هاني حمّاد

ياورق غن وزود غناك لاباس ان كان ماغنيت ماحاصلٍ طرق الغاية الي قلدت عقد الالماس امكنتها لين اوخذت من يدي سرق كن الليال تقول يا حامل الفاس الي ماتوخذ طيب ما تنوخذ طرق معاد عندي غير شعرٍ من الراس انا خوي الليل والصبح والورْق والله معاد اسعى على رضوة الناس لاعاد تحصل لي ولا حاصلٍ فرق مكبرٍ راسي ومبني على ساس مغنيني الله عن هل الغرب والشرق هاني حمّاد

امر لحظات الحياة العفر وامر السواد لكن مثل هالمرحله والله ، ما مريتها قمت اتشتت بين الاحلام القديمة والجداد وخايف تروح ايامي الحلوه على تشيتها اوقف وقوف الليث واليامن كبيت اكبي جواد ولا الضعافه ماضريتبها ، ولا اسكن بيتها ياسمحة المبسم لايغريك التمادي والعناد ماباقي الا روحٍ تحبك ولا ذليتها مشاعري لاخفيتها لا تحسبين اني جماد الدمعه الي مابعد طاحت خفى دنيتها اجمل حكاية ماعرفت الها خروج ولاعتاد وليت الحكاية يوم طاولت الفراق انهيتها ياقوم يالي توردون الحق والعلم الوكاد ماباقي لبيت الامل بيبان ما طقيتها دام العمر موقوت والاموات تدفنها العباد هل العباد تموت فالدنيا قبل توقيتها؟ هاني حمّاد

من غار ثور تسير في حر الثرا فيني ولا ف رجولك الي قد حرقك والله لو اني قادر افرق ماجرا لنزّف الشريان ويوقف عرقك من ام معبد ل سُراقه ل الذرا للي بك تحيي وحيّت من رفقك بأمي وأبوي انت انت يا خير الورى محدٍ سبقهم غيرك انت ومن خلقك هاني حمّاد

مستامنين وشابعينٍ من القوت والشرق الاوسط فاليمامه زعيمه لا تكثر علومك ولا ترفع الصوت بتشوف تجديد الفعول القديمة من فوق طايرةٍ على ظلها الموت تعرف بعدها ان السلامه غنيمة هاني حمّاد

يوم ان الدول صاحت تبي للحمل شيّال جمعنا الدول في مملكتنا وقدناها بعزم الامير الي كتوفه تشيل اثقال محمد زبون الكايدات وحلاياها تميل الدول ومحمد العز ماقد مال وقف للعدى وقفة سعودي وسراها اذا المستحيله بير جبّا وبير زلال كفوف الامير الدلوا وذراعة رشاها ياداري وقفنا دون حدك |وقوف رجال نوسد خدود اعداك رمضى وناطاها اخذتي ثلاث قرون ما ذقتي الاذلال ترف لبيارق ونتحدى ونحماها هاني حمّاد

لـ قارئة الفنجان ياكاهنة كيف بشرك بالله الوالي والعز في طاعته والذل من دونه اذا جهلتي وش الي وسط فنجالي علمتك ان النشاما مايذوقونه هاني حمّاد

الليلة القمرية ليلة قصيدة .

استعذب الشين منّك كن مامنْك شين حتى الطعون المريره منْك يازينها مانيب قايل فراقك من عجاج السنين مارضى لك الكلمة الي ماتحبينها هاني حمّاد