilz2

الناس اميّزها من المنطوق حتى لو انها بالكلام تشح مشكلتي ان حبيت لي مخلوق اشوف كل اللي يقوله صح

الوصّل ماهو ذنب,و الوصل بالذات يحسب بشرع الحب مثل العباده ،، ضيدان بن قصعان

سمعني صوتك أنا محتاج له جداً مسامعي ماتعيش إلا على ( صوتك ) ،، سعود مبارك كنّ السالفه بـ حبال صوتك عساي فداك قصيدة سفر ويشيلها خالد آل بريك ،، عبدالله السراهيد ترا خلاياي ، مدمنةٍ على صوتك كلمني الصبح مرّة والمسا مرّة ،، سعد بن جدلان

بيني وبين انفجار الصبر "حذفة حصاه" ياليت لو بيننا ( كلمة قريّب بدو ) احساسي " براحة العزله "عطاني قفاه الراحه الماضيه غدو بها اللي غدو العام اشوف العلاقات الكثيره غناه واليوم ؟سلّم علاقاتي هو اكبر عدو من كثر الاحلام ومجاهد ضغوط الحياه فاقد شعور السلام الداخلي والهدو ! @6rgy2

يا لقاي بذاتي المتغربه ، عن ذاتي يارضا نفسي على خير الزمان وشره أنت جيت وجابك الله عقب طول شتاتي وعوّدت فيك السنين الذابله مخضره نظرتي ، ذوقي ، سواليفي ، غناي ، سكاتي ودي أعرف لـ إرتباط اللي معك وش سرّه فيك من حزني كثر مافيك من ضحكاتي فيه أحد قال أنت تشبهني قبل هالمره ؟

يا طبيب انا ابخص بجرحي ولاتحرجني أشكرك والشكر من قلبي بحجم أوجاعه لاتحاول ب الكلام الذرب تستدرجني تسقط أسئلتك أمام أجوبتي الخداعه لو تشخص حالتي ماتقدر تعالجني والعلاج الي يعالجني ( قيام الساعه )

أمسيت و أصبحت و السجة هي السجة البال ، مملي طواري ، و الصدر زاخر ليت السنة كلبوها عشر ذي الحجة ولا السنة كلبوها العشر الآواخر مُرهق و محتاج لي صدة عن اللجة والنوم و الصمت و الراحة على الآخر - سلطان الحوالي