𝘚𝘰𝘰𝘳𝘺𝘢 𝘚𝘪𝘯𝘨 𝘗𝘢𝘭𝘭𝘪𝘺𝘪𝘭

ഇറാഖിലെ അബു ഗ്രൈബ് ജയിലിൽ തടവുകാരെ അമേരിക്കൻ പട്ടാളക്കാർ പീഡിപ്പിക്കുന്ന ദൃശ്യങ്ങൾ മുൻപ് പുറത്തു വന്നിരുന്നു. അതിൽ ഒരു ദൃശ്യം നഗ്‌നനായ ഇറാഖി തടവുകാരനെ പട്ടിയെ കൊണ്ട് കടിപ്പിക്കുന്ന ഒരു സ്ത്രീയുടെതായിരുന്നു. ഈ വാർത്ത പുറത്ത് വന്ന സമയത്ത്‌ വാർത്താ മാധ്യമങ്ങൾ എടുത്ത് പറഞ്ഞ ഒരു കാര്യം ആ പീഡകയായ സ്ത്രീ (ലിൻഡി ഇംഗ്ലണ്ട്) ഗർഭിണിയായിരുന്നു എന്നതാണ്. പൊതുവെ മനസ്സിൽ സ്നേഹ-വാത്സല്യങ്ങൾ നിറയുന്ന സമയമാണ് ഗർഭിണിയായിരിക്കുന്ന അവസ്ഥ എന്ന് കേട്ടിട്ടുണ്ട്. ആ അവസ്ഥയിൽ പോലും ഏറ്റവും ക്രൂരമായി പെരുമാറാൻ ഈ സ്ത്രീയെ പ്രേരിപ്പിച്ച ചേതോവികാരം എന്താണെന്ന് ഊഹിക്കാൻ മാത്രമേ സാധിക്കൂ. സംഘികൾക്ക് വേണ്ടി കാലടി യൂണിവേഴ്‌സിറ്റി ഭരിക്കുന്ന സിസ തോമസിന്റെ അനുതാപരഹിതമായ നടപടികൾ വായിച്ചപ്പോൾ ലിൻഡി ഇംഗ്ലണ്ടിനെ ഓർമ്മ വന്നു. സയൻസ് ബാക്ഗ്രൗണ്ടിൽ നിന്ന് വരുന്ന, അതിന്റെ എല്ലാ മെരിട്ടോക്രാറ്റിക് വേഷം കെട്ടുമുള്ള ഒരു സ്ത്രീ സോഷ്യൽ സയൻസ് ,ഹ്യൂമാനിറ്റീസ്, കല തുടങ്ങിയ വിഷയങ്ങൾ പഠിക്കുന്ന കുട്ടികളോട് ഇങ്ങനെ പെരുമാറിയതിൽ അത്ഭുതം ഒന്നുമില്ല. "ഓ, ഈ ഹിസ്റ്ററിയും പൊളിറ്റിക്സും ഒക്കെ പഠിച്ചിട്ട് എന്നാത്തിനാ, വല്ല പറമ്പിലും കെളയ്ക്കാൻ പോകാൻ കൊള്ളാം" എന്നതാണ് STEM മെറിറ്റോക്രാറ്റുകളുടെ എക്കാലത്തെയും നിലപാട്. നാടക രൂപത്തിലുള്ള പ്രതിഷേധം ഒന്നും അവിടെ ഏശത്തില്ലന്നെ. സ്വന്തം വിദ്യാർത്ഥികളോട് എമ്പതിയോടെ പെരുമാറാൻ കഴിയാത്ത, അവരുടെ ഭാവി തുലയ്ക്കും എന്ന് പ്രതിജ്ഞ എടുത്ത് നടക്കുന്നവർ ഒക്കെ നമ്മുടെ സർവ്വകലാശാലകളുടെ തലപ്പത്ത് വരുന്നത് ഒന്നാം തരം ഗതികേട് തന്നെയാണ്. എന്തായാലും കാലടി സർവ്വകലാശാലയിലെ പൊരുതുന്ന വിദ്യാർത്ഥികൾക്ക് അഭിവാദ്യങ്ങൾ. ഈ സമരത്തിൽ നിങ്ങൾ തോറ്റ് മടങ്ങുകയില്ല... (കടപ്പാട് )