Tahir Waseem Chaudhary

میں یہ بات پورے دعوے سے کہتا ہوں کہ شعیب اختر کی رفتار کا ریکارڈ اب صرف مشین توڑ سکتی ہے، انسان نہیں دہلی میں سلام کرکٹ شو کے دوران سابق کپتان گنگولی سے سوال ہوا کہ جب 2004میں آپ کی قیادت میں بھارتی ٹیم پاکستان گئی تھی تو اس دورے میں جو سب سے مشکل گیند باز تھے پاکستان کے وہ کون تھے جس پر گنگولی نے کہا کہ اس دورے میں پاکستان کے پاس اچھے فاسٹ بولر تھے جس محمد سمیع بھی تھے شعیب اختر بھی لیکن شعیب اختر نے اس ٹور میں جس رفتار سے باولنگ کرائی تھی پوری سیریز میں وہ کوئی عام گیند باز کرنے کا سوچ بھی نہیں سکتا "میں یہ بات پورے دعوے سے کہتا ہوں کہ موجودہ وقت میں شعیب اختر کی تیز رفتار گیند بازی کا ریکارڈ اب کوئی انسان نہیں، بلکہ صرف مشین ہی توڑ سکتی ہے۔ وہ پیدائشی طور پر دنیا کے سب سے تیز رفتار گیند باز تھے۔ جب ہم پاکستان کے ٹور پر گئے تھے، تو راولپنڈی میں ہمارا ایک ون ڈے میچ تھا۔ اس میچ میں شعیب اختر اتنے لمبے رن اپ سے باؤلنگ کر رہے تھے کہ میں خود حیران رہ گیا۔ اتنی لمبی دوڑ لگانا اور پھر ہر گیند 150 کلومیٹر فی گھنٹہ کے آس پاس کی رفتار سے پھینکنا کسی بھی عام گیند باز کے بس کی بات نہیں ہے! وہ راولپنڈی ون ڈے میچ پاکستان جیت گیا تھا۔ لیکن کمال کی بات میچ کے بعد ہوئی۔ میچ ختم ہونے کے بعد شعیب اختر نے پاکستان اور بھارت دونوں ٹیموں کے تمام کھلاڑیوں کو اپنے گھر پر شاندار ڈنر پر مدعو کیا۔ وہ کرکٹ کا ایک بالکل الگ اور خوبصورت دور تھا۔ میچ کے بعد دونوں ٹیموں کے کھلاڑی آپس میں مل بیٹھتے تھے، گپ شپ لگاتے تھے اور ہنسی مذاق ہوتا تھا۔ کرکٹ میدان تک ہی رہتی تھی۔ میں آج بھی اس شاندار دور کو بہت یاد کرتا ہوں۔